Ɓimezle ngi Yesu Kristu ZAŊ mitil di mi 15:7 - Bible en langue guiziga

⁷ Da kum ada jom ati ya, yo mingiɓi ɗu kwana, naŋ da hur a kumo na, kum misa cufuɗam gwat kum mawuɗam le gar na, kisa lumam.

Ɓimezle ngi Yesu Kristu ZAŊ mitil di mi 15:7 ပူးပေါင်းရင်းမြစ်များ

BUYOY MUDUMBUŊ NAŊ 3:5

Ti Salomoŋ misi a Gabaˀoŋ a diga na, Bumbulvuŋ a bigaŋ vu ngi duvuɗ ar musuwun, a ɓaŋ: «Ki wuɗ i vuluw mike? Cufuɗiy!»

Ɗerewol JOP 22:26

Dar kisa lum mumul ɗik avu Misi Gidaŋ wãˀa, yo kisa zuɓa hirnga paɗ a muŋ ng'avu Buymisemuŋ.

Ɗerewol JOP 23:12

Ɓimuɗuva naŋ mubo ti balam naŋ na, ko i ngizli ava ta. Ɓiɓi micica naŋ, yi ja le a mevel ɗu fineˀ ɓi ɗuwoyo.

DIMISEY 119:11

Ɓi ka miɓa le na, i ra ja a mevel ɗu vur ya magi mungra avu ka.

DIMISEY 37:4

Mumul avu Bumbulvuŋ, a sa vuluw gwat ngi si mevel ɗike.

MIKUCUWULOY 10:24

Mazluwuna mbur misi moˀore, i gwat mandilawa ava, gwat mizli mijeŋŋehey mawuɗama, a sa vulaka taŋ di.

MIKUCUWULOY 4:4

Baha a dubuniy gwata, a ɓiy na: «Ja mingiɓi ɗu kuy kuy a mevel ɗike, gwat ya mawuɗ na, ja taŋ a hirnga, naɓa madiya ˀaw a zuma zay ɗike.

EZAYI 58:8

Kanah na, li minjahha ɗik a sa pur kaɓa li mawun, yo kisa luuma vu ɗik a muŋ kutum ma. Ki sa sipi di cirre i gi gwat mijeŋŋe, yo dudok ngi Bumbulvuŋ a sa gi i soje ɓaˀ a dirba ɗike.

ZEREMI 15:16

Ya muluma mingiɓi ɗike le lum si na, i nda suɗuk. Mingiɓi ɗike, a ciriy hiri le, a vuliy mumul migisiŋ le a hur ɗu. Bumbulvuŋ, Buymisemuŋ misi gidaŋ wãˀ, yi muvula le da ka.

Matiye 7:7

«Cufuɗam gwat, a sa vulukum. Sipam gwat, kisa lumam. Tilam mi ngi hay, a sa wunukum mizlingre.

Ɓimezle ngi Yesu Kristu ZAŊ mitil di mi 14:13

Ko mike gar, kum misa cufuɗam le ti slimiɗ ɗu na, i sa gaŋ, ɓa Cine a lum gi dudok tisi naŋ mujum ati Mangala.

Ɓimezle ngi Yesu Kristu ZAŊ mitil di mi 15:16

I kum miwinikiy ta, amma i ya muwunukum. Yi slinukum ɓa ki ram, ki ra yam zingaˀa, zingaˀ mazik haɗa. Naŋ kine, gwat gar kum misa cufuɗam le avu Baha ti slimiɗ ɗu na, a sa vulukum di.

Ɓimezle ngi Yesu Kristu ZAŊ mitil di mi 16:23

Naŋ kine, tapasa, kum anta sa cufuɗam ɓi neˀ avu ya mata. Gisiŋ gisiŋ, yi ɓukum na: da ki ra cufuɗam gwat avu Baha ti slimiɗ ɗu na, a sa vulukum di.

Ɓimezle ngi Yesu Kristu ZAŊ mitil di mi 8:31

Joˀ Yesu a ɓa Yudehey mitiɓakaŋ tuwa na: «Da ki cicam le zlak ar mingiɓi ɗu na, kum i mizli ngi si yahay gisiŋ.

Ɓimezle ngi Yesu Kristu ZAŊ mitil di mi 8:37

Yi si na le, kum i dideˀ ngi Abrahamay. Amma ki ra sipikiy, ɓa ki kiɗikiy vagay, asi mingiɓi ɗu anta ci a mevel kumo ta.

GALATAY 4:2

Amma ti naŋ misi i zuŋ aruŋ na, miji haŋ naŋhay, yo miji zlili naŋhay ada, hã a ndila hin ngi cine muɗuva.

GALATAY 5:16

Cinaka mingiɓi ɗu anihĩ: sipam jiviɗ ngi ˀUf Mipal mabiga, naɓa kum anta sa gam may gwat ngi dumvu kum mawuɗo mata.

Slu cuw 6:6

Mingiɓi ngir ɓimuɗuvahay, ya muɓuw taŋ dana ani na, anja a ndiram a mevel ɗike.

KOLOSOY 3:16

Anja Mingiɓi ngi Kristu a cifi ti gidaŋ haɗa a mevel kumo. Dubunam gwat, yo ɓam ɗaˀ ɗaˀ le ar wala kumo ti sinmijileŋ miwãˀ naŋ. Zlam dimis ngi ga sise da Buymisemuŋ ti mevel purla, hunumakaŋ ti dimis ngi Bumbulvuŋ, ti dimis maɓi ɓi ngi ˀUf Mipal mavula.

ZAŊ MUDUMBUŊ NAŊ 2:14

Ziri ɗuwoy, i ra tuhukum ɓi ani ma: «Ki sinaka Cine ndra le.» Kum cine ngi ziri, i ra tuhukum ɓi ani ma: «Ki sinaka mbur misi zle angi zli virzi naŋ na le.» Kum gawla ati diilihey, i ra tuhukum ɓi ani ma: «Kum gidaŋ, yo mingiɓi ngi Buymisemuŋ naŋ da a hur kumo.»

ZAŊ MUDUMBUŊ NAŊ 2:27

Amma kumo, ˀUf Kristu muvulukum di na, naŋ da a hur kumo. Kum anta ti may ngi mbur ngi dubunukum gwat ta. Vur mike na, ˀUf Mipala, gwat gar, naŋ madubunukum di na, naŋ jeŋŋe, ko slir anta anga ta. Ndiram jom ati ˀUf Mipala so. Asi mike na, a dubunukum gwat le.

ZAŊ MUDUMBUŊ NAŊ 3:22

Yo ko mike gar, ndra mucufuɗam le ava na, a vula ndra di, asi i ra jaka ɓimuɗuva ngi Buymisemuŋ a hirnga, yo i ra gam gwat maciraŋ hiri.

ZAŊ MUDUMBUŊ NAŊ 5:14

Ndra macicam a mbuŋ Buymisemuŋ manja zluwun na, asi da i ra cufuɗam gwat avu naŋ kaɓa naŋ mawuɗ na, ada cine ndra di.