Ɓimezle ngi Yesu Kristu ZAŊ mitil di mi 17:11 - Bible en langue guiziga

¹¹ Zle dana, y'anta ar duniya mata, taŋ a ndiram ar duniya ɓula, amma ya i ra ru ng'avi ka. Baha mipal, jigina taŋ ti gidaŋ ngi slimiɗ ɗik ka miciy di na, ɓa a tiram purla kaɓa ndra mupurla ati ka na ya.

Ɓimezle ngi Yesu Kristu ZAŊ mitil di mi 17:11 ပူးပေါင်းရင်းမြစ်များ

DIMISEY 79:9

Aw Buymisemuŋ milih ndra, jina ndra, ɓa ngi biga dudok ɗiki. Laha ndra, pula mungra ndrahay avra, ɓa ngi biga slimiɗ ɗik mazil haɗa na.

MIKUCUWULOY 18:10

Slimiɗ ngi Bumbulvuŋ i hay madiɗa migidaŋ, mbur mijeŋŋe a kil ng'ara, a lum li pula vu araŋ.

EZAYI 27:3

«Ya Bumbulvuŋ, yi mijigin naŋ, i paŋ yama, ar hin naŋ weˀe weˀe. I jigina duvuɗ ti papas vur mizli macam ɓiyoh ngi hiriyaŋ.

EZAYI 64:2

Zleˀe na, ki gi gwat ngi zuma hirngahay le, i gwat ndra muwulkaka zleˀe ta. Ki po sar le, muwãhay a wusam hiɓik hiɓik a mbuŋ ɗike.

ZEREMI 14:21

Ki hiris vu ta, ɓa ngi ɗuva hirnga da slimiɗ ɗike, janga misi dudok ngi ka buyo, ki pura hiris le ta! Jumoˀay ɗik ati ndra na, wulka keŋ.

ZEREMI 14:7

Aw Bumbulvuŋ ɗu, da mungra ndrahay ara mbiɗam ndra hirnga tehhe a muŋ na, gi gwat neˀ ɓa ngi ɗuva hirnga da slimiɗ ɗike! Naŋ kanah ɓula, i ra jam mi ndrehhe: i sinukuw ta, i sinukuw ta, i zluɓam ɓi le avu ka.

EZEKIYEL 20:22

Amma i mo ti haŋ ɗu nga ruwuy a muŋ, i ga kanah mata na, vur slimiɗ ɗu, anja ɓa slimiɗ ɗu a hiryi a wuzla Eziptehey, ya mubo ti taŋ a mihiri taŋ na ta.

EZEKIYEL 20:44

Ti ya masa gi ti kum asi slimiɗ ɗu, anta asi gi gwat kum malamabaˀ ati slra kum mihirya na ta na, kum Israyeleye, kisa sinaka yi Bumbulvuŋ. I ya Bumbulvuŋ, Buymisemuŋ maɓi.»

EZEKIYEL 20:9

Amma, i ga kanah mata na, vur slimiɗ ɗu, ɓa a hiryi a mihiri mizli taŋ micifam a wuzla taŋ na ta. Yi biga taŋ vu le a mihiri ngi sukwi ngi mizli tayna, ti ya mubo ti taŋ ti ruwuy Ezipte.

Matiye 10:16

«Ani i ra slinukum ka tumuŋhoy a wuzla kiriɓuhoy. Gam wer kaɓa kaway, ndiram ti mevel ngi ziri memeɗehey ka gonokoy.

Matiye 5:48

Kumo so na, ndiram mezlehey wãˀ kaɓa Cine kum misi a muŋ i mezle wãˀ na ya.

Matiye 6:9

«Da ki ra diram dibiɗ na, ɓam ani: ‹Cine ndra misi a muŋ, Anja mizli a sinukuw ki Buymisemuŋ mipal.

Ɓimezle ngi Yesu Kristu ZAŊ mitil di mi 13:1

Dumbuŋ angi muguzlum Pak masa gi na, Yesu a si na le, pas naŋ a ndila le, ɓa a pula duniya misenna, ɓa a cuh ng'avi Cine naŋ. Yesu a wuɗ mizli naŋhay misi ar duniya le, a wuɗ taŋ hã avu kiɗa mi naŋ.

