Ɓimezle ngi Yesu Kristu ZAŊ mitil di mi 2:19 - Bible en langue guiziga

¹⁹ Yesu a mbiɗa taŋ di: «Mbuzlaka hay ngi Bumbulvuŋ hana, i sa ndira hiri naŋ angi hin makir.»

Ɓimezle ngi Yesu Kristu ZAŊ mitil di mi 2:19 ပူးပေါင်းရင်းမြစ်များ

Matiye 12:40

Asi Zonasa, a vi hiipas hiipas makir ati duvuɗ duvuɗ makir a kwacay kilif madiɗa. Mangal ngi mburo kwana, a sa vi hiipas hiipas makir ati duvuɗ duvuɗ makir a hur hirwuy aya.

Matiye 16:21

Zle tapas nah na, Yesu a zla a biga njah da mizli ngiseˀeheye, a ɓa taŋ: «Anja yi ru nga Zeruzalem ɓa ngi si bonoy haɗi a haŋ mizli micawwahay, a haŋ madiɗa migi mikulihey ati buy ngi ɓimujuwahay, ɓa a kiɗikiy vagay, amma angi hin mimakir naŋ na, i sa slikiɗ a muŋ.»

Matiye 27:40

a ɓam: «Ka mambuzla hay ngi Bumbulvuŋ ɓa ki ndira hiri naŋ a muŋ ar hin makir tuwa, da ki Mangal ngi Buymisemuŋ na, laha hirnga ɗik vuna ti haŋ ɗike so, yo po sar tir dum mizliraŋ!»

Matiye 27:63

a ɓakaŋ: «Buy, i wulkam le keŋ ar ɓi ngi mbur misi slir nah, ti naŋ mumuc t'aruŋ zleˀe na, a ɓi: «Angi hin mimakir naŋ na, yi sa slikiɗi.»

Mark 14:58

«I cinaka zleˀe, a ɓi na: ‹I sa mbizla hay ngi Bumbulvuŋ misi a Zerusalem, mizli mindiraka na, yo angi hin makir na, yi sa ndir mekelem, misi i mizli masa ndiraka ta.›»

Mark 15:29

Mizli macohom ti kẽh, a hizigiɗam hirnga, a zakaŋ, a ɓakaŋ: «Hey, ka mambuzla hay ngi Bumbulvuŋ, ɓa ki ndira hiri naŋ a muŋ, angi hin makir tuwa,

Mark 8:31

Dar Yesu a zla a dubuna gwat da mizli ngi seˀeheye, a ɓa taŋ: «Sey Mangal ngi Mbur a si bonoy haɗa, mizli micawwahay, masay madiɗahay ati buy ngi ɓimujuwahaya, a hizigakaŋ avra, anja a kiɗakaŋ vagay. Yo angi hin mimakir naŋ na, a sa slikiɗ a muŋ.»

Ɓimezle ngi Yesu Kristu ZAŊ mitil di mi 11:25

Yesu a ɓaŋ: «Maslikiɗ mbur mumuca i ya, yo siifa i ya. Mbur matiɓiy na, ko da a muc le kwana, a sa ndir ti siifa.

Ɓimezle ngi Yesu Kristu ZAŊ mitil di mi 5:19

Dar Yesu a mbiɗa taŋ di: «Gisiŋ gisiŋ, yi ɓukum na: Mangala, naŋ anta gi gwat ko loŋ ti hirnga naŋ gu ta, amma sey a gi di i gwat naŋ mapura avu Cine. Asi gwat Cine maga na, Mangala, a ga kanah vuna ya.

SLRA 2:24

Amma Buymisemuŋ a slikiɗa le a muŋ ti wuzla mumucahaya, a cukoŋ le tir bonoy ngi muco, ɓa muc a lum gidaŋ ar naŋ, a ja na, a gi ta.

SLRA 2:32

«Yesu nah na, Buymisemuŋ a slikiɗa le a muŋ na, ndra gar i migi sedewo naŋhay.

SLRA 3:15

Naŋ kine, Buy ngi siifa, kum mikiɗaka vagay na, Buymisemuŋ a slikiɗa le a muŋ ti wuzla mumucahaya. Ndr'i sedewo naŋhay.

SLRA 3:26

Buymisemuŋ mubo ti Gawla naŋ na, a slino di dumbuŋ da kum, ɓa a ɗuwulukum mi, a mbuɗo hiri kum tivu mungraˀahaya, purla purla gar ng'avaŋ.»

SLRA 6:14

Asi i cinaka, a ɓi na: ‹Yesu ngi Nazaret nah na, a sa waha hay nah avra, yo a sa mbiɗa sirik ndra mulumoko di avu Moyise.›»

ROMAHAY 4:24

amma a tohoko vur ndra ya. Ndra, Buymisemuŋ mapura ndra, ndr'i mizli mijeŋŋehey asi tiɓi na. Ndra i ra tiɓaka, i naŋ mislikiɗa Buy ndra Yesu ti wuzla mumucahaya.

ROMAHAY 6:4

Ndra micam angi yam tisi muc naŋ na, kite a dikam ndra le jom ati naŋ, ɓa Kristu mislikiɗ ti wuzla mumucahay ti dudok ngi Cine naŋ na, ndra kwana, gwat ngi gi ndra a mbiɗi le nawaya ya.

ROMAHAY 8:11

Yo Buymisemuŋ mislikiɗa Yesu ti wuzla mumucahay na, da ˀUf naŋ, naŋ da a hur kumo na, naɓa Buymisemuŋ mislikiɗa Kristu ti wuzla mumucahay na, a sa vula siifa da dumvu kum mamuc na ya, tisi ˀUf naŋ misi a hur kumo.

KORENTIHEY MUDUMBUŊ 15:12

Da i ra tilam mi: «Kristu a slikiɗ le ti wuzla mumucahaya» na, mizli mekelemey a wuzla kum a ɓam: «Mumucahay a slikiɗam ta» na, mbri mbri ma ka?

KOLOSOY 2:12

Ti taŋ mucukum ar yam na, kite a dikukum le ati Kristu. Yo ki slikiɗam le tir muco bumoˀ ma, asi gidaŋ ngi Buymisemuŋ mislikiɗa Yesu ti wuzla mumucahay ti naŋ na, ki tiɓaka le.

PIYER MUDUMBUŊ NAŊ 3:18

Asi mike na, Kristu ti haŋ naŋ, a muc is purla tewle vur mungra ngi mizli. Naŋ, mbur mijeŋŋe, a muc vur mizli migi gwat mijeŋ tahay, ɓa a sa bugukum da Buymisemuŋ. A kiɗaka le vagay ar dumvu naŋ, amma ˀUf Mipal, a mo di le ar siifa a muŋ.