Ɓimezle ngi Yesu Kristu ZAŊ mitil di mi 16:27 - Bible en langue guiziga

²⁷ Asi Baha ti hirnga naŋ ara wuɗukum, asi ki wuɗikiy le, yo ki tiɓaka le, yi bo ti vu Buymisemuŋ.

Ɓimezle ngi Yesu Kristu ZAŊ mitil di mi 16:27 ပူးပေါင်းရင်းမြစ်များ

SOFONI 3:17

Bumbulvuŋ Buymisemuŋ ɗike, naŋ da ati ka. N'ada ti gidaŋ naŋ, ti bugawla naŋ. A ra mumul vur ka, naŋ mawuɗ ka na, ara vuluw siifa nawayaŋ. A ra zluzluɓ, yo ara ji salalay vur ka.»

Matiye 10:37

«Mbur mawuɗ cine malla mumuŋ naŋ fineˀ ya na, a ndila ɓa a tiri mbur ɗu ta. Mbur mawuɗ mangal naŋ malla zuŋ naŋ fineˀ ya na, a ndila ɓa a tiri mbur ɗu ta.

Ɓimezle ngi Yesu Kristu ZAŊ mitil di mi 14:21

«Ɓimuɗuva ɗuwoyo, mbur maja taŋ a hirnga, yo masipa taŋ na, naɓa i mbur muwuɗ ɗu. Mbur muwuɗ ɗu vuna, Baha a sa wuɗaŋ, yo ya kwana, yi sa wuɗaŋ, yi sa bigaŋ vu.»

Ɓimezle ngi Yesu Kristu ZAŊ mitil di mi 14:23

Yesu a mbiɗaŋ di: «Da mbur ara wuɗiy na, a sipa mingiɓi ɗu. Baha a sa wuɗaŋ, Baha ati ya i sa soko, i sa paka hay ndra wãˀ a hur naŋ.

Ɓimezle ngi Yesu Kristu ZAŊ mitil di mi 16:30

Wurenna i sinaka le, ki si na gwataya le gar, k'anta wuɗ mbur a cufuɗuw ti cufuɗ ko neˀ ta. Ndra matiɓaka ki so ti vu Buymisemuŋ gisiŋ na, vurˀeŋ.»

Ɓimezle ngi Yesu Kristu ZAŊ mitil di mi 17:23

Ya, ya jom ati taŋ, ka kwana, ka jom ati ya, ɓa a ndilaka jum mupurla wãˀ na, ɓa duniya a sina, i ka mislino ya, yo ki wuɗa taŋ le kaɓa ka muwuɗiy na ya.

Ɓimezle ngi Yesu Kristu ZAŊ mitil di mi 2:11

Hana i cekene mudumbuŋ naŋ, Yesu miga a Kana hirwuy Galile. A biga dudok naŋ a diga. Joˀ mizli ngi seˀehey a tiɓakaŋ.

Ɓimezle ngi Yesu Kristu ZAŊ mitil di mi 3:13

Ko mbur mijiɗ ɗaˀ nga muŋ anta ndiɗaˀ, sey Mangal ngi mbur mupo sar paɗ ti muŋ.

Ɓimezle ngi Yesu Kristu ZAŊ mitil di mi 7:29

Amma ya i si na le, asi yi so ti vaŋ, mislino ya i naŋ.»

Ɓimezle ngi Yesu Kristu ZAŊ mitil di mi 8:42

Yesu a ɓa taŋ: «Da Buymisemuŋ i Cine kum zleˀe na, anja ni ki wuɗikiy le, vur ya mubo, ya muso na, ti vu Buymisemuŋ vuna. Yi so ngi mongoy ɗu ta, i naŋ mislino ya.

ROMAHAY 8:3

Gwat ɓimujuwa ngi Moyis maga gu ta, asi kpak ngi vu ngi mbur mavuso na, Buymisemuŋ a ga le, a ga kiita le da mungra misi avu kpak ngi vu ngi mburo, ti naŋ mislino Mangal nga naŋ na. Mangala, naŋ ti kpak ngi vu mupurla ati ngi ndra magam di mungra na. A so ɓa ngi zuɓa mungra avra,

KORENTIHEY MUDUMBUŊ 15:47

Mbur mudumbuŋ, a gaka ti murɓuk, naŋ i hirwuy. Mbur mucuw naŋ, a so paɗ ti muŋ.

KORENTIHEY MUDUMBUŊ 16:22

Da mbur anta wuɗ Bumbulvuŋ ta na, anja a nisakaŋ. Maranata!.»

KORENTIHEY MUCUW NAŊ 5:14

Wuɗavu ngi Kristu a ca ndra le asi vu. I sinaka le gisiŋ, mbur pal mumuc vur mizli gar na, mbiɗeˀvra: mizli gar a micam le.

GALATAY 4:4

Amma hin Buymisemuŋ misla, mindila na, Buymisemuŋ a slino Mangal naŋ, i ngwas miyaŋ. Joˀ a hin hirnga a mbuŋ ɓimujuwa,

EFESEY 6:24

Mizli mawuɗaka Buy ndra Yesu Kristu ti wuɗavu mahiryi ta na, anja Buymisemuŋ a ga taŋ mezle gar.

TIMOTE MUDUMBUŊ NAŊ 1:15

Yesu Kristu a so a ruwuyo, ɓa ngi laha migi mungrahay, yi madiɗa ngi migi mungrahay gar. Mingiɓi hana i gisiŋ, a ndila le ɓa mizli gar a tiɓakaŋ.

HEBEREY 12:6

Vur Bumbulvuŋ a kuti di i mbur naŋ mawuɗo, a sliɗ di i mbur gar, naŋ misina le, i mangal naŋ.»

PIYER MUDUMBUŊ NAŊ 1:8

Yesu Kristu, ko da ki purakaŋ ɗaˀ ta tekeɗe kwana, ki ra wuɗakaŋ. Kum anta purakaŋ t'aruŋ, amma ki ra tiɓakaŋ. Vurˀe, ki ra mumulom ti mumul mududok haɗa wãˀ, a funa ngi ɓi avu mi le.

ZAŊ MUDUMBUŊ NAŊ 4:19

Ndra, ndra mawuɗam vu na, asi Buymisemuŋ a wuɗ ndra le dumbuŋ.

ƁIMUNJUYO 3:19

Mizli, ya mawuɗ taŋ gar na, i mbiɗa taŋ hirnga, i kuta taŋ ti bonoy. Ndir wirwir so, zil marava.

ƁIMUNJUYO 3:9

Pura, y'ani vuluw jum ngi mizli ngi Satanay, misi slir tayna, mawaka vu taŋ ka Yudehey, dambalaka i Yudehey ta. Ani i sa tika taŋ ˀay, ɓa a soko dilkam a mbuŋ ɗike, yo ɓa a sa sinaka, i wuɗ ka le.