Ɓimezle ngi Yesu Kristu ZAŊ mitil di mi 20:17 - Bible en langue guiziga

¹⁷ Yesu a ɓaŋ: «Ki tikiy ta, asi yi ru ng'avi Baha t'aruŋ. Amma ka, ara luuma sukum ɗuwoyo, ɓa taŋ na: i ra ru le ng'avi Baha, Cine kum, ng'avu Buymisemuŋ ɗu, Buymisemuŋ kum.»

Ɓimezle ngi Yesu Kristu ZAŊ mitil di mi 20:17 ပူးပေါင်းရင်းမြစ်များ

BUYOY MUCUW NAŊ 4:29

Elize a ɓa gawla naŋ Gehazi: «Juw vu, zuɓa ganday ɗu ngi mijiviɗ na ahaŋ, ɓa ki ru nga Sunem. Da ki ji hirnga le ti mbur na, ki jaŋ haŋ ta, yo da mbur a juw haŋ le kwana, ki mbiɗaŋ di ta. Daka mindil le a diga na, kisa duko ganday ɗu na duk da mangala a midibiɗi.»

BUYOY MUCUW NAŊ 7:9

Amma a zlaka a ɓam ar wala taŋ: «Ndra magam hana na, i jiviɗ naŋ ta. Hin hana, i hin ngi cine ndum. Da i cifam le teˀteˀ, i ɓaka ɓi nah ta, hã li a wun ɓa i sa tilam mi ti ɓi nah na, a sa gam ndra bonoy haɗi. Zuwen akum, cukum ng'ar walahaya, ɓa i ra faka ɓi nah a hay buyo.»

DIMISEY 22:22

Tuɓo ya a mi taŋ misi kaɓa ngi mobor na, yo waɗ avu himaˀ taŋ misi kaɓa ngi durum ngi bagalaf na. Yawwa, ki ziliy mi le!

DIMISEY 43:4

Joˀ i sa ndil ar li gi mikuli ngi ɗik, ka Bumbulvuŋ, ng'avi ka Bumbulvuŋ magiy ɓa i jiɗ mececẽleŋ na, yo i sa hunumuw ti gujuvur, haˀaw, ka Bumbulvuŋ ɗu.

DIMISEY 48:14

Puraka mohol naŋ, hiri ngal ngal, slufaka hay madiɗa madiɗahaya, ɓa kisa ɓaka ɓi nah da dideˀ kumoy nga mbuŋ nga mbuŋ:

DIMISEY 68:18

Buymisemuŋ naŋ ti mota ngi vurumoy, durmuk mbeˀ mbeˀ, a sluf ta, misi vuhoy njilim njilim. Bumbulvuŋ naŋ da a wuzla taŋ, a muwã Sinay, li ngi Bumbulvuŋ.

DIMISEY 89:26

I sa vulaŋ gidaŋ ngi zuma buyo hã sesẽŋ a mubuliy Meditarane, waɗ sesẽŋ a mizaw Efrat.

EZAYI 41:10

Ki zluwunam ta, asi y'ada avu kum, ki puram a ciki kumo ti zluwun ta, asi yi Buymisemuŋ kum. Yi tiri ti kum gboŋgboŋ, naŋ kanah, i ra jiniˀis asi kum. Gisiŋ, i ra jiniˀis asi kumo ti gidaŋ ɗu ngi luuma bugawla na.

ZEREMI 31:33

A dirba hin nah na, jumoˀay, ya masa jumo ati Israyeley ani: I sa ca ɓimujuwa ɗu a mevel taŋ, i sa toho ar membezleŋ ngi vu taŋ, i sa ndir yi Buymisemuŋ taŋ, yo taŋ kwana, a sa ndiram i mizli ɗuwoy. I ya Bumbulvuŋ maɓi.

ZEREMI 32:38

A sa ndiram i mizli ɗuwoy, ya kwana, i sa ndir yi Buymisemuŋ taŋ.

EZEKIYEL 36:28

Hirwuy, ya muvula da dideˀ kumoy na, kisa cifam anga. Ki sa ndiram kum i mizli ɗuwoy, ya i sa ndir yi Buymisemuŋ kum.

