Ɓimezle ngi Yesu Kristu ZAŊ mitil di mi 5:23 - Bible en langue guiziga

²³ ɓa mizli gar a ɗuvaka hirnga da Mangala ka taŋ maɗuvaka da Cine. Mbur maɗuva hirnga da Mangala ta na, naɓa anta ɗuva da Cine mislino di vuna ta ya.

Ɓimezle ngi Yesu Kristu ZAŊ mitil di mi 5:23 ပူးပေါင်းရင်းမြစ်များ

DIMISEY 2:12

Vulaka dudok da mangala, da kanah ta na, a sa ji mevel, dar kisa zizam a jiviɗe, asi mevel a jaŋ kutumo si. Mizli maɗumom ava gar na, a mumulom.

EZAYI 42:8

Bumbulvuŋ i ya, slimiɗ ɗu naŋ kanah, y'anta vula dudok ɗu da mbur mekelem ta, ko da kulihey kwana, hunum, mahunumikiy na, y'anta vula taŋ di ta.

EZAYI 44:6

Israyeley, Bumbulvuŋ, buy madiɗa kum, mimbiɗi hirnga kum, Bumbulvuŋ, Misi Gidaŋ wãˀa, a ɓukum na: «Mudumbuŋ i ya, ngi dirba i ya ma. Mbak ya le na, Buymisemuŋ mekelem anta.

EZAYI 45:15

Amma ka Buymisemuŋ ngi Israyele, ka malih vu na, ki Buymisemuŋ muro ɗum.

EZAYI 45:21

Tilam mi ti ɓi kumo! Soko ti ɓi kumo nga mbuŋ mizli! Gam kus ngi ngilawuy gar kumo. Miga ɓa mizli a sinaka ɓi nah zlezle na, i waka? Yo mitil mi ti ɓi nah zle misi ngadana ta na, i waka? I ya Bumbulvuŋ takwa? Mbak ya le na, Buymisemuŋ mekelem anta mata. Da i ya mata na, Buymisemuŋ mekelem, mijeŋŋe, yo malih vu, anta mata.

ZAKARI 9:9

Walahay Siyoŋ, jiɗ mececẽleŋ! Walahay Zeruzalem, ji salalay kiɗ kiɗ. Pura, Buy ɗike n'ani so ng'avu ka. I mbur mijeŋŋe, yo i bugawla, i mbur mihina hirnga, naŋ gilaˀ ar zungu, ar gawla zungu kine aruŋ

Matiye 10:37

«Mbur mawuɗ cine malla mumuŋ naŋ fineˀ ya na, a ndila ɓa a tiri mbur ɗu ta. Mbur mawuɗ mangal naŋ malla zuŋ naŋ fineˀ ya na, a ndila ɓa a tiri mbur ɗu ta.

Matiye 11:27

Baha a vuliy gwataya le gar. Mbur masina Mangal anta, sey Cine. Mbur masina Cine kwana anta, sey Mangal ati mbur naŋ muwuɗ le ɓa a bigaŋ di.

Matiye 12:21

Sukwi ngi mizli gar a sa ɗuvaka wuluk taŋ taˀ angaŋ.»

Matiye 15:8

«Mizli tayna a ɗuvikiy hirnga ti mi tewle, amma mevel taŋ, naŋ kileŋ avu ya.

Matiye 28:19

A ram ng'avu sukwi ngi mizli gar so, tiram taŋ mizli ngi si yahay: Caka taŋ ar yam ti slimiɗ ngi Cine, ngi Mangal ati ngi ˀUf Mipal.

Ɓimezle ngi Yesu Kristu LUK mitil di mi 10:16

Yesu a ɓa mizli ngi seˀeheye ma: «Mbur macina mingiɓi kum na, a cin di i mingiɓi ɗu. Mbur mahizigukum avra na, a hizig di i ya. Amma mbur mahizigiy avra na, a hizig di i mbur mislino ya.»

Ɓimezle ngi Yesu Kristu ZAŊ mitil di mi 14:1

Yesu a ɓa mizli ngi seˀeheye: «Anja didak a muɗukum ta. Tuɓaka Buymisemuŋ, yo tiɓikiy ya aya.

Ɓimezle ngi Yesu Kristu ZAŊ mitil di mi 16:14

A sa giy dudok da ya, vur a sa bugukum di i ɓi naŋ masa lumo di avu ya.

Ɓimezle ngi Yesu Kristu ZAŊ mitil di mi 17:10

Gwat ɗu gar na, i ngi ɗiki, yo gwat ɗik gar kwana, inga ya aya. Ya mulum dudok na, vur taŋ.

ROMAHAY 1:7

I ra tuhukum di da kum ngi Romahay, Buymisemuŋ ara wuɗukum gar, a zulukum le ɓa ki tiram nga naŋhay. Anja Cine ndra Buymisemuŋ ati Buy Yesu Kristu a gukum mezle, a vulukum zuy.

