Ɓimezle ngi Yesu Kristu ZAŊ mitil di mi 15:8 - Bible en langue guiziga

⁸ Da ki ra yam locok locok haɗa, yo kum ada i mizli ngi si yahay na, a vula dudok da Baha.

Ɓimezle ngi Yesu Kristu ZAŊ mitil di mi 15:8 ပူးပေါင်းရင်းမြစ်များ

EZAYI 60:21

Naŋ kanah, mizli ɗikey gar taŋ, a sa tiram mizli mijeŋŋehey, taŋ a sa zumaka hirwuyo da taŋ ngi wãˀ, kaɓa mazumam hay. Taŋ na, i ya miga taŋ hĩˀĩ ti haŋ ɗu, ɓa ngi biga dudok ɗu, a sa ndiram kaɓa widisey ar jarne.

EZAYI 61:3

ɓa i tuwuɗa loppol a hirnga mizli mutuwa Siyoŋhoyo. Haˀaw, i sa tuwuɗa taŋ di i loppol gisiŋ, i pa taŋ fucu a hirnga ta, i sa pa taŋ urdi mimezle haɗa ngi vula mumul, i urdi ngi tuwa vagay ta, i sa vula taŋ zana ngi muguzlum, ar deɗe ngi ndurɓo hiri taŋ. Hana gar na, ɓa mizli a sa zilaka taŋ ‹Widis ngi ɗuva hirnga da Buymisemuŋ, yo guva ngi Bumbulvuŋ, mihĩˀĩ ngi biga dudok naŋ›.

Ɗerewol AZE 1:8

Jiɗam nga muwã, ngumoko dum, ɓa ki ɗiyaka hay ɗu hiri naŋ a muŋ. Kanah na, a sa ciriy hiri, yo i sa biga dudok ɗu ara. I ya Bumbulvuŋ maɓi.

Matiye 5:16

Naŋ kine ya, anja li minjahha kum a pusluɗ a mihiri mizli, ɓa taŋ mapuraka mezle kum magaka na, a gaka dudok da Cine kum misi a muŋ.

Matiye 5:44

Amma ya i ɓukum na: wuɗam mesene kumoy, mizli masupukum nder nder na, diram dibiɗ vur taŋ,

Matiye 9:8

Zigiduw mupura kanah na, hã a zluwunam, a gaka dudok da Buymisemuŋ muvula gidaŋ misi kahana da mizli titrahay na.

Ɓimezle ngi Yesu Kristu LUK mitil di mi 6:35

Kumo so na, wuɗam mesene kumoy. Gam mezle, yo mizli midindilam gwat le avu kum na, ki wulkaka mata. Naŋ kine, kisa lumam migir kumo haɗi, kisa tiram ziri ngi Buymisemuŋ Mimadiɗa. Asi naŋ, naŋ i mezle avu mizli manja si na gi sisehey waɗ avu mizli misi moˀorehey gar.

Ɓimezle ngi Yesu Kristu ZAŊ mitil di mi 13:35

Da kum ada ki wuɗam vu ar wala kumo na, naɓa mizli gar a sa sinaka, kum i mizli ngi si yahay.»

Ɓimezle ngi Yesu Kristu ZAŊ mitil di mi 15:5

Yi gudubun, kum i mihaŋhay. Mbur mandir jom ati ya, ya kwana jom ati naŋ na, a sa yi locok locok haɗa. Mbele ya ta na, kum anta gam gwat ko neˀ gu ta.

Ɓimezle ngi Yesu Kristu ZAŊ mitil di mi 8:31

Joˀ Yesu a ɓa Yudehey mitiɓakaŋ tuwa na: «Da ki cicam le zlak ar mingiɓi ɗu na, kum i mizli ngi si yahay gisiŋ.

KORENTIHEY MUDUMBUŊ 10:31

Na so na, da ki zumam i mi, da kisam i mi, malla ko da ki gam i mi gar na, gaka ngi ga dudok da Buymisemuŋ.

KORENTIHEY MUDUMBUŊ 6:20

Buymisemuŋ a wuruk le ngi mbiɗa hirnga kumo, gaka dudok da Buymisemuŋ ti dumvu kumo so.

FILIPIHEY 1:11

Ki sa ndiram ti gi gwat mijeŋŋe haɗa, Yesu Kristu mavulo ndra di, ɓa ngi gi dudok da Buymisemuŋ, yo waɗ ngi hunumaŋ ti naŋ.

Ɗerewol TIT 2:10

Yo anja ko a huloko taŋ gwat neˀ ta, anja a bigaka teŋteŋ taŋ ndrehhe wãˀ jaka. Ɓa kanah na, mizli a sa ɗuvaka hirnga da dubuna ɓi ngi Milih ndra Buymisemuŋ.

Ɗerewol TIT 2:5

A gam wuya ta, a cam ar dili ta, a jaka hay taŋhaya kuy kuy, a gam mezle, a cinaka mi da zil taŋhaya, ɓa ko mizli a zaka ɓi ngi Buymisemuŋ ta.

PIYER MUDUMBUŊ NAŊ 2:12

Sey ki cifam ti gi gwat mezle a wuzla mizli ngi duniyahaya, da ko ara kupukum ɓi, a ɓukum, kum i migi malambaˀhay tekeɗe kwana, tapas Buymisemuŋ masa so na, ɓa a sa puraka gi gwat kum mezle tuwa, yo a sa hunumaka Buymisemuŋ.

PIYER MUDUMBUŊ NAŊ 4:11

Da mbur a ɓi di i ɓi na, sey a til mi ti ɓi ngi Buymisemuŋ. Da mbur a gi di i slra na, sey a ga ti gidaŋ Buymisemuŋ muvulaŋ di, ɓa mizli a hunumaka Buymisemuŋ kuy kuy wãˀ tisi Yesu Kristu, misi ti dudok waɗ gidaŋ hã ngi set ngi samadin! Amin.