EZEKIYEL 37:27

Li cifi ɗu a sa ndir a wuzla kum. I sa ndir yi Buymisemuŋ kum, yo kumo, kisa ndiram i mizli ɗuwoy.

Matiye 12:50

Asi ko wa gar magi gwat Baha misi a muŋ mawuɗ na, naŋ i sukum ɗu mizile ati mongoso, yo i maha ma gar.»

Matiye 25:40

Joˀ Buy a sa mbiɗa taŋ di: «Gisiŋ, yi ɓukum na: gwat kum migaka le, ko ngi vunaka gar da mbur pal a wuzla sukum ɗu mizlew muwãˀ tayna na, kite ki gikiy di da ya vuna si.›

Matiye 28:7

Wurenna so na, aram kutum, ɓaka ɓi nah da mizli ngi seˀeheye: «Yesu a slikiɗ le ti wuzla mumucahaya, ara ru dumbuŋ ar kum nga Galile. Ki sa puraka a diga. Ɓi ya muɓukum di na, i hana.»

Mark 12:26

Da vur ɓi ngi mizli mumucahay masa slikiɗam na, ɗerewol ngi Moyis miɓa ɓi ngi sisim mawur na, ki slufaka ɓi nah ɗaˀ ta kwa? Buymisemuŋ a ɓa Moyise: ‹Yi Buymisemuŋ ngi Abraham, Buymisemuŋ ngi Izak waɗ Buymisemuŋ ngi Zakop.›

Mark 16:19

A dirba Buy Yesu miɓa taŋ kahana na, a zuɓakaŋ nga muŋ, ara cifi tir vay hazum ngi Buymisemuŋ.

Ɓimezle ngi Yesu Kristu LUK mitil di mi 10:4

Ki ram ti dala a haŋ ta, ko gabal, ko tarak, yo ki cicam ngi ji haŋ da mbur a jiviɗ ta.

Ɓimezle ngi Yesu Kristu ZAŊ mitil di mi 13:1

Dumbuŋ angi muguzlum Pak masa gi na, Yesu a si na le, pas naŋ a ndila le, ɓa a pula duniya misenna, ɓa a cuh ng'avi Cine naŋ. Yesu a wuɗ mizli naŋhay misi ar duniya le, a wuɗ taŋ hã avu kiɗa mi naŋ.

Ɓimezle ngi Yesu Kristu ZAŊ mitil di mi 13:3

Yesu a si na le, Cine a pulaŋ gwataya le gar asi haŋ naŋ, a si na le ma, a bo ti vu Buymisemuŋ, yo a mi ng'avi Buymisemuŋ.

Ɓimezle ngi Yesu Kristu ZAŊ mitil di mi 14:2

Li ada haɗa a hay Baha, ya muɓukum: ‹I ra ru nga ɗiyukum li kum masa ndiram ara› na, vurˀeŋ.

Ɓimezle ngi Yesu Kristu ZAŊ mitil di mi 14:28

Ki cinaka le, yi ɓukum: ‹I ra cuh le, yo i sa mo ng'avu kum.› Da kum ada wuɗikiy zleˀe na, anja ani ki mumulom le ti ru ɗu ng'avi Baha na, vur Baha i madiɗa fineˀ ya.

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Ɓimezle ngi Yesu Kristu ZAŊ mitil di mi 16:28

Yi bo ti vu Baha, i so le ar duniya. Wurenna i ra pula duniya, i ra ru le ng'avi Baha.»

Ɓimezle ngi Yesu Kristu ZAŊ mitil di mi 17:11

Zle dana, y'anta ar duniya mata, taŋ a ndiram ar duniya ɓula, amma ya i ra ru ng'avi ka. Baha mipal, jigina taŋ ti gidaŋ ngi slimiɗ ɗik ka miciy di na, ɓa a tiram purla kaɓa ndra mupurla ati ka na ya.

Ɓimezle ngi Yesu Kristu ZAŊ mitil di mi 17:25

Baha mijeŋŋe, duniya a sinuw ta, amma ya i sinuw le. Taŋ hanayna, a sinaka le, i ka mislino ya.

