Ɓimezle ngi Yesu Kristu ZAŊ mitil di mi 20:31 - Bible en langue guiziga

³¹ Amma ɓi mutohoko misi ani hana gar na, ɓa ki tiɓam: Yesu i Mesi, i Mangal ngi Buymisemuŋ, yo ɓa kum mira tiɓam na, ki lumam siifa ngi sete ti slimiɗ naŋ.

Ɓimezle ngi Yesu Kristu ZAŊ mitil di mi 20:31 ပူးပေါင်းရင်းမြစ်များ

DIMISEY 2:12

Vulaka dudok da mangala, da kanah ta na, a sa ji mevel, dar kisa zizam a jiviɗe, asi mevel a jaŋ kutumo si. Mizli maɗumom ava gar na, a mumulom.

DIMISEY 2:7

Ya buy madiɗa, i sa til mi ti ɓi micica, Bumbulvuŋ a ɓiy na: «Ki mangal ɗu, i yuw le nga dana.

Matiye 16:16

Simoŋ Piyer a slaŋ di: «Ki Kristu, Mangal ngi Buymisemuŋ misi ti siifa.»

Matiye 27:54

Sojehey ati madiɗa taŋ, taŋ majiginaka Yesu bumoˀ tuwa mupuraka hirwuy muwus ati gwatay migam gar na, a ga taŋ zluwun le haɗi, a ɓam: «Mbur hana i Mangal ngi Buymisemuŋ zleˀe gisiŋ gisiŋ!»

Matiye 4:3

Mitikina vu a kirih ng'avaŋ, a ɓaŋ: «Da ki Mangal ngi Buymisemuŋ na, ɓa ɗugur hanayna, ɓa a tiram ɗafahay sini.»

Mark 16:16

Mbur masa tiɓi, yo masa ci ar yam na, a sa lih. Mbur masa tiɓi ta na, kiita a sa jaŋ.

Ɓimezle ngi Yesu Kristu LUK mitil di mi 1:35

Modro a mbiɗaŋ di: «ˀUf Mipal a sa so ar ka, gidaŋ ngi Buymisemuŋ Mimadiɗa a sa sirtuw ti susuɗuk naŋ. Vurˀe, mangal masa ya ka na, naŋ pal, yo a sa zilaka Mangal ngi Buymisemuŋ.

Ɓimezle ngi Yesu Kristu LUK mitil di mi 1:4

ɓa ki si na gwat taŋ mudubunukuw di na, naŋ jeŋŋe.

Ɓimezle ngi Yesu Kristu LUK mitil di mi 24:47

Waɗ ma na, ɓi ngi mbiɗi mevel ati ɓi ngi puya mungra na, anja sey a tilam di mi avu sukwi ngi mizli gar, a ɗuvaka virzi naŋ a Zeruzalem.

Ɓimezle ngi Yesu Kristu ZAŊ mitil di mi 1:49

Dar Natanayel a ɓaŋ: «Kumani, ki Mangal ngi Buymisemuŋ, ki buy madiɗa ngi Israyel.»

Ɓimezle ngi Yesu Kristu ZAŊ mitil di mi 10:10

Muhulo, a so sey ngi hul, ngi sli ˀay ngi gwat, yo ngi hirya gwat tewle. Ya i so ɓa mizli a lumam siifa, ɓa a lumam haɗa hã fineˀ gidaŋ.

Ɓimezle ngi Yesu Kristu ZAŊ mitil di mi 19:35

Mbur mupur naŋ na, a ga sedewo nah le, yo sedewo naŋ kaslsla. Na zle, mbur nah a si na le, a ɓi di i ɓi mikaslsla gisiŋ, ɓa kumo kwana, ki tiɓam aya.

Ɓimezle ngi Yesu Kristu ZAŊ mitil di mi 20:28

Tomas a mbiɗaŋ di: «Aw Bumbulvuŋ Buymisemuŋ, ɗu!»

