Ɓimezle ngi Yesu Kristu ZAŊ mitil di mi 21:16 - Bible en langue guiziga

¹⁶ Yesu a ɓaŋ sar mucuw naŋ ma: «Simoŋ, mangal ngi Zaŋ, k'ada wuɗiy kwa?» A mbiɗaŋ di: «Kanah Buy, ki si na le, i ra wuɗuw.» Yesu a ɓaŋ: «Jigina tumuŋ ɗuwoy.»

Ɓimezle ngi Yesu Kristu ZAŊ mitil di mi 21:16 ပူးပေါင်းရင်းမြစ်များ

DIMISEY 100:3

Sinaka sin le, Bumbulvuŋ, i Buymisemuŋ. Miga ndr'i naŋ, ndr'i nga naŋhay, ndr'i mizli naŋhay, yo ndr'i ginew ngir gezleŋ naŋhay.

DIMISEY 95:7

Asi naŋ i Buymisemuŋ ndra, ndr'i mizli naŋhay, naŋ majigina ndra, ndr'i ginew gezleŋ taˀ, naŋ i mijigin ndra. Cinaka naŋ maɓukum dan'ani:

ZAKARI 13:7

Ka maslalam, puk pak ng'ar mijigin ɗu, waɗ ng'ar cil ɗu mupuɗaw na so. Kiɗa mijigin ɗu vagay, tumuŋhoy a sa zliɗam hirnga, yo ko ziri memeɗehey kwana, i sa zuɓa haŋ ɗu ng'ar taŋ. I ya Bumbulvuŋ misi gidaŋ wãˀ maɓi.

Matiye 2:6

«Ka Beteleyem, hirwuy Yude, ki prok miwãˀ ngi wuzla walahay madiɗa ngi si ruwuy Yudeheye ta, asi buy masa jigina Israyel, mizli ɗuwoy na, a sa bo tivi ka.»

Matiye 25:32

Sukwi ngi mizli gar a sa kusom nga mbuŋ naŋ. Dar a sa gwaha mizli ti wuzla mekelemeye, kaɓa mijigin magwaha tumuŋhoy ti vu away.

Matiye 26:72

Piyer tuwa a ji mi, a hudum, a ɓi: «Yi si na mbur nah ta.»

Ɓimezle ngi Yesu Kristu LUK mitil di mi 19:10

Asi mike na, Mangal ngi mbur a so ngi sipa mizli mizizahay, ɓa a laha taŋ.»

Ɓimezle ngi Yesu Kristu ZAŊ mitil di mi 18:17

Ngwas mijigina mizlingre tuwa a ɓa Piyere: «Ka kwana, ki mbur ngi si mizli ngi mbur hana vuna ya ta kwa?» Piyer a mbiɗaŋ di: «Ĩˀĩ, yi mbur ngi seˀe ta.»

Ɓimezle ngi Yesu Kristu ZAŊ mitil di mi 18:25

Hirak ti nah na, Simoŋ Piyere naŋ da niˀi vu akẽh. A ɓakaŋ: «Ka kwana, ki mbur ngi wuzla mizli ngi si mbur hana ya ta kwa?» Amma Piyer a ji mi: «Ĩˀĩ, yi mbur ngi seˀe ta.»

Ɓimezle ngi Yesu Kristu ZAŊ mitil di mi 21:17

A ɓaŋ sar mimakir naŋ ma: «Simoŋ, mangal ngi Zaŋ, k'ada wuɗiy kwa?» Yesu miɓa Piyere sar mimakir naŋ: «Kˀada wuɗiy kwa?» na, a gaŋ kuy ta, a slaŋ di, a ɓaŋ: «Buy, ki si na gwataya le gar, ki si na le, i ra wuɗuw ngbaŋ!» Joˀ Yesu a ɓaŋ: «Jigina tumuŋ ɗuwoy.

SLRA 20:28

Jiginaka hirnga kumo, yo jiginaka ginewey, ˀUf Mipal mucufukum ɓa ki jiginaka taŋ na. Cikil ngi misikristuhoy, naŋ mimbiɗa hirnga naŋ ti pumbus naŋ na, jiginakaŋ.

HEBEREY 13:20

Buymisemuŋ mavul zuy, mislikiɗa Buy ndra Yesu, mijigin madiɗa ngi tumuŋhoy ti wuzla mumucahay ti pumbus ngi jumoˀay ngi sete na,

PIYER MUDUMBUŊ NAŊ 2:25

Asi kum zleˀe ka tumuŋ mizizahay, amma wurenna, ki moko le ng'avi mijigin mukutuko musuɗuk kumoyo.

PIYER MUDUMBUŊ NAŊ 5:2

Jiginaka ginew ngi Buymisemuŋ mupula taŋ asi haŋ kum na. Anta ti tikaˀay ta, amma asi ki ngumam le kaɓa Buymisemuŋ mawuɗo.

ƁIMUNJUYO 7:17

Asi tumuŋ misi a wuzla janga ngi buy na, a sa tiri mijigin taŋ, a sa ru ti taŋ ng'ar miviɗiviɗi ngi yam. Dar Buymisemuŋ a sa sohõ taŋ tuwuy ngivi hiri taŋhaya ceke.»