Ɓimezle ngi Yesu Kristu ZAŊ mitil di mi 3:29 - Bible en langue guiziga

²⁹ Zil ngi ngwasa, i mbur maɗuvaŋ. Amma ngama ngi zile a cici deŋ, a cin ti cin. ˀAy ngi zil maɓi, a gaŋ mumul haɗa. Ya i mumul kanah ya, a ndila le wãˀ.

Ɓimezle ngi Yesu Kristu ZAŊ mitil di mi 3:29 ပူးပေါင်းရင်းမြစ်များ

DIMIS MIMEZLE 3:11

Kayya, kum diili ngir walahay hirnga, soko, singilaka buy Salomoŋ, muro hirnga tuwaɗ tuwaɗ ti loppol, mumuŋ mutuwuɗaŋ di, tapas naŋ mazuɓ ngwasa, tapas naŋ mumumul na.

DIMIS MIMEZLE 5:1

I co le ar jarne ɗu, sukum ɗu, haˀaw mangasl ɗu ngaya. I ra ga sifi ngi urdi mir ati urdi ɗu mihindirik hindirik. I ra zuma mamalama jom ti monjoftoloko. I ra sa mbaazla ati ɗuwa ɗu. Kum ngama ɗuwoy, zumam, kum mikiɗa may ɗuwoy, sam, wam ti mbaazla.

EZAYI 54:5

Asi mbur migi ɗike, zil ɗik i naŋ: slimiɗ naŋ, Bumbulvuŋ, misi gidaŋ wãˀ. Buymisemuŋ mipal ngi Israyele, mimbiɗi hirnga ɗik i naŋ. A zilaka ‹Buymisemuŋ ngi ruwuy keɗeɗe›.

EZAYI 66:11

Ɓa ki saka ɗuwa naŋ mavul gidaŋ na, kaɓa ziri gazahay masam ɗuwa a didak mumuŋ taŋhay, yo ɓa ki mbam, hiri a curukum ti ɗuwa naŋ mujõh jõh na.

ZEREMI 2:2

«A ra til mi ti ɓi ani da mizli Zeruzalemeye, ɓa taŋ: Bumbulvuŋ a ɓi na: Ti kum misi ti zuŋ zleˀe gumbaˀ gumbaˀ avu ya, kum mawuɗikiy zleˀe kaɓa wuɗa vu ngi mangasl, kum misipikiy a wuzlaɓuh mikirɗak kirɗak, waɗ ar papala mapus gwat ta na, yi ra wulka ɓi nah keŋ.

EZEKIYEL 16:8

Ya macuh a ciki ɗike na, yi puruw na, dambalaka hin ɗik a ndila le ngi wuɗa zil. Yi sirta mi ngi godo ɗu sirit ar ka mugulndiŋ kine tuwa. Yi ɓuw ti hudum, i jumom ˀay ati ka, dar ki tiri nga ya. I ya Bumbulvuŋ, Buymisemuŋ maɓi.

Ɗerewol OZE 2:19

Slimiɗ ngi Baˀal vuna, i sa ɓula kileŋ ar mingiɓi naŋ avra, kuli misi kaɓa tayna, anta sa zilaka slimiɗ taŋ neˀ mata.

Matiye 22:2

«Zumabuy ngi muŋ a bam vu ati ɓi ani: Buy madiɗa mekelem ada, a di ɗaf madiɗa ngi vula ngwas ngi mangal naŋ.

Matiye 25:1

«Yo Zumabuy ngi muŋ a sa gi kaɓa ɓi ngi ziri diilihey kuruˀu, muzuɓaka lampe taŋhay, mibam nga ji hirnga ti zil muzuɓ taŋ.

Matiye 9:15

Yesu a ɓa taŋ: «Mizli miziloko taŋ le ng'ar li vula ngwasa, da zil ngi ngwasa, naŋ da a wuzla taŋ na, a hiɗam hiri ka mizli ngir li vagayay ma kwa? Amma hin a sa ndilawa, a sa muɗaka zil ngi ngwasa ti wuzla taŋ, a sa gam dalyama ti hin nah ɓula.

Ɓimezle ngi Yesu Kristu LUK mitil di mi 15:6

Yo naŋ mumo le a haya na, a kuso ngama naŋhay ati midigwi naŋhaya, a ɓa taŋ: «Mumulukum bummoˀ, asi tumuŋ ɗu mizizi zleˀe tuwa, yi luuma le!»

Ɓimezle ngi Yesu Kristu ZAŊ mitil di mi 15:11

«Ya muɓukum ɓi misenna na, ɓa mumul ɗu a ndir a hur kumo, yo ɓa ki mumulom mumul minjah wãˀ.

Ɓimezle ngi Yesu Kristu ZAŊ mitil di mi 16:24

Hã wurenna, ki cufuɗam gwat neˀ le ti slimiɗ ɗu ta. Cufuɗam, kisa lumam, hã mumul kum a sa gi i mumul mikaslsla wãˀ.

Ɓimezle ngi Yesu Kristu ZAŊ mitil di mi 17:13

Wurenna, i ra ru ng'avi ka. Ya maɓa ɓi hana na, ti ya misi ar duniya aruŋ, ɓa a lumaka mumul ɗu wãˀ a mevel taŋ.

Ɓimezle ngi Yesu Kristu ZAŊ mitil di mi 3:30

Anja naŋ a gil, ya kwana, yi mi nga dirba.»

KORENTIHEY MUCUW NAŊ 11:2

I ra wuɗukum suloŋ suloŋ haɗi, yo wuɗavu musuloŋ suloŋ nah a so tivu Buymisemuŋ. Kum kaɓa diili mungbuˀo kine, ya mitikukum da zil purla, i Kristu.

FILIPIHEY 2:2

Da kanah na, gikiy gwat ngi cira hiri wãˀ ti jumoˀay kum purla, ti wuɗavu misi purla, ti mevel purla, yo ngiɓam ˀay.

ZAŊ MUDUMBUŊ NAŊ 1:4

Ndra matuhukum ɗerewol hana na, ɓa i mumulom haɗa wãˀ.

ZAŊ MUCUW NAŊ 1:12

Y'ada ti ɓi haɗa ngi tuhukum di, amma yi wuɗ i tuhukum di ti tuh ar ɗerewol waɗ ti yam ngi hilseɓ ta. Asi i ra wuɗ ru ngi hay kumo, ɓa i ra ɓukum ti mi ɗu, ɓa i sa mumulom kuy kuy wãˀ.

ƁIMUNJUYO 21:9

Modro mitarnaˀhay misi kaw kaw ti sikiɗ mipeɗepeɗe peɗepeɗe ti bonoy ngi dirbahay tarnaˀ tuwa, pal ngi si taŋ a sawa, a ɓiy na: «Sawa, i sa buguw meketeŋ ngi tumuŋ na.»