Ɓimezle ngi Yesu Kristu ZAŊ mitil di mi 5:10 - Bible en langue guiziga

¹⁰ Yudehey a ɓaka mbur miɗiyi tuwa: «Dana i hin ngi sabat, ɓa ki zuɓa kitihin ɗike na, jiviɗ naŋ anta.»

Ɓimezle ngi Yesu Kristu ZAŊ mitil di mi 5:10 ပူးပေါင်းရင်းမြစ်များ

EZAYI 58:13

Kaɓa ani: «Tapas sabata, da k'anta gi slra ta, ar hin ɗu mipala, k'anta gi terere ta, da ki ra zila hin ngi sabata, i hin ngi «mumul», yo hin mipal nga ya Bumbulvuŋ, ki ra zila hin «mupuɗaw», da ki ra ɗuva hirnga da hin nah kuy kuy, ti pula gi slra ati pula gi terere, waɗ pula gi mi kuliŋ kuliŋ na,

ZEREMI 17:21

Bumbulvuŋ a ɓi ani: Jam lesl ngi jijira gwatay tapas hin ngi sabata, yo ngi cuh taŋ tir mizlingre Zeruzalemeye.

ZEREMI 17:27

Amma da ki cinikiy mi, ki tiram ti sabata i hin mipal ta, ki pulaka jijira gwatay tir mizlingre Zeruzalemeye tapas hin ngi sabata ta na, naɓa yi sa bula vu mamuc ta wãˀ a mizlingreheye, ɓa a zlizlira hay mezle ngi Zeruzalemey na kuɗupu.»

Matiye 12:10

Mbur ada akẽh, haŋ i mumuca. Mizli a wuɗam ɓa a kupaka ɓi da Yesu. Vurˀe, a cufuɗakaŋ: «Jiviɗ ada ngi mbulo mbur tapas sabata kwa?»

Mark 2:24

Vurˀe, Farisahay a ɓaka Yesu: «Pura, gwat mizli ɗikey magaka tapas sabat n'ayɗi, jiviɗ naŋ anta.»

Mark 3:4

Dar a ɓa mizli mapuram hiri tuwa: «Ɓi ndra a pul jiviɗ ngi gi mi tapas sabata ka? Ngi gimezle kwa, malla ngi gi malambaˀ kwa? Ngi laha hutuŋ ngi mbur kwa, malla ngi zizaŋ kwa?» Amma mizli a roko teteˀ teteˀe.

Ɓimezle ngi Yesu Kristu LUK mitil di mi 13:14

Amma buy ngi hay ngi dira dibiɗ a ji mevel, asi Yesu miɗiy mbur ti hin ngi sabat na. Joˀ a ɓa zigiduwo: «Hin ada merkeɗ ngi gi slra. Soko ɓa ki mbulomo angi hin tayna, amma anta ti hin ngi sabat ta.»

Ɓimezle ngi Yesu Kristu LUK mitil di mi 23:56

Dar a mam ngi hay taŋhay, ara ɗiyoko malay ati urdihey. Amma ngi hin ngi sabat na, a muskam vu kaɓa ɓimujuwa miɓaŋ.

Ɓimezle ngi Yesu Kristu LUK mitil di mi 6:2

Mekelemey a wuzla Farisahay a ɓam: «Gwat mitika jiviɗ naŋ le ngi gi tapas sabat ma na, kumo, ki gaka vur mike?»

Ɓimezle ngi Yesu Kristu ZAŊ mitil di mi 1:19

Mizli madiɗa ngi Yude ngi Zeruzalemey a slinoko masayay ati levihey ɓa a cufuɗaka Zaŋ: «Ka ki waka?»

Ɓimezle ngi Yesu Kristu ZAŊ mitil di mi 5:11

Amma naŋ a mbiɗa taŋ di: «Miɓiy: ‹Zuɓa kitihin ɗik, a ru› na, i mbur miɗiyiy vuna.»

Ɓimezle ngi Yesu Kristu ZAŊ mitil di mi 5:15

Mbur tuwa ara ɓa da Yudeheye, i Yesu miɗiyaŋ.

Ɓimezle ngi Yesu Kristu ZAŊ mitil di mi 5:16

Zle tapasa, Yudehey a zlaka sipa Yesu nder nder, asi naŋ miga gwat hana tapas hin ngi sabat na.

Ɓimezle ngi Yesu Kristu ZAŊ mitil di mi 7:23

Da ki cam mbur a mizawa zuy ti hin ngi sabata, ko anta ngila ɓimujuwa ta ngbaŋ na, ki jam mevel ar ya, asi ya miɗiya mburo tapas sabata vur mike?

Ɓimezle ngi Yesu Kristu ZAŊ mitil di mi 9:16

Farisa mekelemey a ɓam: «Mbur miga gwat hana a so ti vu Buymisemuŋ ta, asi naŋ anta ja ɓi ngi sabata ta.» Amma mekelemey a ɓam: «Mbur magi mungra, a ga cekene misi ka tayna gu mbri mbrike?» A wunkam ˀay ar wala taŋ.