Ɓimezle ngi Yesu Kristu ZAŊ mitil di mi 19:4 - Bible en langue guiziga

⁴ Pilat a bo ma, a ɓa Yudeheye: «Cinam, y'ani bukum di ng'avra aka, anja ki sinaka sin le, ko yi lum ɓi ava ɓa ngi jaŋ ti kiita ta.»

Ɓimezle ngi Yesu Kristu ZAŊ mitil di mi 19:4 ပူးပေါင်းရင်းမြစ်များ

Matiye 27:19

Pilata, ti naŋ muar li gi kiita na, ngwas naŋ a slino ng'avaŋ, a ɓaŋ: «Ko ki ci ar ɓi ngi mbur mijeŋ hana ta. Asi ngi duvuɗ ngadana, yi musuwun le, ɓi naŋ a vuliy wuluk le haɗa.»

Matiye 27:24

Pilat a pura na, a gi gwat ko neˀ gu mata, yo mizli a wuɗ a slikiɗam ɓi, a wuɗ yam, a buna haŋ ceɗ ceɗ a mbuŋ zigiduw gar, a ɓi: «Mbur hana, zayɓi ngi muc naŋ anta a hirnga ɗu ta! Hana i ɓi kum.»

Matiye 27:4

A ɓa taŋ: «Ya muvula mbur migi gwat ta, ɓa a kiɗaka vagay na, yi gi mungra le.» Amma taŋ a mbiɗakaŋ di: «A ca ndra le kwa? Ka gi di.»

Matiye 27:54

Sojehey ati madiɗa taŋ, taŋ majiginaka Yesu bumoˀ tuwa mupuraka hirwuy muwus ati gwatay migam gar na, a ga taŋ zluwun le haɗi, a ɓam: «Mbur hana i Mangal ngi Buymisemuŋ zleˀe gisiŋ gisiŋ!»

Ɓimezle ngi Yesu Kristu LUK mitil di mi 23:4

A dirba nah, Pilat a ɓa masay madiɗahay ati zigiduwo: «Mbur hana, ko yi lum ɓi ava ngi jaŋ ti kiita ta.»

Ɓimezle ngi Yesu Kristu LUK mitil di mi 23:41

Ngi ndra, naŋ kaslsla le so, i wurkam di i gwat malambaˀ ndra migakaŋ, amma naŋ, a gi gwat malambaˀ ko neˀ ta.»

Ɓimezle ngi Yesu Kristu LUK mitil di mi 23:47

Madiɗa ngi sojehey mupura gwat nah migi gar na, a hunuma Buymisemuŋ, a ɓi: «Mbur hana i mbur mijeŋŋe zleˀe gisiŋ!»

Ɓimezle ngi Yesu Kristu ZAŊ mitil di mi 18:33

Pilat a mi ngi hay a muŋ, a zila Yesu, a ɓaŋ: «Ki buy ngi Yudehey kwa?»

Ɓimezle ngi Yesu Kristu ZAŊ mitil di mi 18:38

Pilat a ɓaŋ: «Ɓi mikaslsla vuna, i mike?» Ar naŋ miɓi kanah na, Pilat a bi ng'avu Yudehey a muŋ ma, a ɓa taŋ: «Avi ya na, ko yi lum ɓi ava ngi jaŋ ti kiita ta.

Ɓimezle ngi Yesu Kristu ZAŊ mitil di mi 19:6

Amma masay madiɗahay ati mizli taŋhaya mupuraka keɗ na, a zlaka a tilam mi, a ɓam: «Dira avu dum mizliraŋ! Dira avu dum mizliraŋ!» Pilat a ɓa taŋ: «Kum vuna, aram di, dirakaŋ. Da avu ya na, ko yi lum ɓi ava ɓa ngi jaŋ ti kiita ta.»

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

HEBEREY 7:26

Yesu i masay madiɗa a mbuŋ Buymisemuŋ, ka ndra mawuɗam. Naŋ pal, malambaˀ ati mungra anta ava ta, naŋ wal avu migi mungraˀahaya. Buymisemuŋ a zuɓa le hã nga duba muŋ.

PIYER MUDUMBUŊ NAŊ 1:19

Amma a mbuɗo hirnga kumo ti pumbus hirnga wãˀ ngi Yesu Kristu, mitiri kaɓa tumuŋ manja malambaˀ ava, manja hereweɗ ava na.

PIYER MUDUMBUŊ NAŊ 2:22

Naŋ a gi mungra ɗaˀ ta. Mbur a cin ɓi ngi gi gilaw da mbur ɗaˀ ti balam naŋ ta.

PIYER MUDUMBUŊ NAŊ 3:18

Asi mike na, Kristu ti haŋ naŋ, a muc is purla tewle vur mungra ngi mizli. Naŋ, mbur mijeŋŋe, a muc vur mizli migi gwat mijeŋ tahay, ɓa a sa bugukum da Buymisemuŋ. A kiɗaka le vagay ar dumvu naŋ, amma ˀUf Mipal, a mo di le ar siifa a muŋ.

ZAŊ MUDUMBUŊ NAŊ 3:5

Na, ki sinaka le, Yesu a so ngi zuɓa mungra ngi mizli avra, amma naŋ, ko mungra anta ava ta.