Ɓimezle ngi Yesu Kristu ZAŊ mitil di mi 15:5 - Bible en langue guiziga

⁵ Yi gudubun, kum i mihaŋhay. Mbur mandir jom ati ya, ya kwana jom ati naŋ na, a sa yi locok locok haɗa. Mbele ya ta na, kum anta gam gwat ko neˀ gu ta.

Ɓimezle ngi Yesu Kristu ZAŊ mitil di mi 15:5 ပူးပေါင်းရင်းမြစ်များ

MIKUCUWULOY 11:30

Widis ngi siifa, i migir ngi mbur mijeŋŋe, mbur misi sinmijileŋ, mizli taŋ asi haŋ naŋ.

Ɗerewol OZE 4:8

A zumam di i useˀ ngi mikuli ngi mizli ɗuwoy, migaka ar mungra taŋ na, gwat taŋ mawuɗama, anja sey mizli ɗuwoy a gam mungra haɗa haɗa.

Matiye 13:21

Amma dimbasl anta va ta, i mbur mazik ta si. Da ara gakaŋ bonoy, malla ara guzuvrakaŋ asi ɓi ngi Buymisemuŋ tuwa na, a pula si.

Ɓimezle ngi Yesu Kristu ZAŊ mitil di mi 12:24

Gisiŋ gisiŋ, yi ɓukum na: da hilfa daw madiɗ a ruwuyo, a zĩˀĩ ta na, a ndir leŋ pal naŋ. Da a zĩˀĩ le na, a gi haɗa jak.

Ɓimezle ngi Yesu Kristu ZAŊ mitil di mi 15:16

I kum miwinikiy ta, amma i ya muwunukum. Yi slinukum ɓa ki ram, ki ra yam zingaˀa, zingaˀ mazik haɗa. Naŋ kine, gwat gar kum misa cufuɗam le avu Baha ti slimiɗ ɗu na, a sa vulukum di.

Ɓimezle ngi Yesu Kristu ZAŊ mitil di mi 5:19

Dar Yesu a mbiɗa taŋ di: «Gisiŋ gisiŋ, yi ɓukum na: Mangala, naŋ anta gi gwat ko loŋ ti hirnga naŋ gu ta, amma sey a gi di i gwat naŋ mapura avu Cine. Asi gwat Cine maga na, Mangala, a ga kanah vuna ya.

Ɓimezle ngi Yesu Kristu ZAŊ mitil di mi 9:33

Da mbur hana a so ti vu Buymisemuŋ ta na, anja a gi gwat ko neˀ le gu ta.»

SLRA 4:12

Milaha vu, i naŋ pal naŋ tewle. Asi gazlavay kurzluˀ gar na, Buymisemuŋ a vul slimiɗ mekelem da mizli, ɓa i laham ti naŋ na, anta.»

ROMAHAY 12:5

Naŋ kanah ya, ndra mujom ati Kristu na, ko ti ndra mihaɗi tekeɗe kwana, i tiram le i dumvu purla. Ndra purla purla gar, i jumom le kaɓa hirzlik ngi vuhoy mujumom ar li purla.

ROMAHAY 6:22

Amma wurenna, ki laham le tivu mungra, ki tiram le i beke ngi Buymisemuŋhoy. Ki ra gam gwat maga ɓa mburo, a tiri ngi Buymisemuŋ, yo kiɗa mi naŋ, i siifa ngi sete.

ROMAHAY 7:4

Sukum ɗuwoy, kumo kwana, kanah ya. Kum i mumucahay avu ɓimujuwa, asi kum mumicam jom ati dumvu ngi Kristu na, ɓa ki ndiram da mbur mekelem pal, mbur mislikiɗ ti wuzla mumucahay na, ɓa i gam gwat mezlehey da Buymisemuŋ muduba.

KORENTIHEY MUDUMBUŊ 10:16

Sikiɗ ngi ɗuwulami ndra magaka sise da Buymisemuŋ aseˀe na, a jumo ndra purla ati pumbus ngi Kristu ta kwa? Peŋ ndra mangilaka na, a jumo ndra purla ati vu ngi Kristu ta kwa?

