Ɓimezle ngi Yesu Kristu ZAŊ mitil di mi 3:27 - Bible en langue guiziga

²⁷ Zaŋ a mbiɗa taŋ di: «Da a vulaka gwata paɗ a muŋ da mburo ta na, a lum gwat ko neˀ gu ta.

Ɓimezle ngi Yesu Kristu ZAŊ mitil di mi 3:27 ပူးပေါင်းရင်းမြစ်များ

ZEREMI 1:5

«Ya misa kicuwuw a kwacay munuk na, naɓa i sinuw le si. Ka misa bo tikeˀe ti kwacay naŋ na, naɓa i guhuw le gwah pal vur slra ɗu si. I tiri ti ka mijiviɗ le ng'avu sukwi ngi mizli.»

ZEREMI 17:16

Ka mislino bonoy na, i ya mupuw mi ta. Yi ɗuwul mi ɓa hin ngi bonoy a ndilawa ta, ka ki si na le, ɓi mubo ti balam ɗu na, i ɓa mur ɗiki.

AMOS 7:15

amma Bumbulvuŋ a zuɓo ya baɗ asi gineweye, a ɓiy: Aru! Njika ɓi ngi mbuŋ da Israyel, mizli ɗuwoy.

SLUFA VU 17:5

Ɓiri mikamburam kamburam tayna, a vula wuluk da Israyeley ani: Mbur ngi hay Aroŋ ta gar na, naŋ anta ti jiviɗ ngi zluma urdi a mbuŋ Bumbulvuŋ ta. Da a zluma le na, a sa gi ava, kaɓa gwat migi avu Kore ati mizli naŋhay na ya. Bumbulvuŋ a ɓa Moyise, ɓa a ɓa Aroŋ ɗaˀ ɗaˀ le.

Matiye 21:25

Mislino Zaŋ ngi ci mizli ar yam i waka? I Buymisemuŋ kwa, malla i mizli kwa?» Hirik a ngilam wuy ar wala taŋ kwaɗay, a ɓam: «Da i mbiɗakaŋ di le: ‹I Buymisemuŋ› mislino di na, a sa ɓa ndra: «Na, ki tiɓaka ɓi naŋ ta vur mike?»

Matiye 25:15

A vula miliyoŋ zlum da mbur mudumbuŋ, miliyoŋ cuw da mbur numuŋ waɗ miliyoŋ pal da mekeleme ma. A vula da mburo gar avu gidaŋ naŋ. Joˀ a ru.

Mark 13:34

«A sa gi kaɓa mbur maru nga mulak. A pula hay naŋ asi haŋ ngi gawla naŋhay, ko wa gar ti slra naŋ, ti slra naŋ. A ɓa mijigina mizlingre, anja a hinje ta.

Ɓimezle ngi Yesu Kristu ZAŊ mitil di mi 10:41

Mizli haɗa a ram ng'avaŋ, a ɓam: «Ko Zaŋ a gi cekene loŋ ta, amma ɓi naŋ miɓa vur mbur hana gar na, naŋ kaslsla gisiŋ.»

Ɓimezle ngi Yesu Kristu ZAŊ mitil di mi 6:65

A ɓi ma: «Vurˀe, yi ɓukum na: ko mbur maso ng'avi ya gu anta, sey da Baha mupulaŋ jiviɗ nah le far.»

ROMAHAY 1:5

Buymisemuŋ migiy mezle na, tisi Yesu Kristu. A tiri ti ya mislin naŋ ɓa sukwi ngi mizli gar a tiɓam, a cinam mi da Buymisemuŋ, a ɗuvaka hirnga da Yesu Kristu.

ROMAHAY 12:6

Ndra purla purla gar, Buymisemuŋ a vula ndra gwat ngi gi wal wal, weˀe avu gimezle naŋ miga ndra di. Mbur mekelem a wuzla ndra, da a vulaŋ nga naŋ i ɓi ɓi Buymisemuŋ minjikaŋ di na, anja a ɓa weˀe avu tiɓi naŋ.

KORENTIHEY MUDUMBUŊ 1:1

I ya Pol, Buymisemuŋ a wuɗ le, a ziliy ɓa yi tiri mislin ngi Yesu Kristu. Ya ati sukum ndra Sosten matohoko ɗerewol hana,

KORENTIHEY MUDUMBUŊ 12:11

Amma mavula nah gar na, i ˀUf Mipal vuna pal naŋ. A vula gwat wal wal da mbur gar ka naŋ mawuɗo.

KORENTIHEY MUDUMBUŊ 15:10

Amma ya mitiri mislin na, mbele Buymisemuŋ migiy mezle. Yo avu ya na, mezle naŋ migiy di na, i gwat ngatara lambaˀ ta, hã i gi slra le fineˀ mislin mekelemeye gar jaka. I ya miga ta ɓula, amma i gimezle ngi Buymisemuŋ misi avu ya na.

KORENTIHEY MUDUMBUŊ 3:5

Apolos vuna kpak i waka? Pol vuna kpak i waka? Taŋ i gawla ngi Buymisemuŋhoy musoko ti kum ɓa ki tiɓaka Kristu na ta kwa? Ko wa gar asi taŋ a gi di i slra Bumbulvuŋ muvulaŋ di ngi gi.

KORENTIHEY MUDUMBUŊ 4:7

Asi mitiri ti ka madiɗa ar mizli mekelemey na, i waka? Gwat ngi si haŋ ɗik gar na, i Buymisemuŋ muvuluw di ta kwa? Yo da a vulukuw le ma na, ki huhumo vu ɗik kaɓa a vulukuw di ti vul ta mbri mbri maka?

GALATAY 1:1

I ya mislin Pol. Yi mislin ngi mizli ta, ko yi mislin ngi mbur ta ma, amma yi mislin ngi Yesu Kristu waɗ ngi Cine naŋ Buymisemuŋ mislikiɗaŋ ti wuzla mizli mumucahay.

EFESEY 1:1

I ya Pol, Buymisemuŋ a wuɗ le ɓa i tiri mislin ngi Yesu Kristu. I ya matoho ɗerewol hana da mizli ngi Buymisemuŋhoy misi a Efez, mizli miteŋteŋhey ar taŋ mujom ati Yesu Kristu.

TIMOTE MUDUMBUŊ NAŊ 2:7

Buymisemuŋ mitiri ti ya bugawla, yo mislin naŋ na vurˀe. A sliniy ng'avi mizli Yudehey ta na, ɓa i dubuna taŋ tiɓi waɗ ɓi mikaslsla. Ya maɓa na, i gisiŋ gisiŋ, i gi di i slir ta.

Ɗerewol ZAK 1:17

Gwat ngi vul mupuɗaw puɗaway ati gwat ngi vul ngatara mikaslsla wãˀ gar na, a poko sar paɗ ti muŋ, tivu Buymisemuŋ, buy ngi gwat mupusluɗa lihey. Naŋ, naŋ anta mbiɗi ta, naŋ anta wus ta, yo naŋ anta gi luvuŋ ta.