ROMAHAY 15:12

Ezayi a ɓi ma na: «Mbur a sa bo tir tizer ngi Zese, a sa slikiɗo ɓa a zum buy a hirnga sukwi ngi mizli gar. Sukwi ngi mizli a sa njaham hiri njah aseˀeŋ.»

ROMAHAY 6:22

Amma wurenna, ki laham le tivu mungra, ki tiram le i beke ngi Buymisemuŋhoy. Ki ra gam gwat maga ɓa mburo, a tiri ngi Buymisemuŋ, yo kiɗa mi naŋ, i siifa ngi sete.

ROMAHAY 8:9

Kumo, kum anta luɓ luɓ avu kpak ngi vu kumo ta, amma kum luɓ luɓ avu ˀUf Mipal, asi ˀUf ngi Buymisemuŋ nah na, naŋ da a hur kumo. Da ˀUf ngi Kristu anta a hur mburo ta na, naɓa i mbur ngi Kristu ta.

KORENTIHEY MUDUMBUŊ 1:3

Anja Cine ndra Buymisemuŋ ati Buy ndra Yesu Kristu a gukum mezleŋ, a vulukum zuy.

KORENTIHEY MUDUMBUŊ 10:31

Na so na, da ki zumam i mi, da kisam i mi, malla ko da ki gam i mi gar na, gaka ngi ga dudok da Buymisemuŋ.

KORENTIHEY MUDUMBUŊ 16:22

Da mbur anta wuɗ Bumbulvuŋ ta na, anja a nisakaŋ. Maranata!.»

KORENTIHEY MUDUMBUŊ 6:19

Dumvu kum i hay ngi ˀUf Mipal misi a hur kumo, i Buymisemuŋ muvulukum di, i ngi kum ta na, ki sinaka ta kwa?

KORENTIHEY MUCUW NAŊ 1:9

Haˀaw, i puraka a mevel ndra na, kaɓa a gam ndra kiita ngi muc le si. Naŋ kine, i pulaka vu ndra mbak da hirnga ndra gu mata. Amma i pulaka da Buymisemuŋ maslikiɗa mumucahay.

KORENTIHEY MUCUW NAŊ 5:14

Wuɗavu ngi Kristu a ca ndra le asi vu. I sinaka le gisiŋ, mbur pal mumuc vur mizli gar na, mbiɗeˀvra: mizli gar a micam le.

KORENTIHEY MUCUW NAŊ 5:19

Na zle i Buymisemuŋvuna miɗiya ɓi ar wala ngi mizli ati naŋ tehhe a muŋ, asi taŋ mujom ati Kristu. A wulka mungra taŋ ta, a vula ndra slra ngi ɗiya ɓi, ɓa i tilam di mi.

EFESEY 6:24

Mizli mawuɗaka Buy ndra Yesu Kristu ti wuɗavu mahiryi ta na, anja Buymisemuŋ a ga taŋ mezle gar.

TIMOTE MUCUW NAŊ 1:12

Ya masi bonoy hana na, aseˀeŋ. Amma y'anta gi di mesem ta, asi i si na mbur, ya muɗuva tiɓi ɗu ar naŋ na le, yo i si na le gisiŋ, gwat naŋ mupula asi haŋ ɗu na, a wi di vu gu hã a ndila hin ngi kiita.

HEBEREY 1:6

Yo ti Buymisemuŋ mawuɗ ɓa a slino Mangal naŋ modogom ng'ar duniya na, a ɓi: «Anja modro ngi Buymisemuŋhoy gar a dilkam a mbuŋ naŋ.»

PIYER MUCUW NAŊ 1:1

I ya Simoŋ Piyer, gawla ngi Yesu Kristu, yo mislin naŋ, matuhukum ɗerewol hana da kum mulumam tiɓi mupuɗaw ka ngi ndra, tisi jeŋŋe ngi Buymisemuŋ ndra ati ngi Milih ndra Yesu Kristu na.

PIYER MUCUW NAŊ 3:18

Amma a ram nga mbuŋ ti gi mezle, yo ar si na Buy ndra Yesu Kristu Milih ndra na. Anja dudok a ndir da naŋ, zle wurenna, hã ngi samadin! Amin.

ZAŊ MUDUMBUŊ NAŊ 2:23

Ko wa gar misina Mangala ta na, kite a si na Cine ta ya si. Mbur matiɓa Mangala na, kite ara tiɓa Cine ya.

ZAŊ MUCUW NAŊ 1:9

Ko wa gar macici zlak ar dubun ngi Kristu ta, amma maru kileŋ fineˀ nah ma na, naŋ manja Buymisemuŋ a hur naŋ. Mbur macici zlak ar dubun ngi Kristu na, naŋ ati Cine waɗ ati Mangala.