Ɓimezle ngi Yesu Kristu ZAŊ mitil di mi 4:34 - Bible en langue guiziga

³⁴ Yesu a ɓa taŋ: «Gwat ngi zum ɗu, i gi gwat Buymisemuŋ mislino ya mawuɗo, waɗ kiɗa mi ngi slra naŋ.

Ɓimezle ngi Yesu Kristu ZAŊ mitil di mi 4:34 ပူးပေါင်းရင်းမြစ်များ

Ɗerewol JOP 23:12

Ɓimuɗuva naŋ mubo ti balam naŋ na, ko i ngizli ava ta. Ɓiɓi micica naŋ, yi ja le a mevel ɗu fineˀ ɓi ɗuwoyo.

DIMISEY 40:8

Joˀ yi ɓi na: «Pura, y'ani i ra ru ng'avi ka ti ɗerewol mufuɗa, misi mingiɓi mutoho ara vur ya.

Matiye 26:39

Joˀ aru zar neˀ na, a huruk huruk, midibiɗ dir a ruwuy, a dirdibiɗ, a ɓi: «Aw Baha, da a gi zleˀe na, anja sikiɗ ngi bonoy misenna a kirih kileŋ avu ya. Amma ka ya mawuɗ ta ɓula, sey kaɓa ka mawuɗo.»

Matiye 3:15

Amma Yesu a mbiɗaŋ di: «Tuɓa ɗagay si. Gwat Buymisemuŋ mawuɗ na, a zlir le sey i gaka kanah.» Joˀ Zaŋ a tiɓa muduba.

Matiye 9:19

Dar Yesu a slikiɗam ati mizli ngi seˀeheye, a sipakaŋ.

Ɓimezle ngi Yesu Kristu LUK mitil di mi 15:10

Naŋ kine ya, yi ɓukum na: Da mbur migi mungra purla mimbiɗi le ng'avu Buymisemuŋ na, modro ngi Buymisemuŋhoy a mumulom haɗa.»

Ɓimezle ngi Yesu Kristu LUK mitil di mi 19:10

Asi mike na, Mangal ngi mbur a so ngi sipa mizli mizizahay, ɓa a laha taŋ.»

Ɓimezle ngi Yesu Kristu LUK mitil di mi 2:49

Yesu a ɓa taŋ: «Ki sipikiy zleˀe ngi mike? Sey yi ndir a hay Baha na, ki sinaka zleˀe ta kwa?»

Ɓimezle ngi Yesu Kristu ZAŊ mitil di mi 17:4

I guw dudok le asi ruwuyo, yo slra ka muvuliy di ngi gi na, i kiɗa mi nah le.

Ɓimezle ngi Yesu Kristu ZAŊ mitil di mi 19:28

A dirba nah, Yesu a si na le, zle angi nah na, gwat gar a kiɗ mi le muduba. Ɓa Ɓimutoho a gi hã avu kiɗa mi naŋ muduba na, Yesu a ɓi: «Yam ara giy.»

Ɓimezle ngi Yesu Kristu ZAŊ mitil di mi 19:30

Yesu mititila titileˀ si na, a ɓi: «Gwat gar a kiɗ mi le!» A ga hirnga gangal, a mucu.

Ɓimezle ngi Yesu Kristu ZAŊ mitil di mi 4:32

Amma naŋ a ɓa taŋ: «Y'ada ti gwat ngi zum, kum misina ka ta»

Ɓimezle ngi Yesu Kristu ZAŊ mitil di mi 5:30

Ya ti hirnga ɗu, y'anta gi gwat ko neˀ ta. Yi ga kiita weˀe avu ya macin, yo kiita ya maga, naŋ jeŋŋe, asi i sipi di i gwat ya mawuɗ ta, amma gwat mbur mislino ya mawuɗo.

Ɓimezle ngi Yesu Kristu ZAŊ mitil di mi 5:36

Na, sedewo ya maga na, naŋ fineˀ ngi Zaŋ, i slrahay Baha muvuliy taŋ ɓa i ga taŋ. I ra ga taŋ. Maga sedewo ɗu, i Baha mislino ya na, i naŋ.

Ɓimezle ngi Yesu Kristu ZAŊ mitil di mi 6:33

Asi ɗaf ngi Buymisemuŋ mavulukum di na, i ɗaf mapo sar paɗ a muŋ, yo mavula siifa da duniya.»

Ɓimezle ngi Yesu Kristu ZAŊ mitil di mi 6:38

Vur yi po sar paɗ a muŋ, ɓa yi gi gwat ngi mongoy ɗu ta, amma gwat mbur mislino ya mawuɗo.

Ɓimezle ngi Yesu Kristu ZAŊ mitil di mi 8:29

Mbur mislino ya, naŋ da ati ya, a puliy fuk pal ɗu ta, asi yi gi di i gwat maciraŋ hiri ndrehhe.»

SLRA 20:35

Buy Yesu ti hirnga naŋ a ɓi: ‹Mbur mavul gwata, a mumul fine mbur mavulakaŋ gwat ti vulo.› Ɓa i wulkaka mingiɓi hana, yo ɓa i jinaka hĩhĩyahaya na, sey ti gi slra gǝr gǝr kahana, yi bugukum di le ar gwat gar.»

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.