Ɓimezle ngi Yesu Kristu ZAŊ mitil di mi 4:23 - Bible en langue guiziga

²³ Amma pas naŋ ara ndilawa, a ndilo le vuna si, ɓa mizli maputukulom a mbuŋ Cine ndra Buymisemuŋ gisiŋ gisiŋ na, a sa putukulom a mbuŋ naŋ ti musuɗuk waɗ ti kaslsla wãˀ. Asi mike na, Cine ndra Bumbulvuŋ a sipi di i mizli maputukulom a mbuŋ naŋ misi ka tayna.

Ɓimezle ngi Yesu Kristu ZAŊ mitil di mi 4:23 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 29:17

Buymisemuŋ ɗu, i si na le, ki jiɗa mevel ngi mburo, yo ki hĩyã gi gwat mijeŋŋe. Gwat ya muvula taŋ gar na, i ngi mongoy ɗu, yo ti mevel mezleŋ. Wurenna, i pura sukwi ɗik mise aka na, a vul di gwat ngi mongoy naŋ, ti mumul aseˀe ya.

DIMISEY 147:11

Amma Bumbulvuŋ a hiyĩ di i mizli masinakaŋ, manjaham hiri njah asi gi teŋteŋ naŋ.

DIMISEY 32:2

Mbur Bumbulvuŋ mapura malambaˀ naŋ ka ɓi ta, yo wuluk ngi hul anta ava ta na, a mumul!

DIMISEY 51:6

I guw mungra le, i guw di da ka pal ɗike, gwat ka mapura kuy ta na, i ga le si, vurˀe, ka mira ɓa ɓi na, naŋ jeŋŋe, ka mira ga kiita na, mbur a mbuɗuw hirnga ta.

MIKUCUWULOY 15:8

Mikuli ngi misi moˀoreheye, a ga Bumbulvuŋ kuyta wãˀ, amma diradibiɗ ngi mizli mikaslslahaya, a hĩyã teˀe.

DIMIS MIMEZLE 2:14

Minjeɗeɗ ˀay ka gonok, ka misi ar wala muwã, ka muɗum ar butumoy, bigiy vu ɓa i pura mihiri ɗik ayɗi, ɓiy ɓa i cine ˀay ɗike, asi ˀay ɗike, a cin calala, yo mihiri ɗike kuy teˀe.»

EZAYI 10:20

Ti hin nah na, mizli Israyeley mindiram ti siifa ati is ngi hay Zakopoyo, anta sa wuɗam jiniˀis ngi mbur mikiɗ taŋ zleˀe na mata, Amma a sa wuɗam jiniˀis migisiŋ gisiŋ ngi Bumbulvuŋ, Buymisemuŋ mipal ngi Israyel.

EZAYI 29:13

Bumbulvuŋ a ɓi na: «Mizli, a kircohoko ng'avi ya ti mingiɓi si, a hunumikiy daˀ avu mi si, amma mevel taŋ naŋ kileŋ avu ya. Taŋ maɓam ara sluwunam ti ya vuna, i gwat ngi sirik ngi mizli titrahay, mudubuna ti dubun.

EZAYI 43:21

I mizli ya miga taŋ da ya, ɓa a gikiy dudoko.»

EZAYI 58:2

Taŋ ara sipikiy vur hin gar, a wuɗam na, ɓa a sinaka gwat ya mawuɗ avu taŋ. Taŋ kaɓa sukwi ngi mizli migam gwat mijeŋŋe le, yo gwat ya Buymisemuŋ taŋ mawuɗ ɓa mbur a ga zuy na, a pulaka ta. A wuɗam sey i ga taŋ kiita mijeŋŋe, yo a wuɗam anja t'ada gweˀ avu ya.

ZEREMI 3:10

Gar ti nah kwana, Zuda sukum naŋ mongoso miteŋteŋ ta na, a mo ng'avi ya ti mevel purla ta: a zil marava ti jiviɗ naŋ kaslsla ta. I ya Bumbulvuŋ maɓi.

ZEREMI 4:2

Da ki hudum, ki ɓi le: «Ti slimiɗ ngi Bumbulvuŋ misi ti siifa!» Da i gisiŋ, i kaslsla, yo ti jiviɗ mijeŋŋe na, naɓa sukwi ngi mizli a sa ɗuwulam mi ti slimiɗ nga ya Bumbulvuŋ, yo a sa huhumom di vu.

EZEKIYEL 22:30

I sipi mbur a wuzla taŋ, ɓa ngi ndira hiri ngi mohol a muŋ, ɓa a cici deŋ a mbuŋ ɗu ar mifiliw ngi moholo, ngi jigina hirwuyo, ɓa i waha walahaya ta, amma ko i lum ta.

Ɓimezle ngi Yesu Kristu ZAŊ mitil di mi 1:17

Buymisemuŋ a vulo ɓimujuwa tisi haŋ ngi Moyis. Amma gimezle ati ɓi mikaslsla na, i lumaka tisi haŋ ngi Yesu Kristu.

Ɓimezle ngi Yesu Kristu ZAŊ mitil di mi 12:23

Yesu a mbiɗa taŋ di: «Pas a ndila le, ɓa Mangal ngi mbur a lum dudok muduba.

