Ɓimezle ngi Yesu Kristu ZAŊ mitil di mi 17:15 - Bible en langue guiziga

¹⁵ Y'anta tumbuluw ɓa ki hila taŋ tir duniya ta, amma ɓa ki jigina taŋ avu Malambaˀvu na.

Ɓimezle ngi Yesu Kristu ZAŊ mitil di mi 17:15 ပူးပေါင်းရင်းမြစ်များ

ZLI VIRZI 48:16

Modro ngi Buymisemuŋ milihiy avu mungrahay gar na, anja a ɗuwula mi da ziri mizile hanana, anja slimiɗ ɗu a zil, slimiɗ ngi dideˀ ɗu Abraham ati ngi baha Izak, a zilam mbele ziri hanayna, yo anja a jam kweslekwesle asi ruwuy hana.»

ƁI NGI HIN GAR MUDUMBUŊ NAŊ 4:10

Yabes a dir dibiɗ ani: «Buymisemuŋ ngi Israyel, ɗuwuliy mi, ska hirwuy ɗu, jiy kaw a haŋ ɗiki, ɓula hiryi ati bonoyo kileŋ avu ya!» Dar Buymisemuŋ a gaŋ gwat naŋ mucufuɗa tuwa.

DIMISEY 121:7

Anja Bumbulvuŋ a jiginuw avu gwat malambaˀ gar, a jiginuw siifa ɗike.

DIMISEY 30:9

Bumbulvuŋ, i ziluw le ɓa ki kilo widi ɗu, yo i tumbuluw le.

TILA MI 9:10

Gwat gar misi zliv haŋ ɗike wirwir ngi gi naŋ na, ga ti haŋ vu ɗike, asi slra ati slufa ɓi ngi slra ka miga, si na gi gwat malla sinmijileŋ gar na, anta ar li ngi mumucahay, ka masa ru ng'ara na ta.

EZAYI 57:1

A ra kiɗaka mizli mijeŋŋeheye vagay vagay, amma ko mbur loŋ malika taŋ anta. A ra ngizlaka mizli mezleheye, amma ko mbur maki slimiɗ ar taŋ anta. Haˀaw, mangizlaka mizli mijeŋŋehey vuna, i misi moˀorehey.

Matiye 5:37

Kum ɓam jak na: ‹haˀaw› malla ‹ˀŋ ŋ› tewle si, asi mingiɓi mekelem ameˀe gar na, a bo ti vu Satan.

Matiye 6:13

Ki pula ndra i cam ar li ngi tikin ta, amma laha ndra tisi haŋ ngi Satana. [Asi Zumabuy, gidaŋ ati dudok i ngi ɗik hã ngi sete. Amin.» ]

Ɓimezle ngi Yesu Kristu LUK mitil di mi 11:4

Pula ndra gwat malambaˀ, ndra migakaŋ, asi ndra vuna, i ra pulaka malambaˀ ngi mizli magam ndra di gar. Ki pula ndra i cam ar li ngi tikin ta.»

Ɓimezle ngi Yesu Kristu LUK mitil di mi 22:32

Amma ya, yi dir dibiɗ le vur ka ɓa tiɓi ɗik, a susuyum ta. Amma ka, ti ka misa mo le ng'avi ya na, vula gidaŋ da sukum ɗikeye.»

GALATAY 1:4

I Kristu ti haŋ naŋ muvula hirnga naŋ ngi laha ndra tir mungra ndraˀahaya, ɓa a tuɓo ndra moh avu duniya magi malambaˀ hana, kaɓa Cine ndra Buymisemuŋ muwuɗu.

TESALONIKEY MUCUW NAŊ 3:3

Amma Buymisemuŋ naŋ kaslsla. A sa vulukum gidaŋ, a sa jiginukum avu Satana.

TIMOTE MUCUW NAŊ 4:8

Wurenna, migir ɗu asi ya mulum bugawla na, ara kutukuy, i loppol mijeŋŋe, Bumbulvuŋ migi kiita mijeŋŋe masa vuliy di tapasa. A sa vula da ya pal ta ɓula, amma da mizli gar mawuɗam kutuk naŋ ɓa a bugo vu.

ZAŊ MUDUMBUŊ NAŊ 5:18

I sinaka le, zuŋ ngi Buymisemuŋ gar na, anta gi mungra mata, asi Mangal ngi Buymisemuŋ ara jiginaŋ, yo Milyam a gaŋ malambaˀ gu ta.

ZAŊ MUDUMBUŊ NAŊ 5:19

I sinaka le, ndr'i ngi Buymisemuŋhoy, amma duniya keɗeɗe gar na, taŋ asi haŋ ngi Malambaˀvu.