Ɓimezle ngi Yesu Kristu ZAŊ mitil di mi 19:5 - Bible en langue guiziga

⁵ Yesu a bo ng'avra, loppol ngi hadaw kulaˀ a hirnga, waɗ zana gagaza gijaw avu vu. Pilat a ɓa taŋ: «Mbur tuwa n'anihĩ!»

Ɓimezle ngi Yesu Kristu ZAŊ mitil di mi 19:5 ပူးပေါင်းရင်းမြစ်များ

EZAYI 40:9

Kum mizli Siyoŋhoy, mitilam mi ti ɓi mezlehey, jiɗam nga muwã madiɗa, tilam mi ˀay bok. Kum Zeruzalemey, mitilam mi ti ɓi mezlehey, zuɓaka ˀay a muŋ, ki zluwunam ta. Ɓaka walahay Zudahaya: «Buymisemuŋ kumo n'ani.

EZAYI 43:1

Wurenna, kum mizli ngi Zakopoy, kum Israyeley, ya Bumbulvuŋ mugukum, ya mbur mundurukumo, i ɓukum na: «Ki zluwunam ta, asi yi mbuɗo hirnga kumo le, i zulukum le daɗ daɗ ti slimiɗ kum, kum inga yahay.

EZAYI 7:14

Bumbulvuŋ vuna tihaŋ naŋ ara vulukum gwat mabigi gwat ani: Puraka, zuŋ diili a sa gi hur, a sa yi mangal mizile, dar a sa zila Emanuwel.

TUWUY 1:12

Kum mizli gar macohom ar jiviɗ hana, gwat misenna a gi ɗaˀ avu kumo ta, ani, puraka ɗi, ki puram bonoy ɗaˀ ɗaˀ ka nga ya na ta, ara guzuvuriy haɗi. I bonoy Bumbulvuŋ migiy di tapas naŋ muzuɓ himaˀ haɗa na.

Matiye 27:29

A fuɗam loppol ngi hadaw, a cakaŋ di a hirnga waɗ a vulakaŋ lavaɗ kaw tir haŋ hazumo. A dilkam a mbuŋ naŋ, a singiram angaŋ, a ɓakaŋ: «Zuy zuy aya, Buy ngi Yudehey!»

Ɓimezle ngi Yesu Kristu ZAŊ mitil di mi 1:29

Li naŋ muwun na, Zaŋ a pura Yesu ara sawa ng'avaŋ, dar a ɓi: «Puraka, tumuŋ ngi Buymisemuŋ mazuɓa mungra ngi duniya.

Ɓimezle ngi Yesu Kristu ZAŊ mitil di mi 19:2

Naɓa sojehey a fuɗam loppol ngi hadaw le zleˀe, a cakaŋ di kulaˀ a hirnga, waɗ a gijuwakaŋ zana gagaza avu vu.

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.