Ɓimezle ngi Yesu Kristu ZAŊ mitil di mi 16:22 - Bible en langue guiziga

²² Kum wurenna, ki ra ndurɓom hiri kanah ya, amma yi sa purukum a muŋ ma, joˀ mevel kum a sa mumul, ko mbur masa tukukum mumul nah, anta.

Ɓimezle ngi Yesu Kristu ZAŊ mitil di mi 16:22 ပူးပေါင်းရင်းမြစ်များ

Ɗerewol JOP 34:29

Amma da Buymisemuŋ a cifi le teˀ teˀ na, masa jaŋ ti kiita i waka? Da a ɗumo mihiri naŋ le na, masa pura kwaŋ i waka? Dambalaka ara ki slimiɗ ar sukwi ngi mizli titirahay ar duniya vuna ngbaŋ.

DIMISEY 146:2

I wuɗ i ga dudok da Bumbulvuŋ ar siifa ɗu gar. Ya misi ada aruŋ na, i hunuma Buymisemuŋ ɗu ti dimisi.

DIMISEY 33:21

Mumul ngir mevel ndra a bo ti vaŋ, yo i pulaka mevel ndra le mbak ar slimiɗ naŋ mipal kine na.

EZAYI 25:9

Tapasa, i sa ɓam: «Buymisemuŋ ndra i naŋ. I njaham hiri le aseˀe, ani a laha ndra le. Naŋ i Bumbulvuŋ, ndra minjaham hiri aseˀe na. Zluzluɓukum, mumulukum, asi ara laha ndra.

ZEREMI 31:12

Israyeley ara ndiloko, ara zlam dimis ngi mumul a muwã Siyoŋ. A ra soko hiɗim hiɗim ng'avi gwat mezlehey Bumbulvuŋ mavula taŋ di, ng'avi alkamari, mbaazla si, mal muɗuco wureˀ, tumuŋ ati ˀaway, waɗ ng'avi slahay. A puraka vu taŋ zuyyo kaɓa widis mikaˀ a mi yam. ko t'anta sa hĩhĩyam mata.

Matiye 28:8

Ngwasay tuwa a bam kutum ti mizive, ara zluwunam, ara mumulom haɗi cici ma. A kilam ti ɓi nah da mizli ngi seˀeheye.

Ɓimezle ngi Yesu Kristu LUK mitil di mi 10:42

Gwat mizlir ngi gi na, naŋ purla si. Vay mimezle na, i Mariya muwuna, anta sa tiɓakaŋ di ta.»

Ɓimezle ngi Yesu Kristu LUK mitil di mi 16:25

Amma Abraham a ɓaŋ: ‹Mangal ɗu, wulka neˀ kwaɗay, ti ka misi ti siifa ɗik aruŋ na, ki zuma duniya ɗike le. Naɓa Lazara kwana, naŋ ar bonoy. Ani wurenna, a sohõkoŋ tuwuyo le aka. Ka kwana, ki ra si bonoy aya.

Ɓimezle ngi Yesu Kristu LUK mitil di mi 19:26

Buy a mbiɗa taŋ di: ‹Yi ɓukum na: Mbur misi gwat, a sa vulakaŋ ava ma. Yo mbur manja gwata, mineˀ ngi si haŋ naŋ na, a sa tiɓaka ava.

Ɓimezle ngi Yesu Kristu LUK mitil di mi 24:41

Taŋ mamumulom haɗi tuwa na, a tiɓakaŋ gu taruŋ. Yo ɓi nah mazuma taŋ hirnga na, Yesu a ɓa taŋ: «Gwat ngi zum ada avu kum aka kwa?»

Ɓimezle ngi Yesu Kristu ZAŊ mitil di mi 14:1

Yesu a ɓa mizli ngi seˀeheye: «Anja didak a muɗukum ta. Tuɓaka Buymisemuŋ, yo tiɓikiy ya aya.

Ɓimezle ngi Yesu Kristu ZAŊ mitil di mi 14:19

Neˀ nga mbuŋ ka na, duniya anta sa puriy mata. Amma kumo, kisa purikiy, y'ada ti siifa. Yo kumo kwana, kisa ndiram ti siifa ya.

Ɓimezle ngi Yesu Kristu ZAŊ mitil di mi 14:27

«Yi pulukum di i zuy, i ra vulukum zuy ɗu. Y'anta i vulukum di kaɓa ngi duniya mavula na ta. Anja didak a muɗukum ta, ki zluwunam ta.

