Ɓimezle ngi Yesu Kristu ZAŊ mitil di mi 3:36 - Bible en langue guiziga

³⁶ Mbur matiɓa Mangala na, naŋ ti siifa ngi sete. Mbur macina mi da Mangala ta na, anta sa lum siifa ta, amma Buymisemuŋ a sa ndir ti himaˀ a hirnga naŋ.»

Ɓimezle ngi Yesu Kristu ZAŊ mitil di mi 3:36 ပူးပေါင်းရင်းမြစ်များ

Ɗerewol JOP 33:28

A mbuɗo hirnga ɗu avu ci ng'ar vigiɗe, yo siifa ɗu a sa singila li minjahha!»

DIMISEY 2:12

Vulaka dudok da mangala, da kanah ta na, a sa ji mevel, dar kisa zizam a jiviɗe, asi mevel a jaŋ kutumo si. Mizli maɗumom ava gar na, a mumulom.

DIMISEY 36:9

A hay ɗike, ara mbam hã fineˀ gidaŋ ti gwat ngi zum mundumoy, yo ki ra vula taŋ gwat mundum ɗikey kaɓa yam ar mizaw madiɗaŋ.

DIMISEY 49:19

Ti naŋ misi ar siifa na, a ngil wuy ti vu naŋ, a ɓi: «A ra kiɗikiy haŋ, asi gwat gar ara ru avu ya kuy kuy.»

HABAKUK 2:4

Pura, n'ani zlokoko ti huhumo vu naŋ na a diga, a si na gi gwat ti mevel purla ta, amma mbur mijeŋŋe, a ndir ti siifa mbele gi teŋteŋ naŋ.

SLUFA VU 32:11

Mizli misi vi kukur cuw malla mufunaka le, muboko ti Ezipte na, hirwuy ya muvula da Abraham, Izak waɗ Zakop na, ko mbur loŋ asi taŋ masa ci anta. Asi a cinikiy mi ti mevel purla ta.

Matiye 25:46

Joˀ taŋ a sa ram ng'ar li ngi bonoy ngi sete, yo mizli mijeŋŋeheye, ng'ar li ngi siifa ngi sete.»

Mark 16:16

Mbur masa tiɓi, yo masa ci ar yam na, a sa lih. Mbur masa tiɓi ta na, kiita a sa jaŋ.

Ɓimezle ngi Yesu Kristu LUK mitil di mi 2:30

Asi hiri ɗu a pura lahavu, ka mislino di na le,

Ɓimezle ngi Yesu Kristu LUK mitil di mi 3:6

Mizli gar a sa puraka lahavu Buymisemuŋ malaha taŋ.»

Ɓimezle ngi Yesu Kristu ZAŊ mitil di mi 1:12

Amma mizli mitiɓaka so naŋ, yo mitiɓakaŋ a mevel taŋ gar na, a vula taŋ gidaŋ, ɓa a tiram ziri ngi Buymisemuŋhoy.

Ɓimezle ngi Yesu Kristu ZAŊ mitil di mi 10:28

Ya i vula taŋ siifa ngi sete, t'anta sa micam ta ndiɗaˀ. Yo mbur matiɓa taŋ gu tisi haŋ ɗu, anta.

Ɓimezle ngi Yesu Kristu ZAŊ mitil di mi 3:3

Yesu a mbiɗaŋ di: «Gisiŋ gisiŋ, yi ɓuw na: Zumabuy ngi Buymisemuŋ, ko mbur mapura gu anta, sey da a yakaŋ le sar mucuw naŋ a muŋ far.»

Ɓimezle ngi Yesu Kristu ZAŊ mitil di mi 4:36

Migi sifi ngi gwata, ara lum migir naŋ si, ara kuso gwat ngi sifiheye vur siifa ngi sete, hã mbur mizligi gwat ati mbur migi sifi naŋ, a mumulom jom arleˀeŋ.

Ɓimezle ngi Yesu Kristu ZAŊ mitil di mi 5:24

Gisiŋ gisiŋ, yi ɓukum na: mbur macina mingiɓi ɗu, yo matiɓa mbur mislino ya na, naŋ da ti siifa ngi sete. Anta gakaŋ kiita geˀ le ta, amma a tuwuɗ le tir muco ng'ar siifa si.