Ɓimezle ngi Yesu Kristu ZAŊ mitil di mi 16:2

A sa ɓulukum avra tir hay ngi dira dibiɗeye. Mifineˀ nah ma na, pas naŋ ara ndilawa, tapasa mbur mukuɗukum le vagay vagay na, a sa wa kaɓa a gi di i mikuli da Buymisemuŋ.

Ɓimezle ngi Yesu Kristu ZAŊ mitil di mi 16:32

Puraka, pas naŋ ara ndilawa, wurenna a ndilo le vuna si, kisa zliɗam hirnga pal pal, mbur gar aru ngi hay naŋ ngi hay naŋ. Ki sa pulikiy deŋ pal ɗu. Amma ya pal ɗu ta, Baha naŋ da ati ya.

Ɓimezle ngi Yesu Kristu ZAŊ mitil di mi 4:21

Yesu a ɓaŋ: «Ngwasa, tiɓa ɓi ɗu, pas naŋ ara ndilawa, ɓa mizli anta sa putukulom a mbuŋ Cine ndra Buymisemuŋ a hirnga muwã hana malla ko a Zeruzalem mata.

Ɓimezle ngi Yesu Kristu ZAŊ mitil di mi 5:25

Gisiŋ gisiŋ, yi ɓukum na: Pas naŋ ara ndilawa, wurenna a ndilo le vuna si. Tapasa mumucahay a sa cinam ˀay ngi Mangal ngi Buymbulvuŋ, yo micin naŋhay gar na, a sa ndiram ti siifa.

Ɓimezle ngi Yesu Kristu ZAŊ mitil di mi 5:28

Anja ɓi tayna gar a zumukum hirnga mata! Pas nah ara ndilawa ɓa mizli mumucahay misi angi zivihey gar a sa cinam ˀay naŋ.

ROMAHAY 1:9

Buymisemuŋ, ya mahuruk huruk a mbuŋ naŋ ti mevel ɗu wãˀ, ti tila mi ti Ɓimezle ngi Mangal naŋ na, a si na le, ya maɓi na, naŋ kaslsla. A si na le, i ra wuluk ar kumo ndrehhe.

ROMAHAY 8:15

ˀUf Mipal, kum mulumam na, i ˀUf matiri ti kum bekehey ta, yo mami ti kum ng'ar zluwun a muŋ mata ma, amma ki lumam di i ˀUf magi ti kum ziri, naŋ mugulukum. Yo ndra matilaka mi da Buymisemuŋ, i ɓam: «Baha, Cine ndra» na, ti seˀeŋ.

ROMAHAY 8:26

Naŋ kanah ya, ˀUf Mipala kwana, ara so jina ndra, ndra hĩhĩyahaya, asi i sinaka tumbulo Buymisemuŋ ti jiviɗ naŋ ta. Amma ˀUf Mipal ti hirnga naŋ, ara tumbulo Buymisemuŋ vur ndra ti niˀic maɓi ɗaˀ ɗaˀ ti mi gu ta.

GALATAY 4:6

Buymisemuŋ, ɓa ngi biga, kum i ziri naŋhay na, a slino ˀUf ngi Mangal naŋ le nga mevel ndra, i ˀUf matil mi: «Baba, aw Cine ndra!»

EFESEY 6:18

Gaka kahana gar ar diradibiɗ ti cufuɗa jini avu Buymisemuŋ. Diram dibiɗ angi pas gar, kaɓa ˀUf Mipal mabugukum di. Naŋ kine, ki hinjam ta, yo cifam jeŋŋe ndrehhe, diram dibiɗ vur mizli ngi Buymisemuŋhoy gar.

FILIPIHEY 3:3

Asi macam mizaw migisiŋ gisiŋ na, i ndra, ndra madiram dibiɗ ti ˀUf ngi Buymisemuŋ, ndra majijaham mbele Yesu Kristu, yo ndra mupulaka vu ndra da hirnga ndra tehhe a muŋ ta na.

ZOZUWE 24:14

Zozuwe a ɓi ma: «Wurenna so na, kumo, zluwunam ti Bumbulvuŋ, yo gakaŋ mezegwel ti mevel purla, ti gi teŋteŋ. Kulihey, dideˀ kumoy migaka taŋ mezegwel ti dubazaw Efrat, waɗ angi hirwuy Ezipte na, kirahaka taŋ kileŋ avra. Yo gaka mezegwel da Bumbulvuŋ.

PIYER MUDUMBUŊ NAŊ 2:9

Amma kum i sukwi Buymisemuŋ muwunu kum le. Kum i masay madiɗa ngi Buy madiɗa, sukwi ngi Buymisemuŋ, kum i mi nga naŋhay wãˀ. Buymisemuŋ muzulukum tir luvuŋ ɓa ki cam ng'ar li minjahha naŋ, misi ɓi naŋ a ɓi ta na, ɓa ki tilam mi ti ɓi ngi gi gwat madiɗahay, naŋ miga taŋ na.

SAMUYEL MUDUMBUŊ NAŊ 12:24

Kum aya kwana, zluwunam ti Buymisemuŋ, yo huruk hurukam a mbuŋ naŋ kaslsla ti mevel purla. Naŋ kine, puraka gwat madiɗahay naŋ miga taŋ vur kum na.»