Ɓimezle ngi Yesu Kristu ZAŊ mitil di mi 21:22 - Bible en langue guiziga

²² Yesu a mbiɗaŋ di: «Da ko yi wuɗ le ɓa a ndir ti siifa hã ti ya masa mawa tekeɗe kwana, a cuw ka le kwa? Ka, ka sipiy!»

Ɓimezle ngi Yesu Kristu ZAŊ mitil di mi 21:22 ပူးပေါင်းရင်းမြစ်များ

Matiye 16:24

Dar Yesu a ɓa mizli ngi seˀeheye: «Da mbur a wuɗ ru le asi ya na, sey a pula wuluk vur hirnga naŋ, a zuɓa dum naŋ mizlira, a sipa sar ɗu.

Matiye 24:27

Vuŋ mawucuɗo zle tisi pas ngi miprik hã asi pas ngi pastaˀa na, naŋ kine, Mangal ngi mbur kwana a sa so kanah ya.

Matiye 24:3

Yesu a cifi le a muwã tutumbur, dar mizli ngi seˀehey a kiraham baˀ pal taŋ ng'avaŋ, a ɓakaŋ: «Gwat nah gar a sa gi ti vunaka? Yo so ɗik ati kiɗa mi ngi duniya vuna, i sa sinaka avu mike? Inga ɓa ndra di.»

Matiye 24:44

Vurˀe, kumo kwana, juwam vu, asi Mangal ngi mbur a sa sawa angi pas kum mawulkam anga ta ya.

Matiye 25:31

«Tapas Mangal ngi mbur masa sawa ar dudok naŋ ati modrohoy aseˀe na, a sa cifi ar janga naŋ ngi zumabuy ti dudoko.

Matiye 8:22

Amma Yesu a ɓaŋ: «Sipiy, pula mumucahay a dikaka mumuca taŋhaya.»

Mark 9:1

Yesu a ɓa taŋ ma: «Gisiŋ yi ɓu kum na: mekelemey a wuzla mizli misi aka na, anta sa micam dumbuŋ angi zumabuy ngi muŋ masa so ti gidaŋ naŋ na ta.»

Ɓimezle ngi Yesu Kristu ZAŊ mitil di mi 21:19

Yesu miɓi kahana na, ɓa ngi biga muc ngi Piyer masa muc ngi ga dudok da Buymisemuŋ. A dirba mingiɓi hana, a ɓaŋ ma: «Sipiy.»

Ɓimezle ngi Yesu Kristu ZAŊ mitil di mi 21:21

Piyer mupura na, a ɓa Yesu: «Buy, mbur hana, masa gi ava i mike?»

KORENTIHEY MUDUMBUŊ 11:26

Asi ko ti vunaka gar, kum mira zumaka ɗaf hana, yo kum mira saka mbaazla ngir sikiɗ hana na, ki tilam di mi ti muc ngi Buy Yesu, hã ti naŋ misa so le.

KORENTIHEY MUDUMBUŊ 4:5

Vurˀe, anja ki gam kiita da mbur daf dumbuŋ ta, sey da Bumbulvuŋ muso le. Gwat muɗum ar luvuŋ gar na, i naŋ masa bo taŋ ngbah ar li babara, yo i naŋ masa njika wuluk miyaŋ ngir mevel ngi mizli gar. Dar Buymisemuŋ a sa hunuma mbur gar weˀe avu gwat naŋ migaŋ.

TESALONIKEY MUDUMBUŊ NAŊ 2:19

Ndra manjaham hiri, yo ndra mamumulom gar na, asi kum vuna ta kwa? Buy ndra Yesu, ti naŋ masa mawa na, i sa jijaham asi kum kaɓa bugawla mulum migir naŋ le.

Ɗerewol ZAK 5:7

Sukum ɗu misikristuhoy, ɓusam ɓi, hã avu so ngi Bumbulvuŋ. Puraka, mbur muhuf maɓus ɓi, hã guva a gi na, a kutuko zle avu vuŋ munduvun hã avu vuŋ ngi dirba wãˀ.

Ɗerewol ZAK 5:8

Kumo kwana, ɓusam ɓi. Tumom vu a mevel kumo, asi Bumbulvuŋ ara so gweˀ.

ƁIMUNJUYO 1:7

Puraka, ara sawa a wuzla gazlavay. Mbur gar a sa puraŋ, ko mizli mizligakaŋ gor njoŋ na kwana, a sa purakaŋ. Haˀaw! Sukwi ngi mizli ngi ruwuyoy gar a sa tuwam tuwuy ngi vagay ˀirslik ˀirslik aseˀe. Amin!

ƁIMUNJUYO 2:25

Amma, gwat kum misi ti naŋ na, jaka gidaŋ gidaŋ hã ti ya misa mo le.

ƁIMUNJUYO 22:20

Migi sedewo ngi ɓi hana, a ɓi: «Haˀaw, y'ani i ra so gweˀe.» Amin, Buy Yesu, sawa!

ƁIMUNJUYO 22:7

Yesu a ɓi: «Puraka ɗi, y'ani so wureˀ wurenna. Ɓi minjika angi ɗerewol hana na, mbur maja a hirnga na, naŋ ar wuya!»

ƁIMUNJUYO 3:11

I ra so gweˀe. Gwat ka misi ti naŋ na, ja kaw ɓa loppol ɗike, mbur masa tuɓuw di anta.