Ɓimezle ngi Yesu Kristu ZAŊ mitil di mi 6:58

Peŋ mupo sar paɗ ti muŋ n'anihĩ: a bam vu ati ngi dideˀ kumoy muzumaka na ta, asi taŋ a micam le. Amma mbur misa zum ɗaf hana le na, a sa ndir ti siifa hã ngi sete.»

Ɓimezle ngi Yesu Kristu ZAŊ mitil di mi 8:51

Gisiŋ gisiŋ, yi ɓukum na: Da mbur a ja mingiɓi ɗu le a hirnga na, anta sa muc ta ndiɗaˀ wãˀ.»

SLRA 14:2

Amma Yude mekelemey mungumam tiɓa ɓi misenna ta na, a paka mi da mizli Yudehey ta na, ɓa a puraka ti Pol ati Barnabasa, ka mizli malambaˀhay.

ROMAHAY 4:15

Asi ɓimujuwa na, a slikiɗa himaˀ ngi Buymisemuŋ. Amma da ɓimujuwa anta na, naɓa ngila ɓimujuwa kwana anta ya.

ROMAHAY 5:9

Ani wurenna, Kristu a ɗiya ndra le jeŋŋe ti pumbus, naŋ mipa vur ndra ma na, a sa laha ndra ti ngi himaˀ Buymisemuŋ masa zuɓa angi ndra na ta jak kwa?

ROMAHAY 8:1

Wurenna, mizli mujumom le ati Yesu Kristu na, Buymisemuŋ anta ga taŋ kiita mata.

GALATAY 3:10

Asi mizli macicam nga taŋ deŋ ar ɓimujuwa na, i minisahay le cek. Asi a tohoko na: «Gwat mutohoko gar angi ɓimujuwa na, ko wa gar muhurdum ngi gi naŋ ta na, i minisaŋ.»

EFESEY 5:6

Anja mbur a gukum gilaw ti ɓi malambaˀhay ta. Buymisemuŋ mazuɓ himaˀ ar mizli macinakaŋ mi ta na, aseˀeŋ.

TESALONIKEY MUDUMBUŊ NAŊ 1:10

A ɓam ma: ki ra kutukoko Mangal naŋ Yesu masa mawa paɗ a muŋ, Mangal naŋ, naŋ mislikiɗa ti wuzla mumucahaya. I Yesu nah malaha ndra ti ngi himaˀ Buymisemuŋ masa zuɓa angi mizli na.

TESALONIKEY MUDUMBUŊ NAŊ 5:9

Asi Buymisemuŋ a wina ndra ɓa a zuɓ himaˀ angi ndra ta, amma ɓa a laha ndra tisi Buy ndra Yesu Kristu.

HEBEREY 10:29

Mbur makirpa Mangal ngi Buymisemuŋ, magi lambaˀ ti pumbus ngi Yesu mipa ngi jumoˀay, naŋ muzuɓaŋ mungra naŋ avra ti naŋ, yo a za ˀUf Mipal, magi mezle na ma na, mbur nah a sa lum bonoy mihimaˀ kuyta wãˀ ta jak kwa?

HEBEREY 2:3

Na, da ndra vuna, i ra gam ti ɓi madiɗa ngi lahavu hana kaɓa ɓi ngi sefel na, i sa laham avu kiita ngi Buymisemuŋ mbri mbrike? I Bumbulvuŋ ti haŋ naŋ vuna mitil mi ti ɓi ngi lahavu hana dumbuŋ. Dar mizli micinaka na kwana, a ɓam ndra ɓi nah kasl kasla.

HEBEREY 3:18

Yo Buymisemuŋ muhudum, miɓi: Tˀanta sa cam angi li muskavu naŋ na ta na, a ɓi vuna vur waniyka? A ɓi vur mizli mislikiɗa ɓi tayna ta kwa?

HEBEREY 3:19

Ndra mupuraka, taŋ micam gu ta na, asi hirnga taŋ migidaŋ na.

ƁIMUNJUYO 21:8

Amma muzluwunoy, mizli miteŋteŋhey ta, mizli magam lambaˀ lambaˀ, mikiɗa hirngahay, migi madamahay, mizli misi ti sin ngi gi cekenehey ati madilkam a mbuŋ kulihey, waɗ migi slirey gar na, a sa lumam li cifi taŋ angi mubuliy ngi vu, waɗ ngi baruudu. Nah na, i muc mucuw naŋ.»