Ɓimezle ngi Yesu Kristu ZAŊ mitil di mi 3:5 - Bible en langue guiziga

⁵ Yesu a mbiɗaŋ di: «Gisiŋ gisiŋ yi ɓuw na: Zumabuy ngi Buymisemuŋ, ko mbur maci anga gu anta, sey da a yakaŋ le ti yam ati ˀUf far.

Ɓimezle ngi Yesu Kristu ZAŊ mitil di mi 3:5 ပူးပေါင်းရင်းမြစ်များ

Matiye 18:3

a ɓi: «Gisiŋ, yi ɓukum na: da ki mbiɗam ta, yo da ki tiram ka ziri ta na, ko kum anta sa cam ar Zumabuy ngi muŋ ta.

Matiye 19:24

Yi mukum hiri naŋ ava ma, zlogomo a ci kutum tir vigiɗ ngi batala fineˀ mbur misi zlili maci ng'ar Zumabuy ngi muŋ.»

Matiye 21:31

A wuzla ziri mucuwoy na, migi gwat cine taŋ muwuɗo, i wanaka?» A mbiɗakaŋ di: «I mangal mudumbuŋ na.» Dar Yesu a ɓa taŋ: «Gisiŋ, yi ɓukum na: micikila buutuhoy ati ngwas sulomehey a sa cam dumbuŋ angi kum ng'ar Zumabuy ngi muŋ.

Matiye 28:19

A ram ng'avu sukwi ngi mizli gar so, tiram taŋ mizli ngi si yahay: Caka taŋ ar yam ti slimiɗ ngi Cine, ngi Mangal ati ngi ˀUf Mipal.

Matiye 3:11

«Ya i cukum ar yam na, ɓa a sin ki mbiɗaka mevele le. Amma mbur masa sawa a dirba ɗu na, naŋ a sacukum ar ˀUf Mipal waɗ ar vu. Naŋ gidaŋ fineˀ ya, ko tarak naŋ kwana, yi ndila ngi cuk naŋ ta.

Matiye 5:20

Vurˀe, yi ɓukum na: da kum anta gam gwat Buymisemuŋ mawuɗo, fineˀ ngi buy ngi ɓimujuwahay ati ngi Farisahaya ta na, kum anta sa cam ar Zumabuy ngi muŋ ta wãˀ.

Mark 10:14

Yesu mupura kahana na, a ji mevel, dar a ɓa taŋ: «Pulaka ziri a soko nga vi ya! Ki tikaka taŋ ta, asi zumabuy ngi muŋ i ngi mizli misi ka taŋ.

Mark 16:16

Mbur masa tiɓi, yo masa ci ar yam na, a sa lih. Mbur masa tiɓi ta na, kiita a sa jaŋ.

Mark 9:47

Da i hiri ɗik macuw ng'ar mungra na, huzlugo avra, zuwen ka maci ng'ar Zumabuy ngi Buymisemuŋ ti hiri purla, a funa taŋ masa hizigukuw ng'ar li ngi bonoy ti hiri ɗikey cuw taŋ na le.

Ɓimezle ngi Yesu Kristu LUK mitil di mi 13:24

«Tumom vu ɓa ki cam tir mizlingre muɓucco. Yi ɓukum na: Mizli haɗi a sa puram jiviɗ ngi ci, amma t'anta sa cam gu ta.

Ɓimezle ngi Yesu Kristu LUK mitil di mi 13:3

Yi ɓukum na: Naŋ kanah ta, amma da kum vuna, ki mbiɗaka mevele ta na, kum gar, kisa zizam kanah ya.

Ɓimezle ngi Yesu Kristu LUK mitil di mi 13:5

Yi ɓukum na: Naŋ kanah ta, amma da kum vuna, ki mbiɗaka mevele ta na, kum gar, kisa zizam kanah ya.»

Ɓimezle ngi Yesu Kristu ZAŊ mitil di mi 1:13

A ya ka taŋ i ziri ngi Buymisemuŋhoy na, anta kaɓa kpak ngi mizli titrahay a ruwuy misenna ta, anta vur a ya ka taŋ i ziri ngi mbur zil kine ta ma, amma i Buymisemuŋ muwuɗu.

Ɓimezle ngi Yesu Kristu ZAŊ mitil di mi 3:3

Yesu a mbiɗaŋ di: «Gisiŋ gisiŋ, yi ɓuw na: Zumabuy ngi Buymisemuŋ, ko mbur mapura gu anta, sey da a yakaŋ le sar mucuw naŋ a muŋ far.»

