Ɓimezle ngi Yesu Kristu ZAŊ mitil di mi 17:22 - Bible en langue guiziga

²² Ya kwana, dudok ka muvuliy di na, yi vula taŋ di le ya, ɓa a tiram purla ka ndra mupurla ati ka na ya.

Ɓimezle ngi Yesu Kristu ZAŊ mitil di mi 17:22 ပူးပေါင်းရင်းမြစ်များ

Mark 6:7

A zila mizli ngi seˀehey mukuruˀ nga cuwo, a zla a slina taŋ cuw cuw. A vula taŋ gidaŋ, ɓa a waka setene mihirya vuhoyo.

Ɓimezle ngi Yesu Kristu LUK mitil di mi 22:30

Naŋ kine, kisa zumam gwat, kisa sam gwat ar Zumabuy ɗu, yo kisa cifam ar janga ngi buyoy ɓa ngi ga kiita da sukwi ngi Israyeley mitaˀ taˀ kuruˀ nga cuw na.»

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 1:16

Asi mike na, ndra gar i lumam mi ngi ndra le ar gimezle naŋ mihaɗi na, a ɗuwula ndra mi nga mbuŋ nga mbuŋ.

Ɓimezle ngi Yesu Kristu ZAŊ mitil di mi 14:20

Tapasa, kisa sinaka, ya jom ati Baha, kumo, kum jom ati ya, yo ya kwana jom ati kum aya.

Ɓimezle ngi Yesu Kristu ZAŊ mitil di mi 17:24

Baha, mizli ka muvuliy taŋ na, yi wuɗ ɓa taŋ kwana, a ndiram ati ya ar li ya misi anga na ya, ɓa a singilaka dudok ka muvuliy di na, asi ki wuɗ ya le zle ti duniya mizli virzi t'aruŋ.

SLRA 5:41

Dar misliney a bam ti mbuŋ mingila wuyoyo, a mumulom haɗi, asi Buymisemuŋ a pura taŋ a ndilaka le, ɓa a sam bonoy asi slimiɗ ngi Yesu.

ROMAHAY 8:30

Mizli Buymisemuŋ muwuna taŋ dumbuŋ zleˀe tuwa na, a zila taŋ le ma. Mizli naŋ mizila taŋ na, a ɗiya taŋ le jeŋŋe. Yo mizli naŋ miɗiya taŋ jeŋŋe tuwa, a vula taŋ dudok naŋ le ma.

KORENTIHEY MUCUW NAŊ 3:18

Ndra gar, misi gwat misirit a mihiri ndra, mutur le avra na, anja mizli a puraka dudok ngi Bumbulvuŋ njahha avu ndra. Bumbulvuŋ misi i ˀUf tuwa na, a mbiɗa ndra le, ɓa i tiram rak rak ati naŋ vuna, ti dudok nga mbuŋ nga mbuŋ ava.

KORENTIHEY MUCUW NAŊ 5:20

Ndr'i mijiviɗ ngi Kristuhoy na, vurˀe. Buymisemuŋ mazulukum na, ti mingiɓi ngi balam ndra. Ambuh, ambuh kum, ti slimiɗ ngi Kristu, pulaka vu kum mbak, ɓa ki ɗiyam ɓi ar wala kum ati Buymisemuŋ.

KORENTIHEY MUCUW NAŊ 6:1

Naŋ kine, ndr'i ra gam slra jom ati Buymisemuŋ. Buymisemuŋ a gukum mezle le. Ambuh, ambuh kum, anja ki pulaka gimezle naŋ na fuk lambaˀ ta.

EFESEY 2:20

Ɗuva virzi ngi hay i misliney ati mijiviɗey. Kum i dalam naŋ. Ɗugur ngi jaha mivaya, i Yesu Kristu vuna.

FILIPIHEY 1:29

Asi Buymisemuŋ a gukum mezle le, ɓa ki gam gwat da Kristu. Anta ki tiɓakaŋ ti tiɓi tew ta, amma sey kisam bonoy aseˀe ma,

KOLOSOY 1:24

Wurenna, i ra mumul ti bonoy ya masa asi kumo. Asi da dumvu ɗu ara si bonoy na, kite yi kiɗ di mi ngi bonoy ngi Yesu misa vur dumvu naŋ, mbiɗeˀvra: Cikil ngi misikristuhoy na.

ZAŊ MUDUMBUŊ NAŊ 1:3

Gwat ndra mupuraka ati ndra micinaka na, i ra tulukum di mi ya, ɓa kumo kwana, ki ndiram jom ati ndra. Jum ndra na, i jum ati Cine, waɗ ati Mangal naŋ Yesu Kristu.

ZAŊ MUDUMBUŊ NAŊ 3:24

Mbur maja ɓimuɗuva naŋ a hirnga na, naŋ jom ati Buymisemuŋ, yo Buymisemuŋ kwana, naŋ jom ati naŋ aya. Ndra masinaka Buymisemuŋ, naŋ da jom ati ndra na, mbele ˀUf naŋ muvulo ndra di na.

ZAŊ MUDUMBUŊ NAŊ 4:17

Gwat mabiga wuɗavu ngi Buymisemuŋ, a ndila le kaslsla a hur ndra na, n'anihĩ: angi hin ngi Buymisemuŋ masa ga kiita da mizli na, ndr'anta sa zluwunam ko neˀ ta, asi gwat ngi gi ndra ar duniya a bam vu le rak rak ati ngi Yesu Kristu.

ƁIMUNJUYO 21:14

A ɗuvaka virzi ngi moholo angi ɗuguroy kuruˀ nga cuw, waɗ slimiɗ ngi mislin ngi tumuŋhoy mukuruˀ nga cuwo toh toh angi ɗuguroy tuwa.