Ɓimezle ngi Yesu Kristu ZAŊ mitil di mi 3:18

Ko wa mitiɓaŋ le na, a gakaŋ kiita ta. Amma ko wa mitiɓaŋ ta na, kiita a jaŋ le si, asi a tiɓa slimiɗ ngi Mangal kirmalay ngi Buymisemuŋ ta.

Ɓimezle ngi Yesu Kristu ZAŊ mitil di mi 3:36

Mbur matiɓa Mangala na, naŋ ti siifa ngi sete. Mbur macina mi da Mangala ta na, anta sa lum siifa ta, amma Buymisemuŋ a sa ndir ti himaˀ a hirnga naŋ.»

Ɓimezle ngi Yesu Kristu ZAŊ mitil di mi 5:24

Gisiŋ gisiŋ, yi ɓukum na: mbur macina mingiɓi ɗu, yo matiɓa mbur mislino ya na, naŋ da ti siifa ngi sete. Anta gakaŋ kiita geˀ le ta, amma a tuwuɗ le tir muco ng'ar siifa si.

Ɓimezle ngi Yesu Kristu ZAŊ mitil di mi 6:40

Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»

SLRA 10:43

Mijiviɗey gar migam sedewo na, ar naŋ, a ɓam na: ‹Ko wa gar mitiɓaŋ le na, mungra naŋhay a puyam le, ti gidaŋ ngi slimiɗ naŋ.›»

SLRA 3:16

Mbur kum mapuraka ati kum misinaka hana, mbele tiɓi waɗ slimiɗ ngi Yesu, miɗiyaŋ ngbatak a mihiri kum gara, i tiɓa Yesu.

SLRA 8:36

A zuɓaka jiviɗe, ara ndilam kasl a mi futuŋ, joˀ mbur Etiyopi a ɓa Filipe: «Yam anihĩ, matikiy ɓa ngi ci ar yam i mi maka?»

SLRA 8:37

Filip a ɓaŋ: «Da ki tiɓi le a mevel ɗik wãˀ na, a gi. «Mbur Etiyopi a mbiɗaŋ di: «Yesu Kristu i Mangal ngi Buymisemuŋ, i tiɓa le.»

SLRA 9:20

Ko a mur neˀ mata, a zla tila mi ar hay ngi diradibiɗ ngi Yudeheye, a ɓi: «Yesu i Mangal ngi Buymisemuŋ.»

PIYER MUDUMBUŊ NAŊ 1:9

Mumul nah na, ki lumaka asi ki laham le. Hana i migir ngi kum asi kum matiɓaka Yesu Kristu.

ZAŊ MUDUMBUŊ NAŊ 4:15

Ko wa gar maɓi njah: «Yesu i Mangal ngi Buymisemuŋ» na, Buymisemuŋ naŋ jom ati naŋ, yo naŋ kwana, naŋ jom ati Buymisemuŋ ya.

ZAŊ MUDUMBUŊ NAŊ 5:1

Ko wa gar matiɓa, Yesu i Kristu na, i zuŋ ngi Buymisemuŋ, yo ko wa gar mawuɗ Buymisemuŋ Cine ngi mizli na, naɓa a wuɗ zuŋ ngi Buymisemuŋ vuna ya.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.

ZAŊ MUCUW NAŊ 1:9

Ko wa gar macici zlak ar dubun ngi Kristu ta, amma maru kileŋ fineˀ nah ma na, naŋ manja Buymisemuŋ a hur naŋ. Mbur macici zlak ar dubun ngi Kristu na, naŋ ati Cine waɗ ati Mangala.

ƁIMUNJUYO 2:18

«Toho da modro ngi cikil ngi misikristu ngi Tiyatireye ɓaŋ na: Mangal ngi Buymisemuŋ, mbur misi hiri njilim njilim, kaɓa vu matiɓi haɗa haɗa, yo saraya kaɓa ɓiri gaza mukuleɗ kuleɗ, mipaka ti pi, a ɓi: