Ɓimezle ngi Yesu Kristu ZAŊ mitil di mi 2:11 - Bible en langue guiziga

¹¹ Hana i cekene mudumbuŋ naŋ, Yesu miga a Kana hirwuy Galile. A biga dudok naŋ a diga. Joˀ mizli ngi seˀehey a tiɓakaŋ.

Ɓimezle ngi Yesu Kristu ZAŊ mitil di mi 2:11 ပူးပေါင်းရင်းမြစ်များ

BUYOY MUDUMBUŊ NAŊ 17:24

Ar nah kẽh na, ngwas tuwa, a ɓa Eli: «Haˀaw, wurenna, i si na le ki mijiviɗ ngi Buymisemuŋ, yo ka maɓi di na, i mingiɓi ngi Bumbulvuŋ gisiŋ.»

DIMISEY 72:19

Gaka sise ngi caˀa da Bumbulvuŋ misi ti dudoko! Anja hirwuyo gar a nihi ti dudok naŋ! Amin, haˀaw, anja a gi kanah gisiŋ!

DIMISEY 96:3

Tilam mi ti ɓi ngi dudok naŋ a wuzla sukwi gar, gwat naŋhay ngi zuma hirnga na, tilam di mi da mizli gar.

BI NGI ISRAYELEY 14:31

Israyeley a puraka gidaŋ Bumbulvuŋ mikiɗ di Eziptehey na le. Dar a zluwunam ti Bumbulvuŋ, a pulaka mevel taŋ da Bumbulvuŋ waɗ da gawla naŋ Moyise.

BI NGI ISRAYELEY 4:9

Na da a tiɓaka cekene mucuwoy na ta wãˀ, a tiɓaka mi ɗike ta na, kisa nuw yam na a mizaw, ki zluva zlav a ruwuy, yam tuwa, a sa tiri pumbus a ruwuyo.»

TILA MI 9:7

Ka na, zum ɗaf ɗik ti mumul, si mbaazla ɗik ti mevel zuyyo asi Buymisemuŋ a pura slra ɗike le kuy si.

EZAYI 40:5

Akẽh na, dudok ngi Bumbulvuŋ a sa bugo vu, dar mizli gar a sa sinaka muduba, i Bumbulvuŋ miɓa ti mi naŋ.»

MALASI 2:2

Da kum anta cinam ta, yo da kum anta tiɓaka a mevel kumo ngi cikikiy hirnga ta na, i sa nisukum, yo ya muɗuwulukum mi zleˀe na, i sa tiri di nis. Naŋ kanah, i sa tiri di nis na, asi a wuzla kumo, ko mbur purla matiɓa ɓi nah a mevele, anta.

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 1:17

Buymisemuŋ a vulo ɓimujuwa tisi haŋ ngi Moyis. Amma gimezle ati ɓi mikaslsla na, i lumaka tisi haŋ ngi Yesu Kristu.

Ɓimezle ngi Yesu Kristu ZAŊ mitil di mi 1:43

Li naŋ muwun na, Yesu a wuɗ aru nga Galile. A ji hirnga ti Filip, a ɓaŋ: «Sipiy.»

Ɓimezle ngi Yesu Kristu ZAŊ mitil di mi 1:50

Yesu a ɓaŋ: «Ki tiɓiy vur ya muɓuw yi puruw le asi ˀuruf tewle na kwa? Ki sa pur gwat madiɗahay mifineˀ hana vuna ma!»

Ɓimezle ngi Yesu Kristu ZAŊ mitil di mi 10:41

Mizli haɗa a ram ng'avaŋ, a ɓam: «Ko Zaŋ a gi cekene loŋ ta, amma ɓi naŋ miɓa vur mbur hana gar na, naŋ kaslsla gisiŋ.»

Ɓimezle ngi Yesu Kristu ZAŊ mitil di mi 11:15

Yo i ra mumul vur kum, asi ya misi anta a diga ta na, ɓa ki tiɓikiy. Amma wurenna akum ng'avaŋ.»

Ɓimezle ngi Yesu Kristu ZAŊ mitil di mi 11:47

Dar masay madiɗahay ati Farisahay a kusom ngi ngila wuy, a ɓam: «I gam mbrike? Ani mbur nah ara gi cekenehey haɗa.

Ɓimezle ngi Yesu Kristu ZAŊ mitil di mi 12:18

Zigiduw muso ji di hirnga na vurˀeŋ, asi a cinaka ɓi ngi cekene naŋ miga na le.

Ɓimezle ngi Yesu Kristu ZAŊ mitil di mi 12:37

Ko ti Yesu migi cekenehey haɗa mur taŋ Yudehey na kwana, a tiɓakaŋ ta,

Ɓimezle ngi Yesu Kristu ZAŊ mitil di mi 12:41

Ezayi a ɓi kahana vur a pura dudok ngi Yesu le, yo naŋ miɓi na, vurˀeŋ.

Ɓimezle ngi Yesu Kristu ZAŊ mitil di mi 14:13

Ko mike gar, kum misa cufuɗam le ti slimiɗ ɗu na, i sa gaŋ, ɓa Cine a lum gi dudok tisi naŋ mujum ati Mangala.

Ɓimezle ngi Yesu Kristu ZAŊ mitil di mi 16:27

Asi Baha ti hirnga naŋ ara wuɗukum, asi ki wuɗikiy le, yo ki tiɓaka le, yi bo ti vu Buymisemuŋ.

Ɓimezle ngi Yesu Kristu ZAŊ mitil di mi 16:30

Wurenna i sinaka le, ki si na gwataya le gar, k'anta wuɗ mbur a cufuɗuw ti cufuɗ ko neˀ ta. Ndra matiɓaka ki so ti vu Buymisemuŋ gisiŋ na, vurˀeŋ.»

