Ɓimezle ngi Yesu Kristu ZAŊ mitil di mi 4:14 - Bible en langue guiziga

¹⁴ Amma da mbur misa si yam, ya masa vulaŋ di na le na, yam anta sa gaŋ mata wãˀ. Yam ya masa vulaŋ di na, a sa tiri miviɗiviɗi ngi yam maɓul goŋ goŋ, mavulaŋ siifa ngi sete jaka.»

Ɓimezle ngi Yesu Kristu ZAŊ mitil di mi 4:14 ပူးပေါင်းရင်းမြစ်များ

EZAYI 49:10

May anta sa ja taŋ ta, madalyam anta sa ga taŋ ta. Vu miwik wik ngi ruwuy malla pas anta sa wura taŋ mata. Asi mike na, ya mbur mawuɗ taŋ haɗa na, i sa ru taŋ ng'ar miviɗiviɗi ngi yam miyaɓyaɓa.

EZAYI 55:1

Kum gar, yam magukum na, soko, yam ani. Da ko mburo, dala anta kwana, a sawa. Cufuɗam gwat ngi zum, zumam, soko sam gwata, hiɗikam mbaazla ati ɗuwa, i ngataraŋ, anta ngi wurka dala nah ta.

EZAYI 58:11

Bumbulvuŋ a sa kuw mbuŋ, ko mbak le anta, ko ar li mikirɗak kirɗak kwana, a sa vuluw gwat ngi zumo, A sa tira tesl ngi vu ɗike selek. Ki sa tiri kaɓa jarne mipakaŋ yam le gwesl gwesle, kaɓa miviɗiviɗi ngi yam mahisik ta.

ZEREMI 2:13

Haˀaw, mizli ɗuwoy, a gam malambaˀ le hã makaw cuw: ya miviɗiviɗi ngi yam mavul siifa na, a pulikiy le fuk, a lam futuŋhoy, futuŋ mindislahay le, yam anta cifi angi taŋ ta.

ZEREMI 31:25

Mizli misi didak saf saf wãˀ na, i sa kiɗa taŋ madalyama, mizli mihĩhĩyam le wãˀ na, i sa vula taŋ gidaŋ haɗa.

EZEKIYEL 47:9

Dar akẽh na, li misi mizaw mici le ng'ara gar na, gwat misãmihey miwenewene ngi raˀa gar, a sa ndiram titiri. Kilifey a sa jam haɗa, asi yam nah a ndil sesẽŋ ar li ngi yam mezle. Ar li naŋ mapi ng'ara gar na, ara vula siifa da gwat ngi raˀahaya.

LEVIHEY 11:36

Amma, da a diɗ ar miviɗiviɗi ngi yam, malla ar vigiɗ ngi yam na, yama taˀ naŋ na, naŋ manja dili, amma mbur mija haŋ le avu maara ngi gwat nah na, naɓa a tiri le naŋ ti dili ɓula.

Matiye 25:46

Joˀ taŋ a sa ram ng'ar li ngi bonoy ngi sete, yo mizli mijeŋŋeheye, ng'ar li ngi siifa ngi sete.»

Matiye 5:6

Mizli misi ti may ati madalyam ngi gi gwat mijeŋŋe a roko ar wuya: asi Buymisemuŋ a sa kiɗa taŋ maya.

Ɓimezle ngi Yesu Kristu ZAŊ mitil di mi 10:10

Muhulo, a so sey ngi hul, ngi sli ˀay ngi gwat, yo ngi hirya gwat tewle. Ya i so ɓa mizli a lumam siifa, ɓa a lumam haɗa hã fineˀ gidaŋ.

Ɓimezle ngi Yesu Kristu ZAŊ mitil di mi 11:26

Yo ko wa gar misi ti siifa, da ara tiɓiy na, naŋ anta sa muc ta ndiɗaˀ. Ki tiɓa ɓi hana le kwa?»

Ɓimezle ngi Yesu Kristu ZAŊ mitil di mi 4:10

Yesu a mbiɗaŋ di: «Anja da ki si na gwat Buymisemuŋ mavula le, yo da ki si na mbur hana maɓuw: ‹vuliy yam ngi si vuna le zleˀe› na, anja ani i ka macufuɗaŋ, ɓa a vuluw yam maɓul goŋ goŋ jaka.»

