Ɓimezle ngi Yesu Kristu ZAŊ mitil di mi 4:11 - Bible en langue guiziga

¹¹ Ngwas tuwa a ɓaŋ: «Buy, jugulgwuy anta avu ka ta, yo vigiɗe naŋ jileŋ. Ki sa lumo yam maɓul goŋ goŋ vuna amaka?

Ɓimezle ngi Yesu Kristu ZAŊ mitil di mi 4:11 ပူးပေါင်းရင်းမြစ်များ

ZEREMI 2:13

Haˀaw, mizli ɗuwoy, a gam malambaˀ le hã makaw cuw: ya miviɗiviɗi ngi yam mavul siifa na, a pulikiy le fuk, a lam futuŋhoy, futuŋ mindislahay le, yam anta cifi angi taŋ ta.

Ɓimezle ngi Yesu Kristu ZAŊ mitil di mi 3:4

Nikodem a ɓaŋ: «Mbur migi midigila le si na, a yakaŋ mbri mbri maka? A ci sar mucuw naŋ gu nga kwacay mumuŋ, ɓa a yaŋ ma kwa?»

Ɓimezle ngi Yesu Kristu ZAŊ mitil di mi 4:14

Amma da mbur misa si yam, ya masa vulaŋ di na le na, yam anta sa gaŋ mata wãˀ. Yam ya masa vulaŋ di na, a sa tiri miviɗiviɗi ngi yam maɓul goŋ goŋ, mavulaŋ siifa ngi sete jaka.»

Ɓimezle ngi Yesu Kristu ZAŊ mitil di mi 7:37

Hin ngi kiɗa mi ngi muguzlum wãˀ na, i hin mufuna mekelemey gar. Yesu a slikiɗ deŋ, a zla a til mi ti gidaŋ, a ɓi: «Ko wa gar, da yam ara gaŋ na, anja a so ng'avi ya, a si.

SLRA 10:14

Piyer a mbiɗaŋ di: «Bumbulvuŋ, ndiɗaˀ wãˀ, asi gwat mitika le gar malla gwat malambaˀ ngi zum ta gar na, yi zum ɗaˀ ta wãˀ si!»

KORENTIHEY MUDUMBUŊ 2:14

Mbur misi ti wuluk ngi kpak ngi vu naŋ tewle na, anta tiɓa gwat maso ti vu ˀUf ngi Buymisemuŋ ta. A pura ka ɓi ngi mibirngahay, anta sla wala nah gu ta. Asi ɓa mbur a sla wala nah, naŋ kahana kahana na, sey ti ˀUf ngi Buymisemuŋ far.

ƁIMUNJUYO 21:6

A ɓiy ma: «A gi le si. Yi Alfa, yi Omega. Yi zli virzi ngi gwat, yi kiɗa mi ngi gwat. Mbur, yam magaŋ gar na, i sa vulaŋ yam ngatara angi miviɗiviɗi ngi yam ngi siifa.

ƁIMUNJUYO 22:1

Waɗ ma, modro ngi Buymisemuŋ a bigiy mizaw ngi yam ngi siifa. A wucuɗ wilik wilik kaɓa dorogal. A bo tir li cifi ngi zumabuy ngi Buymisemuŋ ati tumuŋ.

ƁIMUNJUYO 22:17

ˀUf ngi Buymisemuŋ ati ngwas a ɓam: «Sawa!» Anja mbur macina ɓi hana kwana, a ɓi: «Sawa!» Mbur, misi yam ara gaŋ na, anja a sawa. Mbur mawuɗ yam ngi siifa na, anja a lum ngataraŋ.

ƁIMUNJUYO 7:17

Asi tumuŋ misi a wuzla janga ngi buy na, a sa tiri mijigin taŋ, a sa ru ti taŋ ng'ar miviɗiviɗi ngi yam. Dar Buymisemuŋ a sa sohõ taŋ tuwuy ngivi hiri taŋhaya ceke.»