Ɓimezle ngi Yesu Kristu ZAŊ mitil di mi 4:48 - Bible en langue guiziga

⁴⁸ Yesu a ɓaŋ: «Da ki puram cekenehey ati gwat migam ɗaˀtahay ta na, ki tiɓam ta wãˀ.»

Ɓimezle ngi Yesu Kristu ZAŊ mitil di mi 4:48 ပူးပေါင်းရင်းမြစ်များ

DANIYEL 4:2

Ngi duvuɗo, musuwun a giy, yo a giy zluwun haɗi. Ya mutup ar li hin ɗu na, gwat ya mupura ar musuwun tuwa, ara giy gigisl.

DANIYEL 6:27

I vula mingiɓi ɗu ani, ya miɓa ɗaˀa: anja a zluwunam kirkir ti Buymisemuŋ ngi Daniyele, ar zumabuy ɗu gar. Asi Buymisemuŋ misi ti siifa i naŋ, yo a ndir ngi sete. Zuma buy naŋ anta kiɗ ta, yo a sa ndir i buy madiɗa hã ngi samadin.

SLUFA VU 14:11

Bumbulvuŋ a ɓa Moyise na: «Mizli tayna a sa pulaka hiris ɗu hã ti vunaka? Gar ti gwat migam ɗaˀ tahay, ya miga taŋ a wuzla taŋ na kwana, a ngumam pulikiy mevel taŋ ta na si.

Matiye 16:1

Farisahay ati Sadukihey a kirohoko ng'avi Yesu, ɓa a cam a kwacay naŋ. A cufuɗakaŋ ɓa a ga taŋ cekene maso ti vu Buymisemuŋ.

Matiye 24:24

Asi Kristu misi slirey ati mijiviɗ misi slirey a sa soko, a sa gam gwat mizli migam ɗaˀ tahay ati cekenehey haɗi, da a gi na, ɓa a zizaka mizli Buymisemuŋ muwuna taŋ na.

Matiye 27:42

a ɓam: «A laha mizli mekelemeye le ɓula, amma a laha hirnga naŋ gu ta kwa? I buy ngi Israyel ta kwa? Anja a po sar wurenna tir dum mizlira, ɓa i sa tiɓakaŋ so.

Mark 13:22

Naŋ kine, mesi misi sliray ati mijiviɗ misi slirey a sa boko, a sa gam gwat ngi zuma hirnga ati cekenehey, da a gi na, ko mizli Buymisemuŋ muwuna taŋ na, a zizaka taŋ.

Ɓimezle ngi Yesu Kristu LUK mitil di mi 10:18

Yesu a ɓa taŋ: «Yi pura Satan ara diɗo paɗ ti muŋ ka wucuɗ ngi vuŋ.

Ɓimezle ngi Yesu Kristu LUK mitil di mi 16:31

Amma Abraham a ɓaŋ: ‹Da a cinaka mi ngi Moyis ati ngi mijiviɗeye ta na, ko da mbur a slikiɗ le baɗ ti wuzla mumucahay tekeɗe kwana, t'anta sa tiɓaka ɓi naŋ ta si.›»

Ɓimezle ngi Yesu Kristu ZAŊ mitil di mi 12:37

Ko ti Yesu migi cekenehey haɗa mur taŋ Yudehey na kwana, a tiɓakaŋ ta,

Ɓimezle ngi Yesu Kristu ZAŊ mitil di mi 15:24

Slra tayna, ya miga taŋ a wuzla taŋ na, da i slra misi mbur miga taŋ ɗaˀ zleˀe ta na, anja mungra anta avu taŋ ta. Amma wurenna, a puraka le ngbaŋ, na kwana, ara gam mesene ti ndra ati Baha ɓula na si.

Ɓimezle ngi Yesu Kristu ZAŊ mitil di mi 2:18

Dar Yudehey a cufuɗakaŋ: «Ki ga ndra cekene wana mabiga ndra di, k'ada ti jiviɗ ngi gi kahana vuna ka?»

Ɓimezle ngi Yesu Kristu ZAŊ mitil di mi 20:29

Yesu a ɓaŋ: «Ki tiɓi na, asi ka mupuriy na kwa? Mizli matiɓam manja a puram keɗ le na, taŋ ar mumul!»

Ɓimezle ngi Yesu Kristu ZAŊ mitil di mi 4:49

Madiɗa ngi sojehey a ɓaŋ: «Da ki so wurenna ta na, mangal ɗu a sa muc, buy!»