KORENTIHEY MUDUMBUŊ 12:12

Naŋ kine, wukum ɓi ani ti wi: dumvu, naŋ purla, yo hirzlikey ava wal wal haɗi ngbaŋ. Amma ko ti hirzlik ngi dumvu mihaɗi na tekeɗe kwana, a jumom le i dumvu purla na si. Vur Kristu kwana, naŋ kanah ya.

KORENTIHEY MUDUMBUŊ 12:27

Naŋ kine, kum gar, kum i dumvu ngi Kristu, kum i hirzlik naŋhay, mbur gar ar li nga naŋ nga naŋ.

KORENTIHEY MUCUW NAŊ 13:8

Asi ndr'anta ti gidaŋ ngi tika ɓi mikaslsla ta. Gidaŋ ndra, sey vur ɓi mikaslsla jaka.

KORENTIHEY MUCUW NAŊ 9:10

Buymisemuŋ mavul hilfa gwat da mbur mizligi, yo naŋ mavulaŋ ɗaf na, a sa vulukum hilfa ngi gwat gar, a sa ska haɗa, yo a sa gila ma gar, ɓa vul kum ti gula, ti hazum na, a sa yi vu haɗa.

GALATAY 5:22

Amma gwat ˀUf Mipal maya a hur mburo n'anihĩ: wuɗavu, mumul, zuy zuy, ɓusa ɓi, gimezle, mevel mezle, gi teŋteŋ,

EFESEY 5:9

Asi li minjahha a bo ti gimezle, gi gwat mikaslsla ati mijeŋŋe.

FILIPIHEY 1:11

Ki sa ndiram ti gi gwat mijeŋŋe haɗa, Yesu Kristu mavulo ndra di, ɓa ngi gi dudok da Buymisemuŋ, yo waɗ ngi hunumaŋ ti naŋ.

FILIPIHEY 4:13

Ko mike gar na, i ɓusa gu, asi Kristu matiri ti ya gidaŋ gidaŋ.

FILIPIHEY 4:17

Y'anta i pur di i jiviɗ ngi luuma gwat ngatara ta, amma yi wuɗ, anja ɓesde a gi ar gwat ngi gi kumo.

KOLOSOY 1:10

ɓa kahana na, ki cifam ka Bumbulvuŋ mawuɗ, yo ɓa ki sipam gi gwat maciraŋ hiri wãˀ. Joˀ kisa gam slra mezle ti sukwi wal wal gar, yo kisa sinaka Buymisemuŋ nga mbuŋ nga mbuŋ.

KOLOSOY 1:6

mindil hã a hay kum na. Ɓimezle ara yi zinga, yo ara njih nga mbuŋ nga mbuŋ ar duniya keɗeɗe gar. Naŋ kanah ya, a gi le a wuzla kumo, zle ti hin kum misinaka Buymisemuŋ ara gukum mezle ar ɓi mikaslsla naŋ na,

Ɗerewol ZAK 1:17

Gwat ngi vul mupuɗaw puɗaway ati gwat ngi vul ngatara mikaslsla wãˀ gar na, a poko sar paɗ ti muŋ, tivu Buymisemuŋ, buy ngi gwat mupusluɗa lihey. Naŋ, naŋ anta mbiɗi ta, naŋ anta wus ta, yo naŋ anta gi luvuŋ ta.

PIYER MUDUMBUŊ NAŊ 2:4

Kirohoko ng'avu Buy Yesu, naŋ i ɗugur misi titiri, mizli mihizigaka avra na. Amma Buymisemuŋ, a winaŋ le, i ɗugur hirnga wãˀ.

PIYER MUCUW NAŊ 3:18

Amma a ram nga mbuŋ ti gi mezle, yo ar si na Buy ndra Yesu Kristu Milih ndra na. Anja dudok a ndir da naŋ, zle wurenna, hã ngi samadin! Amin.