Ɓimezle ngi Yesu Kristu ZAŊ mitil di mi 4:40 - Bible en langue guiziga

⁴⁰ Samarihey mindiloko gweˀ avu Yesu tuwa ma na, a tumbulokoŋ ɓa a ndir ati taŋ, joˀ Yesu a zik ati taŋ hin cuw.

Ɓimezle ngi Yesu Kristu ZAŊ mitil di mi 4:40 ပူးပေါင်းရင်းမြစ်များ

ZLI VIRZI 32:26

Mbur tuwa, a pura na, anta sa tikaŋ ˀay gu ta, dar a kiɗa Zakopo ar ngizlaŋ, hã ngizlaŋ a purut ti taŋ maputukulom vu a ruwuyo.

MIKUCUWULOY 4:13

Gwat ya mudubunuw di na, cici zlak araŋ, ki pula ta, wi di vi, asi i siifa ɗiki.

DIMIS MIMEZLE 3:4

Ya mupula taŋ mbakka neˀ si na, i ji hirnga ti mbur ya mawuɗ tuwa. Ya mija ndap avu haŋ na, ko yi pulaŋ ta, hã i ci di ngi hay maha, nga viŋ mahayaw ɗu miyiy.

ZEREMI 14:8

Israyel muro hiri njahha na asi ka, ka malih vu ar hin ngi bonoyo na ki ga vu ɗik kaɓa mbur mulak asi ruwuyo vur mike? Yo kaɓa mulak muloˀo ti liˀi, put ti miprike, a zuɓa jiviɗ naŋ a muŋ na, vur mike?

Ɓimezle ngi Yesu Kristu LUK mitil di mi 10:39

Sukum naŋ mongoso ada, a zilaka Mariya. A cifi le avu Buy Yesu, ara cine mingiɓi naŋ.

Ɓimezle ngi Yesu Kristu LUK mitil di mi 24:29

Amma a tikakaŋ, a ɓakaŋ: «Cifi ati ndra, asi pas anta mata, yo hiikuɗ ara ji si.» Joˀ a ci ngi haya, a cifam bumoˀ.

Ɓimezle ngi Yesu Kristu LUK mitil di mi 8:38

Mbur misi setenehey mubam ti va tuwa, a tumbuloŋ ɓa a aru aseˀeŋ. Amma Yesu a ɓaŋ:

Ɓimezle ngi Yesu Kristu ZAŊ mitil di mi 4:39

Samarihey haɗi ar walahay nah, a tiɓaka Yesu le, asi ngwas miɓa taŋ: «A ɓiy ɓi ngi gwat ya miga taŋ zleˀe le gar» na.

Ɓimezle ngi Yesu Kristu ZAŊ mitil di mi 4:41

Mizli haɗi a tiɓaka Yesu ti gidaŋ ava ma, vur mingiɓi naŋ maɓa ti balam naŋ muduba.

Ɓimezle ngi Yesu Kristu ZAŊ mitil di mi 4:43

Hin cuw a dirba nah na, Yesu a pula li nah, a mi nga Galile a muŋ.

SLRA 16:15

A cakaŋ ar yama, naŋ ati hay naŋ gar, a zila ndra, a ɓa ndra: «Ani da ki puraka le, i tiɓa Buy Yesu le gisiŋ na, soko pam sar a hay ɗu.» Dar a tika ndra ˀay ɓa i ngumam na si.

SLRA 8:8

Mizli ngir walahay Samari, a mumulom haɗi.

ƁIMUNJUYO 3:20

Cin, y'ani deŋ a miviŋ, i ra zil vu. Da mbur a cin ˀay ɗu le, yo a wuniy miviŋ le na, yi sa ci ng'avaŋ, i sa zumam cuwa. Ya ati naŋ, yo naŋ ati ya.