Ɓimezle ngi Yesu Kristu ZAŊ mitil di mi 17:5

Wurenna so na, Baha, giy dudok a ciki ɗike, dudok ya misi ti naŋ a ciki ɗik zleˀe, dumbuŋ angi duniya muɗuv virzi t'aruŋ.

Ɓimezle ngi Yesu Kristu ZAŊ mitil di mi 20:27

A dirba nah, a ɓa Tomasa: «Tulo muzuŋ haŋ ɗike, pura haŋ ɗuwoy tuwa. Tulo haŋ ɗike, ca ar vivi ngir cakay ɗu tuwa. Pula ngila mi, tiri mbur mitiɓi!»

Ɓimezle ngi Yesu Kristu ZAŊ mitil di mi 7:33

Yesu a ɓi: «Yi zik ati kumo neˀ aruŋ ɗagay, a dirba nah, i sa ru ng'avu mbur mislino ya.

ROMAHAY 8:29

Asi mike na, mizli Buymisemuŋ misina taŋ le daf dumbuŋ zleˀe si na, a wuna taŋ le dumbuŋ zleˀe ya, ɓa a bam vu heˀ ati Mangal naŋ, ɓa Mangal naŋ a tiri modogom a wuzla sukum naŋhay mihaɗi na.

KORENTIHEY MUCUW NAŊ 6:18

I sa tiri Cine kum, yo kumo, kisa tiram ziri ɗu mizile ati mongosohoy. Maɓi hana i ya Bumbulvuŋ misi gidaŋ wãˀ.»

GALATAY 3:26

Asi mike na, kum gar i ziri ngi Buymisemuŋhoy tisi tiɓi kum, asi kum mujom ati Yesu Kristu.

HEBEREY 11:16

Amma taŋ, a hĩyãm di i hirwuy mimezle da taŋ wãˀ, mbiɗeˀvra: li ngi muŋ. Vurˀe, mesem anta ga Buymisemuŋ asi taŋ mazilakaŋ i Buymisemuŋ taŋ na ta, asi mike na, a ɗiya taŋ walahay madiɗa le.

HEBEREY 8:10

Bumbulvuŋ a ɓi ma: Jumoˀay ɗu, ya masa jum ati Israyeley anihĩ: A dirba hin tayna, i sa ca ɓimujuwa ɗu ar lesl taŋ, i sa toho toh toh a mevel taŋ. I sa tiri Buymisemuŋ taŋ. Taŋ kwana, a sa tiram mizli ɗuwoy.

PIYER MUDUMBUŊ NAŊ 1:3

Hunumukum Buymisemuŋ, Cine ngi Buy ndra Yesu Kristu. Ar pura ˀircece naŋ mihaɗi na, a ya ndra le sar mucuw naŋ ma ti naŋ mislikiɗa Yesu Kristu ti wuzla mumucahay na, ɓa njaha hiri ndra ar gwat mezlehey, naŋ masa vula ndra taŋ na, a muc ta,

ZAŊ MUDUMBUŊ NAŊ 3:2

Yeme ɗuwoy, zle wurenna, ndr'i ziri ngi Buymisemuŋhoy, amma ndra masa mbiɗam pal na, a bigi njak wãˀ taruŋ ɓula. I sinaka le, ti naŋ masa bugo vu na, i sa bam vu ati naŋ, asi mike na, i sa purakaŋ ti hiri ndra.

ƁIMUNJUYO 21:3

Waɗ i cin ˀay kaɓa ngi mbur paɗ tir janga ngi buyo, ara ɓi ti gidaŋ: «Puraka, hay ngi Buymisemuŋ n'ani, naŋ a wuzla mizli, a sa cifi ati taŋ. Taŋ a sa tiram mizli naŋhay, yo naŋ a sa tiri Buymisemuŋ misi ati taŋ.

ƁIMUNJUYO 21:7

Bugawla gar na, gwat ya masa vulaŋ di, i nah. Yo i sa tiri Buymisemuŋ naŋ, naŋ kwana, a sa tiri mangal ɗu.