Ɓimezle ngi Yesu Kristu ZAŊ mitil di mi 19:18 - Bible en langue guiziga

¹⁸ A dirakaŋ a diga waɗ mizli mekelemey cuw angi dum mizlirahay vuna ya, pal ti ka pal ti ka, Yesu naŋ a wuzla.

Ɓimezle ngi Yesu Kristu ZAŊ mitil di mi 19:18 ပူးပေါင်းရင်းမြစ်များ

DIMISEY 22:16

Mumburlok ɗu a muˀul le kaɓa gaˀay, ˀirne ɗu ara ngbuˀ a balama, ki kiy le ɓaˀ a mi zivi.

EZAYI 53:12

Vurˀe, i sa cufaŋ a wuzla mizli madiɗahay, yo gwat muluma ngir vurumo, a sa lum mi nga naŋ, a wuzla mizli migidaŋhay. Asi i naŋ ti haŋ naŋ tehhe a muŋ muvula hirnga naŋ, hã a mucu, yo a pula vu naŋ, a slufakaŋ a wuzla migi mungrahay, asi mike na, a zuɓa malambaˀ ngi zigiduwo le nga hirnga naŋ, yo a cik vu le ar migi mungraˀahaya.»

Matiye 27:44

Ko mufuyvuhoy midiraka taŋ bumoˀ ati naŋ vuna kwana, ara zakaŋ ya.

Ɓimezle ngi Yesu Kristu ZAŊ mitil di mi 18:32

A gi kahana ɓa ɓi Yesu miɓa zleˀe na, a gi muduba. I ɓi naŋ mibiga taŋ wala ngi muc naŋ, naŋ masa muc di.

Ɓimezle ngi Yesu Kristu ZAŊ mitil di mi 19:32

Dar sojehey a soko, a ngilaka sar ngi mizli midiraka taŋ ati Yesu tuwa, ngi mudumbuŋ ati ngi mucuw naŋ.

SLRA 2:23

Mbur nah, kum muvulakaŋ asi haŋ ngi mizli migi mungrahay, ɓa a jakaŋ, a zizakaŋ law ar dum mizlira na, naɓa Buymisemuŋ a si na le, a sa gi kahana kahana zleˀe si.

GALATAY 3:13

Kristu a mbiɗa hirnga ndra le avu nis ngi ɓimujuwa. Naŋ vuna a tiri minisa le ar deɗe ndra. Naŋ kine, a tohoko na: «Ko wa gar midiraka le avu dum na, i minisa le.»

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.