Ɓimezle ngi Yesu Kristu ZAŊ mitil di mi 3:4

Nikodem a ɓaŋ: «Mbur migi midigila le si na, a yakaŋ mbri mbri maka? A ci sar mucuw naŋ gu nga kwacay mumuŋ, ɓa a yaŋ ma kwa?»

SLRA 2:38

Piyer a mbiɗa taŋ di: «Mbiɗaka mevel kumoyo, anja mbur gar a ci ar yam ti slimiɗ ngi Yesu Kristu, ɓa mungra kumoy a puyam avra, yo ɓa kisa lumam gwat ngatara ngi Buymisemuŋ, i ˀUf naŋ Mipal.

SLRA 3:19

Mbiɗaka mevel kumoyo so, moko ng'avi Buymisemuŋ, ɓa a puya mungra kumoy avra,

ROMAHAY 14:17

Asi Zumabuy ngi Buymisemuŋ, i ɓi ngi gwat ngi zum malla gwat ngi si ta. Amma i gi gwat mijeŋŋe, ɓi ngi zuy, yo i ɓi ngi mumul, ˀUf Mipal mavula.

ROMAHAY 8:2

Naŋ kine, ɓimujuwa ngi ˀUf Mipal, ɓi mavul siifa da mbur mujom ati Yesu Kristu na, a lihiy, le tivu ɓimujuwa ngi mungra ati ngi muco.

KORENTIHEY MUDUMBUŊ 15:50

Sukum ɗu misikristuhoy, gisiŋ yi ɓukum anihĩ: Misi ti dumvu ati pumbus gar na, anta sa zumam buy ngi Buymisemuŋ gu ta. Yo dumvu mamuco, anta sa zuma li ngi dumvu mamuc ta na gu ta.

KORENTIHEY MUDUMBUŊ 2:12

Ngi ndra na, ndr'i lumam di i ˀuf ngi duniya ta, amma ˀUf maso paɗ ti vu Buymisemuŋ, ɓa i sinaka gwat Buymisemuŋ muvula asi gimezle naŋ.

KORENTIHEY MUDUMBUŊ 6:11

Mekelemey a wuzla kumo taŋ zleˀe kanah vuna. Amma Buymisemuŋ a bunukum mungra kumoyo le avra, a pukum le sek pal da naŋ, a ɗiyukum le jeŋŋe a mbuŋ naŋ ti slimiɗ ngi Buy Yesu Kristu waɗ ti ˀUf ngi Buymisemuŋ ndra.

GALATAY 6:15

Ɓi ngi ci mizaw, malla ci mizaw ta gar na, i gwat mupuɗaw ta. Amma gwat mupuɗawa, i tiri mbur nawayaŋ.

EFESEY 5:26

A wuɗ kanah na, ɓa a bunaŋ ti yam ati mingiɓi naŋ, ɓa a ndir, naŋ pal.

PIYER MUDUMBUŊ NAŊ 1:2

Cine ndra Buymisemuŋ muwunukum kaɓa naŋ miɗiya jiviɗ naŋ zleˀe si na, tisi ˀUf Mipal, ɓa ki cinaka mi da Yesu Kristu, yo ɓa pumbus naŋ a bunukum. Anja Buymisemuŋ a gukum mezle, a vulukum zuy haɗa haɗa.

PIYER MUDUMBUŊ NAŊ 3:21

Yam nah na, a bigi ci ar yam maluhukum wurenna na. I ci ar yam ngi buna dili ngi dumvu ta, amma ngi vula vu taˀ da Buymisemuŋ ti wuluk mezle ngir mevel. A luhukum tisi slikiɗ ngi Yesu Kristu ti wuzla mumucahay.

ZAŊ MUDUMBUŊ NAŊ 2:29

Ani, ki sinaka le, Kristu, naŋ jeŋŋe. Yo naŋ kanah ya, ko wa gar magi gwat mijeŋŋe na, i zuŋ ngi Buymisemuŋ.

ZAŊ MUDUMBUŊ NAŊ 5:1

Ko wa gar matiɓa, Yesu i Kristu na, i zuŋ ngi Buymisemuŋ, yo ko wa gar mawuɗ Buymisemuŋ Cine ngi mizli na, naɓa a wuɗ zuŋ ngi Buymisemuŋ vuna ya.