Ɓimezle ngi Yesu Kristu ZAŊ mitil di mi 4:21 - Bible en langue guiziga

²¹ Yesu a ɓaŋ: «Ngwasa, tiɓa ɓi ɗu, pas naŋ ara ndilawa, ɓa mizli anta sa putukulom a mbuŋ Cine ndra Buymisemuŋ a hirnga muwã hana malla ko a Zeruzalem mata.

Ɓimezle ngi Yesu Kristu ZAŊ mitil di mi 4:21 ပူးပေါင်းရင်းမြစ်များ

EZAYI 66:1

Ya Bumbulvuŋ i ɓi na: «Muŋ i li cifi ɗu ngi buy, yo hirwuy i li ɗuva sar ɗu. Ki sa ndirikiy hay mi da ya ka? I li wana mindila ter ngi muska vu ɗu ka?

EZEKIYEL 14:3

«Ka mburu, mizli hanayna a jaka ɓi ngi kuli taŋhaya le a mevel taŋ, a ɗuvam a mbuŋ taŋ i gwat ngi hizigiɗa taŋ ɓa a gam mungra. Ani i pula taŋ vu ɓa a cufuɗikiy kwa?

EZEKIYEL 20:3

«Ka mburu, ɓa mingiɓi ɗu ani da micawwa ngi Israyeleye. Ɓa taŋ: Bumbulvuŋ, Buymisemuŋ a ɓi na: Kum musoko na ngi pur ɗu kwa? Kaɓa ya misi ti siifa gisiŋ na! Y'anta pula vu ɗu ɓa ki purikiy ta! I ya Bumbulvuŋ, Buymisemuŋ maɓi.

MALASI 1:11

Slimiɗ ɗu ara zil haɗa a wuzla sukwi ngi mizli, zle tisi pas ngi miprik hã tisi pas ngi pastaˀa. Ar li gar na, mizli ara zlumam urdi vur ya, yo ara vulikiy gwat manja dili ngi gi mikuli, asi slimiɗ ɗu ara zil haɗa a wuzla sukwi gar. I ya Bumbulvuŋ misi gidaŋ wãˀ maɓi.

Matiye 18:20

Asi ar li mizli cuw malla makir micikilam le ti slimiɗ ɗu na, y'ada a wuzla taŋ.»

Matiye 28:19

A ram ng'avu sukwi ngi mizli gar so, tiram taŋ mizli ngi si yahay: Caka taŋ ar yam ti slimiɗ ngi Cine, ngi Mangal ati ngi ˀUf Mipal.

Ɓimezle ngi Yesu Kristu LUK mitil di mi 21:24

Maslalam a sa zuma taŋ, a sa jaka taŋ ng'ar beke, a sa jaka taŋ nga wuzla sukwi ngi mizli ngi ruwuyoy gar. Sukwi mekelemey a sa kirpaka Zeruzaleme asi sar, hã da hin taŋ mikiɗ mi le.

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Ɓimezle ngi Yesu Kristu ZAŊ mitil di mi 16:2

A sa ɓulukum avra tir hay ngi dira dibiɗeye. Mifineˀ nah ma na, pas naŋ ara ndilawa, tapasa mbur mukuɗukum le vagay vagay na, a sa wa kaɓa a gi di i mikuli da Buymisemuŋ.

Ɓimezle ngi Yesu Kristu ZAŊ mitil di mi 16:32

Puraka, pas naŋ ara ndilawa, wurenna a ndilo le vuna si, kisa zliɗam hirnga pal pal, mbur gar aru ngi hay naŋ ngi hay naŋ. Ki sa pulikiy deŋ pal ɗu. Amma ya pal ɗu ta, Baha naŋ da ati ya.

Ɓimezle ngi Yesu Kristu ZAŊ mitil di mi 4:23

Amma pas naŋ ara ndilawa, a ndilo le vuna si, ɓa mizli maputukulom a mbuŋ Cine ndra Buymisemuŋ gisiŋ gisiŋ na, a sa putukulom a mbuŋ naŋ ti musuɗuk waɗ ti kaslsla wãˀ. Asi mike na, Cine ndra Bumbulvuŋ a sipi di i mizli maputukulom a mbuŋ naŋ misi ka tayna.

Ɓimezle ngi Yesu Kristu ZAŊ mitil di mi 5:25

Gisiŋ gisiŋ, yi ɓukum na: Pas naŋ ara ndilawa, wurenna a ndilo le vuna si. Tapasa mumucahay a sa cinam ˀay ngi Mangal ngi Buymbulvuŋ, yo micin naŋhay gar na, a sa ndiram ti siifa.

Ɓimezle ngi Yesu Kristu ZAŊ mitil di mi 5:28

Anja ɓi tayna gar a zumukum hirnga mata! Pas nah ara ndilawa ɓa mizli mumucahay misi angi zivihey gar a sa cinam ˀay naŋ.

SLRA 6:14

Asi i cinaka, a ɓi na: ‹Yesu ngi Nazaret nah na, a sa waha hay nah avra, yo a sa mbiɗa sirik ndra mulumoko di avu Moyise.›»

EFESEY 2:18

Yudehey ati Yudehey ta na, ndra gar ndra makraham gweˀ ng'avi Cine ndra gu na, mbele Kristu ti jini ngi ˀUf Mipal nah vuna.

EFESEY 3:14

Vurˀe, i ra huruk huruk ti poprok a mbuŋ Cine ndra.

TIMOTE MUDUMBUŊ NAŊ 2:8

Yi wuɗ so na, anja ko amaka gar, mizli mizilehey madiram dibiɗ gar na, a zuɓaka haŋ manja dili paɗ nga muŋ, a diram dibiɗ manja himaˀ, manja tiri.

PIYER MUDUMBUŊ NAŊ 1:17

Buymisemuŋ maga kiita da mizli gar ti jiviɗ mupurla, weˀe avu gwat ngi gi taŋ na, da kum mira diram dibiɗe, ki ra zilakaŋ, Cine kum na, ɗuvakaŋ hirnga ar gwat ngi gi kum gar angi hin ngi siifa kum mindir a ruwuy aka.

ƁIMUNJUYO 21:22

Amma i pur hay ngi Bumbulvuŋ ar walahay madiɗa ta wãˀ si. Asi hay naŋ i Bumbulvuŋ, Buymisemuŋ, misi gidaŋ wãˀ waɗ tumuŋ vuna si.