Ɓimezle ngi Yesu Kristu ZAŊ mitil di mi 16:2 - Bible en langue guiziga

² A sa ɓulukum avra tir hay ngi dira dibiɗeye. Mifineˀ nah ma na, pas naŋ ara ndilawa, tapasa mbur mukuɗukum le vagay vagay na, a sa wa kaɓa a gi di i mikuli da Buymisemuŋ.

Ɓimezle ngi Yesu Kristu ZAŊ mitil di mi 16:2 ပူးပေါင်းရင်းမြစ်များ

EZAYI 65:5

A ɓaka mburo: «Cici deŋ akẽh, ki wusiy ta, ki wusiy manja mendere a lumuw na, a gi ta.» Ya mapura gwat ngi gi taŋ tayna gar na, a jiy mevel, a tiɓi ka vu, cunju sẽwwe, mbak le anta.

EZAYI 66:5

Kum mizli majijikam ti mingiɓi nga ya Bumbulvuŋ na, cinaka mingiɓi, ya maɓukum di ani: Sukum kumoy mahirsukum, yo maɓulukum avra vur ya na, a ɓam ani: «Anja ya Bumbulvuŋ i biga dudok ɗu, yo anja ɓa a puraka zluzluɓ kumo kini.» Na masa pam mesem i taŋ vuna jaka.

DANIYEL 11:33

Misi lesl ngi wuzla taŋhaya, a sa dubunam gwat da mizli haɗa, amma neˀ a dirba naŋ sina, a sa kiɗaka cah mekelemeye vagay vagay ti maslalam, ti vu, a jam ti ji ng'ar beke waɗ a vaka gwat ngi mekelemeye.

Matiye 10:28

Mizli makiɗaka dumvu kumoy vagay vagay, amma makiɗaka musuɗuk kumoyo gu ta na, ki zluwunam ti taŋ ta. Musuɗuk ati dumvu ngi mburo, Bumbulvuŋ a ndila le ngi ziza taŋ angi vu. Zluwunam di i naŋ jaka.

Matiye 24:9

Dar mizli a sa vulukum ng'ar bonoy, a sa kuɗukum vagay vagay. Mizli duniyahay gar a sa gam mesene ti kum asi slimiɗ ɗu.

Ɓimezle ngi Yesu Kristu LUK mitil di mi 6:22

«Da mizli ara gam mesene ti kum, ara ɓulukum avra, ara zukum, yo ara vusoko slimiɗ kumo, asi Mangal ngi mbur na, yawwa kum mumulom!

Ɓimezle ngi Yesu Kristu ZAŊ mitil di mi 12:42

Ko a wuzla madiɗa ngi Yudehey vuna kwana, mizli haɗa asi taŋ a tiɓakaŋ le. Amma anta njikaka ɓi nah ta, asi Farisahay. A zluwunam vur taŋ maɓulaka taŋ tir hay ngi dira dibiɗ taŋ avra.

Ɓimezle ngi Yesu Kristu ZAŊ mitil di mi 16:25

«Yi ɓukum ɓi hana gar na, yi wukum di weˀ ti wi, amma pas naŋ ara ndilawa, tapasa, y'anta sa ɓukum kanah mata. Amma yi sa ɓukum ɓi vur Baha njah muduba.

Ɓimezle ngi Yesu Kristu ZAŊ mitil di mi 16:32

Puraka, pas naŋ ara ndilawa, wurenna a ndilo le vuna si, kisa zliɗam hirnga pal pal, mbur gar aru ngi hay naŋ ngi hay naŋ. Ki sa pulikiy deŋ pal ɗu. Amma ya pal ɗu ta, Baha naŋ da ati ya.

Ɓimezle ngi Yesu Kristu ZAŊ mitil di mi 4:21

Yesu a ɓaŋ: «Ngwasa, tiɓa ɓi ɗu, pas naŋ ara ndilawa, ɓa mizli anta sa putukulom a mbuŋ Cine ndra Buymisemuŋ a hirnga muwã hana malla ko a Zeruzalem mata.

Ɓimezle ngi Yesu Kristu ZAŊ mitil di mi 4:23

Amma pas naŋ ara ndilawa, a ndilo le vuna si, ɓa mizli maputukulom a mbuŋ Cine ndra Buymisemuŋ gisiŋ gisiŋ na, a sa putukulom a mbuŋ naŋ ti musuɗuk waɗ ti kaslsla wãˀ. Asi mike na, Cine ndra Bumbulvuŋ a sipi di i mizli maputukulom a mbuŋ naŋ misi ka tayna.

Ɓimezle ngi Yesu Kristu ZAŊ mitil di mi 9:22

Miyi naŋhay a ɓam kahana, vur a zluwunam ti Yudeheye. Asi Yudehey a jumom ˀay le ar wala taŋ, a ɓam: «Ko wa gar miɓi le: ‹Yesu i Mesi› na, a ɓulaka tir hay ngi dira dibiɗ avra.»

Ɓimezle ngi Yesu Kristu ZAŊ mitil di mi 9:34

A mbiɗakaŋ di: «Ka guzluv ar mungra zle ti taŋ muyukuw caka, ɓa ki so dubuna ndra gwat mbri mbrike?» Dar a ɓulaka tir hay ngi dira dibiɗe ng'avra.

SLRA 5:33

Mingiɓi hana, a ja mevel le haɗi da mizli ngir kus ngi ngila wuy madiɗa tuwa, hã a wuɗam ɓa a kiɗaka taŋ vagay vagay.

SLRA 7:56

Dar a ɓi: «Ani, i ra singila muŋ, a wucuh le wucah, waɗ Mangal ngi mbur deŋ tir vay hazum ngi Buymisemuŋ.»

KORENTIHEY MUDUMBUŊ 4:13

Da ara ɓam ɓi malambaˀ ar ndra kwana, ndr'i mbiɗaka ti ˀay mezle. Hã wurenna kwana, ara gam ti ndra kaɓa gwat ngi duniya mufuk ng'ar kitikil, kaɓa zay ngi mbur.

FILIPIHEY 3:6

Yi hurdum le hirdam ngi sipa cikil ngi misikristuhoyo nder nder. Vur gi jeŋŋe mbur maluma tisi ɓimujuwa na, ko mbur mambiɗiy hirnga aseˀe gu, anta.

ƁIMUNJUYO 6:9

Ti tumuŋ muturo sluruɓ muzlum naŋ na, yi pur musuɗuk ngi mizli mikiɗaka taŋ vagay vagay zleˀe, asi ɓi ngi Buymisemuŋ waɗ asi sedewo taŋ migakaŋ. Taŋ asi virzi ngi li gi mikuli a mbuŋ Buymisemuŋ.

MIGI KIITAHAY 6:30

Mizli ngir walahaya, a ɓaka Yoak a na: «Bo ndra ti mangal ɗik na, ɓa i kiɗaka vagay. Asi a waha Baˀala le, yo kuli ɓamtal mikaˀ a cikeˀe na, a buko le.»