SLRA 14:3

Pol ati Barnabas a cifam hã a zikam a Ikoniyomo. A ɓam ɓi manja zluwun, a pulaka mevel taŋ le wãˀ da Bumbulvuŋ. Gi mezle naŋ, taŋ matilam di mi na, a biga le naŋ kaslsla na, asi ara vula taŋ gidaŋ ngi gi cekenehey ati gwat migam ɗaˀ tahaya.

SLRA 15:12

Dar zigiduw gar a cifi siriw. A dirba nah, mizli a cinaka ɓi ngi Barnabas ati Pol maslufaka ɓi ngi cekenehey ati gwat migam ɗaˀ tahay gar, Buymisemuŋ miga tisi taŋ a wuzla mizli Yudehey ta na.

SLRA 2:19

I sa gi gwat migam ɗaˀtahay ar birngiŋ a muŋ, waɗ cekenehey a ruwuy aka: yi sa gi pumbus, vu waɗ talangay ngi cunju.

SLRA 2:22

«Kum Israyeley, cinaka mingiɓi ɗu ani: Yesu ngi Nazarete, i mbur Buymisemuŋ mibiga gidaŋ naŋ le ti naŋ. Buymisemuŋ miga cekenehey, gwat migam ɗa tahay ati gwat ngi zuma hirngahay wuzla kum na, mbele naŋ. Kum ti hirnga kumo, ki sinaka le.

SLRA 2:43

Misliney ara gam gwat migam ɗaˀ tahay ati gwat ngi zuma hirngahay haɗi, hã mizli gar a zluwunam.

SLRA 4:30

Sika haŋ ɗike, ɓa misi jijihey a mbulom, ɓa gwat ngi zuma hirngahay ati gwat migam ɗaˀ tahaya, a gam ti slimiɗ ngi Yesu, gawla ɗik mipal na.»

SLRA 5:12

Misliney ara gam gwat ngi zuma hirngahay ati gwat migam ɗaˀ tahay haɗi a wuzla mizli. Mitiɓihey a kusom arleˀe gar asi palak ngi Salomoŋ.

SLRA 6:8

Buymisemuŋ a ga mezle le da Etiyene haɗi, a vulaŋ gidaŋ le haɗi, a gi gwat migam ɗaˀtahay ati gwat ngi zuma hirngahay haɗa a wuzla mizli.

SLRA 7:36

I naŋ vuna mubo ti taŋ ti hirwuy Ezipte, ti naŋ miga gwat migam ɗaˀ tahay ati gwat ngi zuma hirngahay angi hirwuy Ezipte, a mubuliy gaza, waɗ a wuzlaɓuh mikirɗak kirɗak hã vi kukur mufaɗa.

ROMAHAY 15:19

yo tisi gidaŋ ngi cekenehey, gwat migam ɗaˀ tahay waɗ tisi gidaŋ ngi ˀUf Mipal. Naŋ kine, zle a Zeruzaleme, i ru gun gun ti tila mi ti Ɓimezle ngi Kristu kuy kuy wãˀ, hã sesẽŋ angi hirwuy Iliri.

KORENTIHEY MUDUMBUŊ 1:22

Yudeheye, taŋ a cufuɗam ɓa a puram cekenehey, yo Grekeye, taŋ a cufuɗam ɓa a lumam sinmijileŋ.

KORENTIHEY MUCUW NAŊ 12:12

Gwatay mabigaka, mbur hana i mislin na, a gam le ani a wuzla kumo: i ɓusa bonoy wal wal gar, gwat migam ɗaˀ tahay ati cekenehey waɗ slra madiɗahay.

TESALONIKEY MUCUW NAŊ 2:9

Misi moˀore nah masa so na, a sa so ti gidaŋ ngi Satan. A sa bugo vu ti gi gwat madiɗahay ti sukwi wal wal, cekenehey ati gwat migam ɗaˀ tahay ngi gi gilaw da mizli.

HEBEREY 2:4

Yo ma na, Buymisemuŋ a jina ɓi nah le ti gwatay naŋ mibiga taŋ, ti gwat migam ɗaˀtahay, naŋ miga taŋ, ti cekenehey wal wal haɗi, waɗ ti gwat ˀUf Mipal mavula, naŋ mawuɗka da mizli ka naŋ muwuɗu.