Ɓimezle ngi Yesu Kristu ZAŊ mitil di mi 4:22 - Bible en langue guiziga

²² Kum Samariheye, Buymisemuŋ, kum maputukulom a mbuŋ naŋ na, ki si na ka ta Amma ndra Yudeheye, i putukulomo a mbuŋ Buymisemuŋ ndra misinaka le, vur ɓi ngi laha vu a so ti vu Yudehey.

Ɓimezle ngi Yesu Kristu ZAŊ mitil di mi 4:22 ပူးပေါင်းရင်းမြစ်များ

ZLI VIRZI 49:10

Ganday ngi buyo naŋ anta lih asi haŋ ngi Zuda ta, yo ganday ngi jigina mizli, naŋ anta lih asi sar naŋ ta, sey tapas buy ngi ganday vuna misa so le, i mbur misi mizli gar masa cinakaŋ mi.

ESDRAS 4:2

a ram ng'avu Zorobabel waɗ ng'avu buy ngi hay ngi wuzla mizli, a ɓaka taŋ: «I wuɗam i jumom ati kum ngi ndira haya. Asi mike na, diga avu Asarhadoŋ, buy Siri, muhulo ndra ng'aka na, ndr'ada sipaka Buymisemuŋ kumo na ya, yo ndr'ada gakaŋ mikuli.»

DIMISEY 147:19

A til mi ti mingiɓi naŋ da Zakop, ɓi naŋ mawuɗ waɗ ɓi naŋ muɗuva na, a ɓa da Israyel.

DIMISEY 68:20

Gukum sise da Bumbulvuŋ vur hin gar! I Buymisemuŋ nah na mavula ndra bugawla.

EZAYI 12:2

Buymisemuŋ Milih ndra n'ani, i vulakaŋ mevel ndra le, yo ndr'anta zluwunam mata. Haˀaw, gidaŋ ndra ati dimis ndra, i ka Bumbulvuŋ! I ka milih ndra.»

EZAYI 12:6

Kum misi a Siyoŋ na, jam salalay, jiɗam mececẽleŋ, Asi Buymisemuŋ mipal ngi Israyele, misi a wuzla kum na, naŋ madiɗaŋ!

EZAYI 2:3

Mizli haɗa a sa ram, yo a sa ɓam: «Soko! Juɗukum nga muwã ngi Bumbulvuŋ, ngi hay Buymisemuŋ ngi Zakopo. A sa dubuna ndra gwat ngi gi naŋhay, ndr'i sa sipam jiviɗ naŋ.» Naŋ kine, gwat ngi dubun avu Bumbulvuŋ, a bo ti Siyoŋ, yo mingiɓi naŋ, a bo ti Zeruzalem.

EZAYI 46:13

Gi jeŋŋe ɗu, naŋ gweˀe, naŋ anta kileŋ ta, ɓi ngi ya malih vu na, naŋ anta mur mata. I sa vulo ɓi ngi laha vu da mizli Siyoŋhoyo, i sa ga ɓa Israyeley a lumam dudok ɗu.

ZAKARI 9:9

Walahay Siyoŋ, jiɗ mececẽleŋ! Walahay Zeruzalem, ji salalay kiɗ kiɗ. Pura, Buy ɗike n'ani so ng'avu ka. I mbur mijeŋŋe, yo i bugawla, i mbur mihina hirnga, naŋ gilaˀ ar zungu, ar gawla zungu kine aruŋ

Ɓimezle ngi Yesu Kristu LUK mitil di mi 24:47

Waɗ ma na, ɓi ngi mbiɗi mevel ati ɓi ngi puya mungra na, anja sey a tilam di mi avu sukwi ngi mizli gar, a ɗuvaka virzi naŋ a Zeruzalem.

SLRA 17:23

Da ya mira liˀi a jiviɗ ngir walahay kumoy gar na, yi ɗuva hiri ndrehhe ar kulihey kum madilkam a mbuŋ taŋ, yo yi lum li gi mikuli mekelem ada na, a tohoko ava: ‹Da kuli manja sin.› Kuli kum madilkam ava, manja si na slimiɗ naŋ nah, ya muso na, a tulukum mi ti ɓi naŋ vuna.

SLRA 17:30

Ani hin ngi dirba, mizli migam tir manja sin naŋ na, Buymisemuŋ anta slufa ta, wurenna ara tila mi da mizli gar, ko amaka gar, sey a mbiɗaka mevele.

SLRA 3:26

Buymisemuŋ mubo ti Gawla naŋ na, a slino di dumbuŋ da kum, ɓa a ɗuwulukum mi, a mbuɗo hiri kum tivu mungraˀahaya, purla purla gar ng'avaŋ.»

ROMAHAY 11:18

Anja ki wa vu ɗike kaɓa ki funa mihaŋ mikilahaka taŋ le avra na ta. Ki huhumvu gu mbri mbrike? Majaha slaslalaka, i ka ta, amma i slaslalak majuhuw ka jaka.

HEBEREY 7:14

Naŋ kine, i sinaka le kuy kuy wãˀ, Buy ndra Yesu, a ya ka angi sukwi ngi Yuda, Moyis miɓa ɓi ngi masayay ar ɗerewol na, a ɓi vur sukwi ngi Yuda ɗaˀ ta.