Ɓimezle ngi Yesu Kristu ZAŊ mitil di mi 13:3

Yesu a si na le, Cine a pulaŋ gwataya le gar asi haŋ naŋ, a si na le ma, a bo ti vu Buymisemuŋ, yo a mi ng'avi Buymisemuŋ.

Ɓimezle ngi Yesu Kristu ZAŊ mitil di mi 14:20

Tapasa, kisa sinaka, ya jom ati Baha, kumo, kum jom ati ya, yo ya kwana jom ati kum aya.

Ɓimezle ngi Yesu Kristu ZAŊ mitil di mi 16:28

Yi bo ti vu Baha, i so le ar duniya. Wurenna i ra pula duniya, i ra ru le ng'avi Baha.»

Ɓimezle ngi Yesu Kristu ZAŊ mitil di mi 16:33

Yi ɓukum ɓi hana, ɓa kum mujom ati ya na, ki ndiram zuy zuy. Ki sa sam bonoy ar duniya hana, amma ki zluwunam ta, yi pa hirnga le da duniya!»

Ɓimezle ngi Yesu Kristu ZAŊ mitil di mi 17:23

Ya, ya jom ati taŋ, ka kwana, ka jom ati ya, ɓa a ndilaka jum mupurla wãˀ na, ɓa duniya a sina, i ka mislino ya, yo ki wuɗa taŋ le kaɓa ka muwuɗiy na ya.

Ɓimezle ngi Yesu Kristu ZAŊ mitil di mi 17:25

Baha mijeŋŋe, duniya a sinuw ta, amma ya i sinuw le. Taŋ hanayna, a sinaka le, i ka mislino ya.

Ɓimezle ngi Yesu Kristu ZAŊ mitil di mi 17:6

Mizli ka mubo ti taŋ tir duniya, ka muvuliy taŋ na, yi biga taŋ slimiɗ ɗike le. Taŋ i ngi ɗikey, ki vuliy taŋ le, a jaka mingiɓi ɗike le a hirnga.

Ɓimezle ngi Yesu Kristu ZAŊ mitil di mi 7:33

Yesu a ɓi: «Yi zik ati kumo neˀ aruŋ ɗagay, a dirba nah, i sa ru ng'avu mbur mislino ya.

SLRA 3:21

Sey Yesu Kristu a cifi a muŋ a diga ɗagay, hã a ndila pas ngi Buymisemuŋ masa ɗiya hiri ngi gwataya gar nawayahay, kaɓa naŋ miɓa ɓi naŋ zleˀe ti balam mijiviɗ naŋhay mipal.

ROMAHAY 12:5

Naŋ kanah ya, ndra mujom ati Kristu na, ko ti ndra mihaɗi tekeɗe kwana, i tiram le i dumvu purla. Ndra purla purla gar, i jumom le kaɓa hirzlik ngi vuhoy mujumom ar li purla.

ROMAHAY 9:17

Naŋ kine, Buymisemuŋ a ɓa Faraˀoŋ angi Ɓimutoho na: «Ya mucufuw ki buy na, hĩˀĩ ɓa yi biga gidaŋ ɗu ar ka, yo ɓa mizli ngi ruwuyoy kurzluˀ gar a zilaka slimiɗ ɗu.»

KORENTIHEY MUDUMBUŊ 1:10

Sukum ɗu misikristuhoy, i ra gukum ambuh ambuh, kum gar kumo ti slimiɗ ngi Buy ndra Yesu Kristu: ngiɓam ˀay purla, anja ki wunkam ˀay ar wala kumo ta. Ar wuluk kum ati gwat kum majuwaka le a mevele ngi gi gar na, jumom ˀay purla.

GALATAY 3:28

Vurˀe, mbur Yude malla Grek, asinta, beke malla diimu, asinta, zil malla ngwas, asinta. Asi kum jom purla gar kumo, tisi Yesu Kristu.