Ɓimezle ngi Yesu Kristu ZAŊ mitil di mi 16:16

«Nga mbuŋ neˀ aka na, kum anta sa purikiy mata. Yo a dirba nah neˀ ma na, kisa purikiy ma.»

Ɓimezle ngi Yesu Kristu ZAŊ mitil di mi 16:20

Gisiŋ gisiŋ, yi ɓukum na: kisa tuwam kaɗam kaɗam, kisa niˀicam, amma duniya a sa mumul. Ki sa likam, amma lik kum a sa tiri mumul.

Ɓimezle ngi Yesu Kristu ZAŊ mitil di mi 16:6

Ya muɓukum di na, ki ra likam haɗa haɗa a mevel kumo.

Ɓimezle ngi Yesu Kristu ZAŊ mitil di mi 21:7

Dar mbur Yesu mawuɗaŋ zleˀe tuwa a ɓa Piyere: «I Buy Yesu!» Simoŋ Piyer micina i Buy Yesu na, a juwa zana hirlak, vur a cuko zana le zleˀe, a diɗ griv ng'ar yama.

Ɓimezle ngi Yesu Kristu ZAŊ mitil di mi 4:14

Amma da mbur misa si yam, ya masa vulaŋ di na le na, yam anta sa gaŋ mata wãˀ. Yam ya masa vulaŋ di na, a sa tiri miviɗiviɗi ngi yam maɓul goŋ goŋ, mavulaŋ siifa ngi sete jaka.»

SLRA 13:52

Amma mizli ngisi taŋhaya, taŋ ti mumul haɗi, yo taŋ ndus ndus ti ˀUf Mipal.

SLRA 16:25

Ng'avu wuzla duvuɗ na, Pol ati Silas ara diram dibiɗ, a zlam dimis ngi hunuma Buymisemuŋ, mizli dangay mekelemeye kwana, ara cinam.

SLRA 2:46

Vur hin gar na, a ndiram deŋ ti deŋ ar hay ngi Bumbulvuŋ a Zerusaleme, taŋ ti mevel purla. A hay taŋhaya, a zumaka ɗafa jom ar leˀe, a zumaka ti mumul, yo ti mevel mezle.

SLRA 5:41

Dar misliney a bam ti mbuŋ mingila wuyoyo, a mumulom haɗi, asi Buymisemuŋ a pura taŋ a ndilaka le, ɓa a sam bonoy asi slimiɗ ngi Yesu.

KORENTIHEY MUCUW NAŊ 6:10

A gam ndra gwat ngi ndurɓo hiri, amma ndr'i ra mumulom na si. Ka ndr'i misi murgahay, dambalaka i ra gam zlili da mizli haɗi ngbaŋ. Kaɓa ndr'anta ti gwat neˀ le ta, dambalaka gwat gar ada avu ndra.

TESALONIKEY MUCUW NAŊ 2:16

Anja Buy ndra Yesu Kristu ti haŋ naŋ ati Cine ndra Buymisemuŋ muwuɗ ndra, naŋ mitisla ndra mevel tisi gi mezle naŋ ngi sete, yo naŋ mijina ndra ɓa i njaham hiri njah kuy kuy na,

HEBEREY 10:34

Asi mike na, kisam bonoy le jom ati mizli mijaka taŋ ng'ar dangay na, yo ki tiɓaka le ti mumul, ɓa a tiɓaka zlili kumoyo gar. Vur ki sinaka le, kum ada ti zlili mimezle mazik hã ngi sete.

HEBEREY 6:18

Vurˀe, gwatay ada cuw, anta mbiɗam ta wãˀ, Buymisemuŋ, gwat naŋ miɓal le ɗaˀ le ati hudum naŋ na, naŋ anta gi slir ar taŋ ta. Naŋ kine, ndra mizli mupulaka gwatay gar, ɓa i njaham hiri njah ar taŋ na, gwat tayna ara vulam ndra gidaŋ haɗa wãˀ.

PIYER MUDUMBUŊ NAŊ 1:8

Yesu Kristu, ko da ki purakaŋ ɗaˀ ta tekeɗe kwana, ki ra wuɗakaŋ. Kum anta purakaŋ t'aruŋ, amma ki ra tiɓakaŋ. Vurˀe, ki ra mumulom ti mumul mududok haɗa wãˀ, a funa ngi ɓi avu mi le.