Ɓimezle ngi Yesu Kristu ZAŊ mitil di mi 17:13 - Bible en langue guiziga

¹³ Wurenna, i ra ru ng'avi ka. Ya maɓa ɓi hana na, ti ya misi ar duniya aruŋ, ɓa a lumaka mumul ɗu wãˀ a mevel taŋ.

Ɓimezle ngi Yesu Kristu ZAŊ mitil di mi 17:13 ပူးပေါင်းရင်းမြစ်များ

NEHEMI 8:10

Esdras a ɓa t'ani ava ma: «A ram ngi hay kumoy, zumam gwat mezleŋ, yo sam gwat mundumoy. Mizli manja gwatay na, saka taŋ ti mi nga taŋ, vur hin misenna i muvula le da Bumbulvuŋ ndra. Anja ki likam ta, asi mumul maso ti vu Bumbulvuŋ na, mavulukum gidaŋ i nah.»

DIMISEY 126:5

Mbur mizligi ti tuwuy a hiri zleˀe, a ga sifi ti mumul.

DIMISEY 43:4

Joˀ i sa ndil ar li gi mikuli ngi ɗik, ka Bumbulvuŋ, ng'avi ka Bumbulvuŋ magiy ɓa i jiɗ mececẽleŋ na, yo i sa hunumuw ti gujuvur, haˀaw, ka Bumbulvuŋ ɗu.

Ɓimezle ngi Yesu Kristu ZAŊ mitil di mi 13:3

Yesu a si na le, Cine a pulaŋ gwataya le gar asi haŋ naŋ, a si na le ma, a bo ti vu Buymisemuŋ, yo a mi ng'avi Buymisemuŋ.

Ɓimezle ngi Yesu Kristu ZAŊ mitil di mi 15:11

«Ya muɓukum ɓi misenna na, ɓa mumul ɗu a ndir a hur kumo, yo ɓa ki mumulom mumul minjah wãˀ.

Ɓimezle ngi Yesu Kristu ZAŊ mitil di mi 16:33

Yi ɓukum ɓi hana, ɓa kum mujom ati ya na, ki ndiram zuy zuy. Ki sa sam bonoy ar duniya hana, amma ki zluwunam ta, yi pa hirnga le da duniya!»

Ɓimezle ngi Yesu Kristu ZAŊ mitil di mi 17:11

Zle dana, y'anta ar duniya mata, taŋ a ndiram ar duniya ɓula, amma ya i ra ru ng'avi ka. Baha mipal, jigina taŋ ti gidaŋ ngi slimiɗ ɗik ka miciy di na, ɓa a tiram purla kaɓa ndra mupurla ati ka na ya.

Ɓimezle ngi Yesu Kristu ZAŊ mitil di mi 3:29

Zil ngi ngwasa, i mbur maɗuvaŋ. Amma ngama ngi zile a cici deŋ, a cin ti cin. ˀAy ngi zil maɓi, a gaŋ mumul haɗa. Ya i mumul kanah ya, a ndila le wãˀ.

Ɓimezle ngi Yesu Kristu ZAŊ mitil di mi 7:33

Yesu a ɓi: «Yi zik ati kumo neˀ aruŋ ɗagay, a dirba nah, i sa ru ng'avu mbur mislino ya.

SLRA 13:52

Amma mizli ngisi taŋhaya, taŋ ti mumul haɗi, yo taŋ ndus ndus ti ˀUf Mipal.

ROMAHAY 14:17

Asi Zumabuy ngi Buymisemuŋ, i ɓi ngi gwat ngi zum malla gwat ngi si ta. Amma i gi gwat mijeŋŋe, ɓi ngi zuy, yo i ɓi ngi mumul, ˀUf Mipal mavula.

GALATAY 5:22

Amma gwat ˀUf Mipal maya a hur mburo n'anihĩ: wuɗavu, mumul, zuy zuy, ɓusa ɓi, gimezle, mevel mezle, gi teŋteŋ,

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.

ZAŊ MUDUMBUŊ NAŊ 1:4

Ndra matuhukum ɗerewol hana na, ɓa i mumulom haɗa wãˀ.

ZAŊ MUCUW NAŊ 1:12

Y'ada ti ɓi haɗa ngi tuhukum di, amma yi wuɗ i tuhukum di ti tuh ar ɗerewol waɗ ti yam ngi hilseɓ ta. Asi i ra wuɗ ru ngi hay kumo, ɓa i ra ɓukum ti mi ɗu, ɓa i sa mumulom kuy kuy wãˀ.