Ɓimezle ngi Yesu Kristu ZAŊ mitil di mi 5:26 - Bible en langue guiziga

²⁶ Cine naŋ ti gidaŋ ngi vula siifa da mizli, naŋ kanah ya, a vula gidaŋ da Mangala ɓa a vula siifa da mizli.

Ɓimezle ngi Yesu Kristu ZAŊ mitil di mi 5:26 ပူးပေါင်းရင်းမြစ်များ

DIMISEY 36:9

A hay ɗike, ara mbam hã fineˀ gidaŋ ti gwat ngi zum mundumoy, yo ki ra vula taŋ gwat mundum ɗikey kaɓa yam ar mizaw madiɗaŋ.

DIMISEY 90:2

Ti muwãhay mubugoko vu t'aruŋ, yo ti ka miga duniya t'aruŋ na, naɓa ka ki Buymisemuŋ diga zlezle, hã ngi surmut.

BI NGI ISRAYELEY 3:14

Buymisemuŋ a mbiɗa da Moyise: «Kisa ɓa taŋ, a zilikiy Y'ADA YA YAHHA.» A ɓi: «Ki sa mbiɗa da Israyeleye kahana: Y'ADA mislino ya ng'avu kum.»

ZEREMI 10:10

Amma Bumbulvuŋ Buymisemuŋ mikaslsla, i Buymisemuŋ misi ti siifa, buy madiɗa hã ngi sete. Da naŋ miji mevel le na, hirwuy a jijik ngbir ngbir, yo sukwi ngi mizli anta ɓusaka himaˀ naŋ na gu ta.

Ɓimezle ngi Yesu Kristu ZAŊ mitil di mi 1:4

Siifa a bo ti vaŋ, yo siifa i li minjahha ngi mizli.

Ɓimezle ngi Yesu Kristu ZAŊ mitil di mi 10:18

Mbur maziziy hirnga gu anta, amma i ya mavula ti haŋ ɗu. Y'ada ti gidaŋ ngi vul naŋ, yo y'ada ti gidaŋ ɓa i luuma a muŋ. Ɓi Baha miɓiy di ɗaˀ le, ɓa yi ga na, i nah so.»

Ɓimezle ngi Yesu Kristu ZAŊ mitil di mi 11:25

Yesu a ɓaŋ: «Maslikiɗ mbur mumuca i ya, yo siifa i ya. Mbur matiɓiy na, ko da a muc le kwana, a sa ndir ti siifa.

Ɓimezle ngi Yesu Kristu ZAŊ mitil di mi 11:26

Yo ko wa gar misi ti siifa, da ara tiɓiy na, naŋ anta sa muc ta ndiɗaˀ. Ki tiɓa ɓi hana le kwa?»

Ɓimezle ngi Yesu Kristu ZAŊ mitil di mi 14:19

Neˀ nga mbuŋ ka na, duniya anta sa puriy mata. Amma kumo, kisa purikiy, y'ada ti siifa. Yo kumo kwana, kisa ndiram ti siifa ya.

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Ɓimezle ngi Yesu Kristu ZAŊ mitil di mi 4:10

Yesu a mbiɗaŋ di: «Anja da ki si na gwat Buymisemuŋ mavula le, yo da ki si na mbur hana maɓuw: ‹vuliy yam ngi si vuna le zleˀe› na, anja ani i ka macufuɗaŋ, ɓa a vuluw yam maɓul goŋ goŋ jaka.»

Ɓimezle ngi Yesu Kristu ZAŊ mitil di mi 6:57

Baha mislino ya, naŋ ti sifa, ya misi ti siifa na mbele naŋ, naŋ kanah ya, mbur misa zumiy le na, a sa ndir ti siifa mbele ya.

Ɓimezle ngi Yesu Kristu ZAŊ mitil di mi 8:51

Gisiŋ gisiŋ, yi ɓukum na: Da mbur a ja mingiɓi ɗu le a hirnga na, anta sa muc ta ndiɗaˀ wãˀ.»

SLRA 17:25

yo slra naŋ kwana, anta wuɗ i mbur titra magaŋ di, kaɓa naŋ da ti may ngi gwat ta, asi i naŋ mavula siifa da mizli gar, yo i naŋ mavula musuwun ati gwat mekelemey gar.

KORENTIHEY MUDUMBUŊ 15:45

Naŋ kine, a tohoko na: «Adamu, mbur mudumbuŋ, naŋ ti dumvu misi ti siifa.» Amma Adamu ngi dirba, i ˀUf Mipal mavul siifa.

TIMOTE MUDUMBUŊ NAŊ 1:17

Buy madiɗa ngi sete, Buymisemuŋ mamuc ta, mbur mapura gu ta wãˀ, Buymisemuŋ mupurla na, anja mizli a ɗuvakaŋ hirnga, a gakaŋ dudok hã ngi sete, ngi samadin! Amin.

TIMOTE MUDUMBUŊ NAŊ 6:16

Mamuc ta wãˀ, i naŋ pal naŋ. Naŋ angi li miciɗak ciɗak, mbur a ndil ng'ava gu ta. Ko mbur mupuraŋ ɗaˀ anta, yo mbur mapuraŋ gu anta wãˀ. Dudok ati gidaŋ ngi sete, inga naŋ. Amin.

HEBEREY 1:2

Amma angi hin ngi dirba muwãˀ ndra misi anga hana na, mingiɓi ngi Buymisemuŋ, i cinaka baɗ avu Mangal naŋ. Buymisemuŋ a cifaŋ i buy ngi gwatay gar, yo a ga duniya ti seˀe ma.

ƁIMUNJUYO 21:6

A ɓiy ma: «A gi le si. Yi Alfa, yi Omega. Yi zli virzi ngi gwat, yi kiɗa mi ngi gwat. Mbur, yam magaŋ gar na, i sa vulaŋ yam ngatara angi miviɗiviɗi ngi yam ngi siifa.

ƁIMUNJUYO 22:1

Waɗ ma, modro ngi Buymisemuŋ a bigiy mizaw ngi yam ngi siifa. A wucuɗ wilik wilik kaɓa dorogal. A bo tir li cifi ngi zumabuy ngi Buymisemuŋ ati tumuŋ.

ƁIMUNJUYO 22:17

ˀUf ngi Buymisemuŋ ati ngwas a ɓam: «Sawa!» Anja mbur macina ɓi hana kwana, a ɓi: «Sawa!» Mbur, misi yam ara gaŋ na, anja a sawa. Mbur mawuɗ yam ngi siifa na, anja a lum ngataraŋ.

ƁIMUNJUYO 7:17

Asi tumuŋ misi a wuzla janga ngi buy na, a sa tiri mijigin taŋ, a sa ru ti taŋ ng'ar miviɗiviɗi ngi yam. Dar Buymisemuŋ a sa sohõ taŋ tuwuy ngivi hiri taŋhaya ceke.»