Ɓimezle ngi Yesu Kristu ZAŊ mitil di mi 3:16 - Bible en langue guiziga

¹⁶ «Naŋ kine, Buymisemuŋ a wuɗ duniya le haɗi, hã a vulo Mangal naŋ kirmalay, ɓa mbur gar mitiɓaŋ le na, a zizi ta, amma a lum siifa ngi sete.

Ɓimezle ngi Yesu Kristu ZAŊ mitil di mi 3:16 ပူးပေါင်းရင်းမြစ်များ

ZLI VIRZI 22:12

Modro a ɓaŋ ma: «Ki ja haŋ a vi mangala ta. Ki gaŋ gwat neˀ ta, asi ka misli himaˀ ti mangal ɗik kirmalay avu ya ta na, i si na le wurenna, ki ra zluwun ti Buymisemuŋ.»

ZLI VIRZI 22:2

Buymisemuŋ a ɓaŋ ma: «Zuɓa mangal ɗik kirmalay Izak, ka mawuɗ haɗa na. Aru nga hirwuy Moriya, kisa giy di mikuli zlam zlam a diga, a hirnga muwã ya masa buguw di.»

EZAYI 9:6

A sa ndaha gidaŋ naŋ ngi zuma buyo, a sa ga ɓa zuy a kiɗ mi ta. A sa cifi ar janga ngi buy Davite, yo a sa ru ti zumabuy naŋ, a sa cica, a tira gidaŋ gidaŋ, ti gi gwat mikaslsla waɗ ti gi jeŋŋe, zle wurenna hã ngi sete. Hana i Bumbulvuŋ misi gidaŋ wãˀ masa ga ti vula vu naŋ migǝr gǝr.

Matiye 9:13

A ram, dubunaka mbiɗeˀvra ngi ɓi miɓi: «Yi wuɗ di i pura ircece, mbak gi mikuli a mbuŋ Buymisemuŋ ti ginewey na le.» Vur yi so zila mizli mijeŋŋehey ta, amma migi mungrahay.»

Mark 12:6

Mindiraŋ na, sey mangal naŋ miteŋteŋ na tewle. Ar kiɗa mi naŋ na, a slinaŋ ng'avi migi slra ngir guvahay tuwa, a ɓi a kwacay naŋ na: ‹Ko mbrike na, a sa kilam mesem ngi mangal ɗu.›

Ɓimezle ngi Yesu Kristu LUK mitil di mi 2:14

«Dudok da Buymisemuŋ misi sesẽŋ a dadala muŋ! Zuy a ruwuy, da mizli naŋ mawuɗ taŋ haɗi!»

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 1:18

Ko mbur mupura Buymisemuŋ ɗaˀ anta wãˀ. Amma Mangal naŋ kirmalay mujom ati Cine na, a biga ndra di le.

Ɓimezle ngi Yesu Kristu ZAŊ mitil di mi 1:29

Li naŋ muwun na, Zaŋ a pura Yesu ara sawa ng'avaŋ, dar a ɓi: «Puraka, tumuŋ ngi Buymisemuŋ mazuɓa mungra ngi duniya.

Ɓimezle ngi Yesu Kristu ZAŊ mitil di mi 10:28

Ya i vula taŋ siifa ngi sete, t'anta sa micam ta ndiɗaˀ. Yo mbur matiɓa taŋ gu tisi haŋ ɗu, anta.

Ɓimezle ngi Yesu Kristu ZAŊ mitil di mi 3:15

ɓa ko wa gar mitiɓaŋ le na, a lum siifa ngi sete.

Ɓimezle ngi Yesu Kristu ZAŊ mitil di mi 3:18

Ko wa mitiɓaŋ le na, a gakaŋ kiita ta. Amma ko wa mitiɓaŋ ta na, kiita a jaŋ le si, asi a tiɓa slimiɗ ngi Mangal kirmalay ngi Buymisemuŋ ta.

Ɓimezle ngi Yesu Kristu ZAŊ mitil di mi 3:36

Mbur matiɓa Mangala na, naŋ ti siifa ngi sete. Mbur macina mi da Mangala ta na, anta sa lum siifa ta, amma Buymisemuŋ a sa ndir ti himaˀ a hirnga naŋ.»

Ɓimezle ngi Yesu Kristu ZAŊ mitil di mi 6:40

Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»

ROMAHAY 5:10

Naŋ kine, ndr'i mesene ngi Buymisemuŋhoy zleˀe, amma tisi Mangal naŋ mumuc na, ɓi ndra a ɗiyi le ati Buymisemuŋ muduba. Da naŋ kine na, ɓi ndra miɗiyi ati naŋ na, a sa laha ndra tisi siifa ngi Mangal naŋ vuna ta jak kwa?

ROMAHAY 5:8

Amma Buymisemuŋ mibiga ndra di, naŋ muwuɗ ndra haɗa na, ti Kristu mumuc vur ndra, ti ndra misi ar mungra ndrahay aruŋ na.

ROMAHAY 8:32

Ko Buymisemuŋ a sli himaˀ ti Mangal nga naŋ ta, amma a vula, a gi di mikuli vur ndra gar. A sa gi mbri ɓa a sa vula ndra gwat gar tisi Mangal naŋ ta ka?

EFESEY 2:4

Amma Buymisemuŋ a pur ˀircece haɗi teˀe, asi wuɗavu naŋ, naŋ muwuɗ ndra haɗa na.

TESALONIKEY MUCUW NAŊ 2:16

Anja Buy ndra Yesu Kristu ti haŋ naŋ ati Cine ndra Buymisemuŋ muwuɗ ndra, naŋ mitisla ndra mevel tisi gi mezle naŋ ngi sete, yo naŋ mijina ndra ɓa i njaham hiri njah kuy kuy na,

Ɗerewol TIT 3:4

Amma ti Milih ndra Buymisemuŋ mubugo gimezle naŋ ati wuɗa mizli gar na,

HEBEREY 2:9

Amma ndra mapurama, i Yesu mima hirnga naŋ nga ruwuy ngi hin neˀ avu modrohoyo, ɓa a si bonoy, a muc vur mizli gar tisi gimezle ngi Buymisemuŋ. Vurˀe, Buymisemuŋ a tuwuɗaŋ gi dudok ati gi ɗongoro le ka loppol.

ZAŊ MUDUMBUŊ NAŊ 3:1

Puraka, Cine ndra muwuɗ ndra na ɗi. Wuɗavu naŋ na, naŋ haɗi, hã a zilam ndra ziri ngi Buymisemuŋhoy. Ndr'i ziri naŋhay gisiŋ. Puraka, duniya masina ndra gu ta na, asi a si na Buymisemuŋ ta.

ZAŊ MUDUMBUŊ NAŊ 4:19

Ndra, ndra mawuɗam vu na, asi Buymisemuŋ a wuɗ ndra le dumbuŋ.

ƁIMUNJUYO 1:5

Waɗ tivu Yesu Kristu, mbur migi sedewo mikaslsla, modogom mislikiɗ dumbuŋ ti wuzla mumucahay, yo Buy miwi buy madiɗa ngi ruwuyoy. Kristu ara wuɗ ndra, a tuɓo ndra le tivu mungra ndraˀahaya ti pumbus naŋ.