EFESEY 4:4

Dumvu, naŋ purla, ˀUf Mipala, naŋ purla. Naŋ kanah ya, Buymisemuŋ a zulu kum na, ɓa ki njaham hiri njah wãˀ.

FILIPIHEY 2:9

Vurˀe, Buymisemuŋ a cifaŋ ar li ngi dudok miwãˀ naŋ, yo a caŋ slimiɗ mifineˀ slimiɗey gar,

HEBEREY 1:3

Mangal nah na, i wucuɗ ngi dudok ngi Buymisemuŋ, Buymisemuŋ, naŋ kahana kahana na, a bugo di le wãˀ. Yo majaha gwatay gar na, i naŋ ti mingiɓi naŋ migidaŋ. A dirba naŋ mubuna mungra ngi mizli avra na, a cifi a muŋ tir vay hazum ngi Buymisemuŋ migidaŋ wãˀa.

HEBEREY 9:24

Vur mike na, hay ngi Bumbulvuŋ, Kristu mici anga na, i hay mizli miɗiyaka ti haŋ, yo i foto ngi hay migisiŋ gisiŋ naŋ na ta. Amma Kristu a ci nga muŋ vuna, ɓa a cici deŋ wurenna ar deɗe ndra a mbuŋ Buymisemuŋ.

Ɗerewol ZAK 4:4

Gwat sulomehey lambaˀ! Ji ngama ti duniya, i gi mesene ti Buymisemuŋ na, ki sinaka takwa? Mbur mawuɗ ji ngama ti duniya na, kite ara gi mesene ti Buymisemuŋ.

PIYER MUDUMBUŊ NAŊ 1:5

da kum, gidaŋ ngi Buymisemuŋ majiginukum tisi tiɓi kum, ɓa kisa lumam lih migweˀ masa njiko vu angi kiɗa mi ngi hin na.

ZAŊ MUDUMBUŊ NAŊ 3:12

I gam ka Kayin ta. Naŋ, mbur migi mungra nah, a sla ˀay ngi sukum naŋ. A slaŋ ˀay vuna asi mike? Asi gwat ngi gi nga naŋ miga na, i malambaˀa, amma ngi sukum naŋ, naŋ jeŋŋe.

ZAŊ MUDUMBUŊ NAŊ 5:19

I sinaka le, ndr'i ngi Buymisemuŋhoy, amma duniya keɗeɗe gar na, taŋ asi haŋ ngi Malambaˀvu.

ZUDE 1:1

I ya Yude, gawla ngi Yesu Kristu. Ya sukum ngi Zak matuhukum ɗerewol hana da kum mizli, Cine ndra Buymisemuŋ muzulukum, muwuɗukum, yo miwi vu ti kum da Yesu Kristu na.

ZUDE 1:24

Mbur majiginukum gu ɓa ki ndilam ar mungra ta, yo mandil ti kum gu manja hereweɗ, ti mumul haɗa a mbuŋ naŋ misi ti dudok haɗi,

ƁIMUNJUYO 15:4

Aw Bumbulvuŋ, mazluwun ti ka ta, i waka? Mavuluw dudok ta, i waka? Asi mipal i ka tewle. Sukwi ngi mizli gar a sa soko, a dilkam a mbuŋ ɗiki, asi gwat ngi gi ɗikey gar na, a njikam le ti jiviɗ naŋ kuy kuy.»

ƁIMUNJUYO 19:12

Hiri naŋhaya, njilim njilim kaɓa irne ngi vu madiɗa. Loppoloy mbeˀ mbeˀ a hirnga, yo slimiɗ toh toh a hirnga, sey naŋ pal naŋ misinaŋ.

ƁIMUNJUYO 4:8

Gwat misããmi mumufaɗ tayna, taŋ gar ti kirpasl merkeɗ merkeɗe, vu taŋ gar i hiri, ti vra ti huroˀo ma. A ra hunumaka Buymisemuŋ duvuɗ ti papas gar, mbak le anta, a ɓam: «Bumbulvuŋ Buymisemuŋ, misi gidaŋ wãˀ, ka pal, ka pal, ka pal. Ka misi zleˀe, ka misi dana, yo ka masa sawa.»