Ɓimezle ngi Yesu Kristu ZAŊ mitil di mi 2:1

Ngi hin mimakir naŋ na, ara vulam ngwas a Kana, hirwuy Galile. Mumuŋ ngi Yesu naŋ da a diga.

Ɓimezle ngi Yesu Kristu ZAŊ mitil di mi 2:23

Ti Yesu misi a Zeruzalem, angi hin ngi muguzlum Pak na, mizli haɗa a tiɓakaŋ, asi taŋ mupuraka cekene, naŋ miga taŋ na.

Ɓimezle ngi Yesu Kristu ZAŊ mitil di mi 3:2

A so luuma Yesu ngi duvuɗ, a ɓaŋ: «Kumani, i sinaka le, Buymisemuŋ a slino ka ɓa ki dubuna ndra gwat, asi cekene ka maga na, ko mbur maga gu kanah anta, sey da Buymisemuŋ naŋ da ati naŋ far.»

Ɓimezle ngi Yesu Kristu ZAŊ mitil di mi 4:3

Yesu a pula hirwuy Yude, a mi nga Galile a muŋ.

Ɓimezle ngi Yesu Kristu ZAŊ mitil di mi 4:46

Dar Yesu a mo nga Kana, hirwuy Galile, walahay naŋ mimbiɗa yam, a tiri di mbaazla tuwa. Mbur madiɗa ngi sojehey ada a diga, mangal naŋ a ro ti jiji a Kapernahum.

Ɓimezle ngi Yesu Kristu ZAŊ mitil di mi 4:54

Yesu a gi hana i cekene mucuw naŋ. A ga a dirba naŋ mumo ti Yude nga Galile.

Ɓimezle ngi Yesu Kristu ZAŊ mitil di mi 5:23

ɓa mizli gar a ɗuvaka hirnga da Mangala ka taŋ maɗuvaka da Cine. Mbur maɗuva hirnga da Mangala ta na, naɓa anta ɗuva da Cine mislino di vuna ta ya.

Ɓimezle ngi Yesu Kristu ZAŊ mitil di mi 6:14

Mizli tuwa mupuraka cekene Yesu miga nah na, a ɓam: «Mbur hana i Mijiviɗ gisiŋ! Mijiviɗ ngi so angi duniya tuwa, i naŋ vuna!»

Ɓimezle ngi Yesu Kristu ZAŊ mitil di mi 6:2

Zigiduw haɗa ara sipaŋ, asi taŋ mupuraka cekenehey, naŋ mumbulo misi jijihey tuwa.

Ɓimezle ngi Yesu Kristu ZAŊ mitil di mi 6:26

Yesu a mbiɗa taŋ di: «Gisiŋ gisiŋ, yi ɓukum na: kum masipikiy na, anta vur kum mupuram cekenehey na ta, amma vur kum muzumam ɗaf, hã ki mbam ndus na.

Ɓimezle ngi Yesu Kristu ZAŊ mitil di mi 6:30

A ɓakaŋ: «Na, ka ki gi cekene wana, ɓa i purakaŋ, yo ɓa i tuɓukuw vuna ka? Ki sa gi di i slra wanaka?

Ɓimezle ngi Yesu Kristu ZAŊ mitil di mi 7:31

Mizli haɗa a wuzla zigiduwo, a tiɓakaŋ le, a ɓam: «Ti Mesi misa so le na, a sa gi cekenehey mifineˀ ngi mbur hana miga na kwa?»

Ɓimezle ngi Yesu Kristu ZAŊ mitil di mi 9:16

Farisa mekelemey a ɓam: «Mbur miga gwat hana a so ti vu Buymisemuŋ ta, asi naŋ anta ja ɓi ngi sabata ta.» Amma mekelemey a ɓam: «Mbur magi mungra, a ga cekene misi ka tayna gu mbri mbrike?» A wunkam ˀay ar wala taŋ.

KORENTIHEY MUCUW NAŊ 3:18

Ndra gar, misi gwat misirit a mihiri ndra, mutur le avra na, anja mizli a puraka dudok ngi Bumbulvuŋ njahha avu ndra. Bumbulvuŋ misi i ˀUf tuwa na, a mbiɗa ndra le, ɓa i tiram rak rak ati naŋ vuna, ti dudok nga mbuŋ nga mbuŋ ava.

KORENTIHEY MUCUW NAŊ 4:17

Vur bonoy mikefek mazik ta, ndra masaka hana na, ara ɗiya ndra gi dudok mihaɗa mazik hã ngi sete, weˀ na, a funa bonoy ndra masaka wurenna le haɗa.

KORENTIHEY MUCUW NAŊ 4:6

Asi Bumbulvuŋ miɓi zleˀe: «Anja li a pusluɗ njahha angi luvuŋ» na, mupusluɗ a mevel ndrahay njahha na, i naŋ vuna, ɓa i sinaka dudok naŋ mawucuɗ njahha a mihiri ngi Kristu.

Slu cuw 5:24

joˀ ki ɓam na: «Bumbulvuŋ Buymisemuŋ ndra, a biga dudok naŋ ati madiɗa naŋ le a mbuŋ ndra, i cinaka ˀay naŋ le ti wuzla vu. Dana ani na, Buymisemuŋ maɓa ɓi da mburo, manja mbur a muc na, i puraka le muduba.

ZAŊ MUDUMBUŊ NAŊ 5:13

Kum mizli mitiɓaka Mangal ngi Buymisemuŋ na, yi tuhukum ɗerewol hana, ɓa ki sinaka, kum ti siifa ngi sete.