Mizli ngi hay Davitey ati mizli Zeruzalemeye, i sa po taŋ musuwun-uf ngi gi gwat mezle ati ngi tumbulo vu. Dar mbur taŋ mizligaka na, a sa puraka ngir tivi ya. A sa tuwaka vagay naŋ, kaɓa matuwam vagay ngi mangal kirmalay. A sa tuwakaŋ kaɗam kaɗam kaɓa matuwam mangal modogom.
Kum misi jom ati Yesu Kristu na aseˀeŋ, naŋ a tiri le i sin ndra mijileŋ muso ti vu Buymisemuŋ, miɗiy ndra jeŋŋe a mbuŋ Bumbulvuŋ, mitiri ti ndra mizli nga naŋhay, yo mucuko ndra tir mungra ndrahay.
Mekelemey a wuzla kumo taŋ zleˀe kanah vuna. Amma Buymisemuŋ a bunukum mungra kumoyo le avra, a pukum le sek pal da naŋ, a ɗiyukum le jeŋŋe a mbuŋ naŋ ti slimiɗ ngi Buy Yesu Kristu waɗ ti ˀUf ngi Buymisemuŋ ndra.
Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.
Asi mike na, pumbus ngi bazuway ati ngi gusoŋhoy, yo fucu ngi bulkoŋhoy mapaka pik pik ng'ar mizli misi diliheye, ada zuɓa taŋ dili ngi dumvu taŋ avra.
Yam nah na, a bigi ci ar yam maluhukum wurenna na. I ci ar yam ngi buna dili ngi dumvu ta, amma ngi vula vu taˀ da Buymisemuŋ ti wuluk mezle ngir mevel. A luhukum tisi slikiɗ ngi Yesu Kristu ti wuzla mumucahay.
Yesu Kristu i mbur muso ti yam waɗ pumbusu. A so ti yam pal naŋ ta, amma yam waɗ pumbusu. I ˀUf ngi Buymisemuŋ maga sedewo naŋ. Asi mike na, ˀUf ngi Buymisemuŋ i ɓi mikaslsla.
Waɗ tivu Yesu Kristu, mbur migi sedewo mikaslsla, modogom mislikiɗ dumbuŋ ti wuzla mumucahay, yo Buy miwi buy madiɗa ngi ruwuyoy. Kristu ara wuɗ ndra, a tuɓo ndra le tivu mungra ndraˀahaya ti pumbus naŋ.
Yi mbiɗaŋ di: «Buy ɗu, misina, i ka!» Dar a ɓiy: «Taŋ i mizli mucohoko baɗ tir bonoy madidiɗa. A bunaka jibe taŋhaya le, yo a pusluɗaka taŋ le angi pumbus ngi tumuŋ.