Ɓimezle ngi Yesu Kristu ZAŊ mitil di mi 5:38 - Bible en langue guiziga

³⁸ Yo mingiɓi naŋ naŋ anta a mevel kumo ta, asi ki tiɓaka mbur naŋ mislino di na ta.

Ɓimezle ngi Yesu Kristu ZAŊ mitil di mi 5:38 ပူးပေါင်းရင်းမြစ်များ

DIMISEY 119:11

Ɓi ka miɓa le na, i ra ja a mevel ɗu vur ya magi mungra avu ka.

EZAYI 26:10

Amma da ara pram ircece da mbur misi moˀore na, naŋ anta sa dubuna gi jeŋŋe ta. Angi ruwuy magam gwat mikaslsla kwana, naŋ a sa gi di i malambaˀ na si, yo naŋ anta pura dudok ngi ɗik, ka Bumbulvuŋ ta.

EZAYI 49:7

Ka, mizli maburɗukuw, mizli mahirsukuw, ka beke ngi misi moˀorehey, Bumbulvuŋ mimbiɗi hirnga ngi mizli, Buymisemuŋ mipal wãˀ ngi Israyele, a ɓuw na: «Da buy madiɗahay misa purukuw le na, a sa slikiɗam ti ka, yo yarmahay kwana, a sa hurukom a mbuŋ ɗike. A sa gaka kanah na, ngi ɗuva hirnga da ya Bumbulvuŋ miteŋteŋ, da ya Buymisemuŋ Mipal ngi Israyel muwunuw na.»

Ɓimezle ngi Yesu Kristu ZAŊ mitil di mi 1:11

A so ar hirwuy nga naŋ, amma mizli nga naŋhay a tiɓaka so naŋ ta.

Ɓimezle ngi Yesu Kristu ZAŊ mitil di mi 15:7

Da kum ada jom ati ya, yo mingiɓi ɗu kwana, naŋ da hur a kumo na, kum misa cufuɗam gwat kum mawuɗam le gar na, kisa lumam.

Ɓimezle ngi Yesu Kristu ZAŊ mitil di mi 8:37

Yi si na le, kum i dideˀ ngi Abrahamay. Amma ki ra sipikiy, ɓa ki kiɗikiy vagay, asi mingiɓi ɗu anta ci a mevel kumo ta.

KOLOSOY 3:16

Anja Mingiɓi ngi Kristu a cifi ti gidaŋ haɗa a mevel kumo. Dubunam gwat, yo ɓam ɗaˀ ɗaˀ le ar wala kumo ti sinmijileŋ miwãˀ naŋ. Zlam dimis ngi ga sise da Buymisemuŋ ti mevel purla, hunumakaŋ ti dimis ngi Bumbulvuŋ, ti dimis maɓi ɓi ngi ˀUf Mipal mavula.

ZOZUWE 1:8

Ɗerewol ngi ɓimujuwa hana, kisa ndir di teˀ a mevel ɗiki, ngek avu mi, duvuɗ ati papas gar, ɓa gwat gar na, kisa gakasl kasl kaɓa mutohoko ɓi naŋ ara na. Naɓa gwat ka mawuɗ gi naŋ gar na, kisa ga kuy kuy, yo kisa ga gu ma kini.

ZAŊ MUDUMBUŊ NAŊ 2:14

Ziri ɗuwoy, i ra tuhukum ɓi ani ma: «Ki sinaka Cine ndra le.» Kum cine ngi ziri, i ra tuhukum ɓi ani ma: «Ki sinaka mbur misi zle angi zli virzi naŋ na le.» Kum gawla ati diilihey, i ra tuhukum ɓi ani ma: «Kum gidaŋ, yo mingiɓi ngi Buymisemuŋ naŋ da a hur kumo.»