Ɓimezle ngi Yesu Kristu ZAŊ mitil di mi 4:15 - Bible en langue guiziga

¹⁵ Ngwas tuwa a ɓaŋ: «Inga vuliy yam nah vuna sini buy, ɓa yam anta sa giy mata, yo ɓa yi so nga nuw yam aka mata.»

Ɓimezle ngi Yesu Kristu ZAŊ mitil di mi 4:15 ပူးပေါင်းရင်းမြစ်များ

DIMISEY 4:6

Gaka mikuli kaɓa miɓaka ɗaˀ le na, yo pulaka vu kumo da Bumbulvuŋ.

Ɓimezle ngi Yesu Kristu ZAŊ mitil di mi 4:16

Yesu a ɓaŋ: «Ara zilo zil ɗike, ɓa ki soko ng'aka.»

Ɓimezle ngi Yesu Kristu ZAŊ mitil di mi 6:26

Yesu a mbiɗa taŋ di: «Gisiŋ gisiŋ, yi ɓukum na: kum masipikiy na, anta vur kum mupuram cekenehey na ta, amma vur kum muzumam ɗaf, hã ki mbam ndus na.

Ɓimezle ngi Yesu Kristu ZAŊ mitil di mi 6:34

Dar a ɓakaŋ: «Inga vula ndra ɗaf nah vuna ndrehhe sini, Buy.»

Ɓimezle ngi Yesu Kristu ZAŊ mitil di mi 6:35

Yesu a ɓa taŋ: «Yi ɗaf mavul siifa. Mbur maso ng'avi ya na, may anta sa jaŋ mata wãˀ. Mbur matiɓiy na, yam anta sa gaŋ mata ndiɗaˀ.

ROMAHAY 6:23

Asi migir ngi mbur magi mungra na, i mucu. Amma gwat Buymisemuŋ mavula ngatara na, i siifa ngi sete, asi ndra mujom ati Buy ndra Yesu Kristu.

ROMAHAY 8:5

Naŋ kine, mizli muluɓ luɓ avu kpak ngi vu taŋ na, a sipam di i gwat kpak ngi vu taŋ mawuɗo. Amma mizli muluɓ luɓ avu ˀUf Mipala kwana, a sipam di i gwat ˀUf Mipal mawuɗ aya.

KORENTIHEY MUDUMBUŊ 2:14

Mbur misi ti wuluk ngi kpak ngi vu naŋ tewle na, anta tiɓa gwat maso ti vu ˀUf ngi Buymisemuŋ ta. A pura ka ɓi ngi mibirngahay, anta sla wala nah gu ta. Asi ɓa mbur a sla wala nah, naŋ kahana kahana na, sey ti ˀUf ngi Buymisemuŋ far.

Ɗerewol ZAK 4:3

Kum macufuɗam gwat, ki lumam ta na, asi ki cufuɗam ti mevel malambaˀa. Ki cufuɗam di i gwat macirukum hiri tewle.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.