Ɓimezle ngi Yesu Kristu ZAŊ mitil di mi 4:11

Ngwas tuwa a ɓaŋ: «Buy, jugulgwuy anta avu ka ta, yo vigiɗe naŋ jileŋ. Ki sa lumo yam maɓul goŋ goŋ vuna amaka?

Ɓimezle ngi Yesu Kristu ZAŊ mitil di mi 4:13

Yesu a mbiɗaŋ di: «Ko wa gar masi yam hana na, yam a sa gaŋ a muŋ ma.

Ɓimezle ngi Yesu Kristu ZAŊ mitil di mi 4:36

Migi sifi ngi gwata, ara lum migir naŋ si, ara kuso gwat ngi sifiheye vur siifa ngi sete, hã mbur mizligi gwat ati mbur migi sifi naŋ, a mumulom jom arleˀeŋ.

Ɓimezle ngi Yesu Kristu ZAŊ mitil di mi 6:27

Anja ki gam slra ngi luuma ɗaf mahiryi ta, amma ngi luuma ɗaf mazik, mavul siifa ngi sete. Ɗaf Mangal ngi mbur masavulukum di, asi mbur Cine Buymisemuŋ muɗuv haŋ angi naŋ na, i naŋ vuna.»

Ɓimezle ngi Yesu Kristu ZAŊ mitil di mi 6:35

Yesu a ɓa taŋ: «Yi ɗaf mavul siifa. Mbur maso ng'avi ya na, may anta sa jaŋ mata wãˀ. Mbur matiɓiy na, yam anta sa gaŋ mata ndiɗaˀ.

Ɓimezle ngi Yesu Kristu ZAŊ mitil di mi 6:58

Peŋ mupo sar paɗ ti muŋ n'anihĩ: a bam vu ati ngi dideˀ kumoy muzumaka na ta, asi taŋ a micam le. Amma mbur misa zum ɗaf hana le na, a sa ndir ti siifa hã ngi sete.»

Ɓimezle ngi Yesu Kristu ZAŊ mitil di mi 7:37

Hin ngi kiɗa mi ngi muguzlum wãˀ na, i hin mufuna mekelemey gar. Yesu a slikiɗ deŋ, a zla a til mi ti gidaŋ, a ɓi: «Ko wa gar, da yam ara gaŋ na, anja a so ng'avi ya, a si.

ROMAHAY 5:21

Kaɓa mungra muzum buy tisi muc na kwana, gimezle ngi Buymisemuŋ a zum buy tisi siifa ngi sete, mbele Buy ndra Yesu Kristu.

ROMAHAY 6:23

Asi migir ngi mbur magi mungra na, i mucu. Amma gwat Buymisemuŋ mavula ngatara na, i siifa ngi sete, asi ndra mujom ati Buy ndra Yesu Kristu.

KORENTIHEY MUCUW NAŊ 1:22

I naŋ muɗuva haŋ naŋ angi ndra, yo a po ˀUf naŋ, mudumbuŋ dumbuŋ naŋ, nga mevel ndra.

EFESEY 4:30

Buymisemuŋ a ɗuvukum ˀUf naŋ le avu dumvu kumo ka lammba, ndra masinaka hin a sa ndilawa, Buymisemuŋ a sa laha ndra wãˀ na, ava. Anja ki gakaŋ gwat ngi ndurɓo hiri ta.

PIYER MUDUMBUŊ NAŊ 1:22

Kum magaka gwat, ɓi mikaslsla maɓa na, kite ki ɗiyaka musuɗuk ngi vu kumoyo le, ɓa ki wuɗam sukum kumoyo ti kwacay cuw cuw ta. Hurdumom ngi wuɗavu ar wala kumo ti mevel purla so.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.

ƁIMUNJUYO 7:16

May anta sa ja taŋ mata, yam anta sa ga taŋ mata, pas malla vu miwik wik anta sa wura taŋ mata.

ƁIMUNJUYO 7:17

Asi tumuŋ misi a wuzla janga ngi buy na, a sa tiri mijigin taŋ, a sa ru ti taŋ ng'ar miviɗiviɗi ngi yam. Dar Buymisemuŋ a sa sohõ taŋ tuwuy ngivi hiri taŋhaya ceke.»