Ɓimezle ngi Yesu Kristu ZAŊ mitil di mi 15:4 - Bible en langue guiziga

⁴ Ndiram jom ati ya, ka ya mujom ati kum na ya. Mihaŋ ngi gudubun a yi pal naŋ gu ta, sey da naŋ da kaˀ avu madiya naŋ far. Kumo kwana, kanah ya, da kum anta jom ati ya ta na, ki yam gu ta.

Ɓimezle ngi Yesu Kristu ZAŊ mitil di mi 15:4 ပူးပေါင်းရင်းမြစ်များ

DIMIS MIMEZLE 8:5

Ngwas maso ani a diga tir li papala, ginasl ti mikiɗa may naŋ na, i waka? I puɗuko ka asi widis mezle ngi zum ar li munuk miga hur ɗik ara, ar li munuk miyuw anga

Ɗerewol OZE 14:8

Mizli mipam zleˀe a susuɗuk naŋ, a sa moko a muŋ, a sa hufam alkamari, a sa sikam kaɓa gudubun, yo slimiɗ naŋ a sa zil ti mezle kaɓa slimiɗ ngi mbaazla ngi Libaŋ.

Matiye 12:33

«Da widise naŋ kuy kuy na, naɓa yi naŋ i mezle ya. Da widise naŋ uy kuy ta na, naɓa yi naŋ kwana, i malambaˀ aya. A sinaka widis avu yi naŋ.

Ɓimezle ngi Yesu Kristu LUK mitil di mi 8:15

Misi angi li mezle na, i mizli macinam mingiɓi tuwa ti mevel mezle, mukuy, yo majaka a hirnga, a hurdumom, hã a sikam.

Ɓimezle ngi Yesu Kristu ZAŊ mitil di mi 14:20

Tapasa, kisa sinaka, ya jom ati Baha, kumo, kum jom ati ya, yo ya kwana jom ati kum aya.

Ɓimezle ngi Yesu Kristu ZAŊ mitil di mi 17:23

Ya, ya jom ati taŋ, ka kwana, ka jom ati ya, ɓa a ndilaka jum mupurla wãˀ na, ɓa duniya a sina, i ka mislino ya, yo ki wuɗa taŋ le kaɓa ka muwuɗiy na ya.

Ɓimezle ngi Yesu Kristu ZAŊ mitil di mi 6:56

Mbur mazum meficek ngi vu ɗu, yo masi pumbus ɗu na, naŋ da jom ati ya, yo ya kwana, y'ada jom ati naŋ ya.

Ɓimezle ngi Yesu Kristu ZAŊ mitil di mi 8:31

Joˀ Yesu a ɓa Yudehey mitiɓakaŋ tuwa na: «Da ki cicam le zlak ar mingiɓi ɗu na, kum i mizli ngi si yahay gisiŋ.

SLRA 11:23

Ti naŋ mindil na, a pura gimezle Buymisemuŋ miga da mizli na le, a mumul haɗi, a vula taŋ gidaŋ ɓa a ndiram gumbaˀ avu Bumbulvuŋ ti mevel taŋ wãˀ.

SLRA 14:22

A tusoko didak da mitiɓiheye, a vulaka taŋ gidaŋ ɓa a cicam zlak ar tiɓi, a ɓam: «Sey i cohom tir bonoy haɗi far, ɓa i sa cam ar Zumabuy ngi Buymisemuŋ.»

KORENTIHEY MUCUW NAŊ 13:5

Kum vuna, puraka mevel kumo ti haŋ kum tehhe a muŋ. Kum mitiɓam na, kum ada sipaka kwa mbrike na, bigaka so. Malla Yesu Kristu naŋ da a hur kumo na, ki sinaka ta kwa? Sey da ɓi ngi Kristu kum mitiɓaka na, ki ndilaka bigi naŋ ta far.

GALATAY 2:20

Ya ti siifa ɓula, amma i ya mata, i Kristu misi a hur ɗu. Asi ya misi ti siifa wurenna na, i ndir di ti tiɓa Mangal ngi Buymisemuŋ muwuɗ ya, naŋ muvula hirnga naŋ asi ya.

EFESEY 3:17

Anja a ga ɓa Kristu a cifi a hur kumo tisi tiɓi kum na, ɓa ki diram virzi hǝɗ hǝɗ wãˀ, yo zlak kuy kuy ar wuɗavu ngi Kristu.

FILIPIHEY 1:11

Ki sa ndiram ti gi gwat mijeŋŋe haɗa, Yesu Kristu mavulo ndra di, ɓa ngi gi dudok da Buymisemuŋ, yo waɗ ngi hunumaŋ ti naŋ.

KOLOSOY 1:23

Amma so na, kum mitiɓam na, anja ki cicam kuykuy, zlak gidaŋ gidaŋ, anja ki pulaka vu kum, ki kiraham kileŋ avu njaha hiri angi Ɓimezle, kum micinaka na ta. Ɓimezle mitilam di mi da mizli asi gazlavay kurzluˀ gar na, ya Polo, i tiri le yi mbur migi slra nah.

KOLOSOY 1:27

Buymisemuŋ a wuɗ ɓa mizli naŋhay a sinaka ɓi muɗum nah na, i ɓi madiɗa, yo naŋ ti dudok haɗa a wuzla mizli duniyahaya. Mbiɗeˀvra: Kristu a wuzla kum, kum minjah hiri asi dudok naŋ na vurˀeŋ.

KOLOSOY 2:6

Naŋ kanah, ani, ki tiɓaka Yesu Kristu le, i Buy kum. Na, zuɓaka jiviɗe jom ati naŋ so.

TESALONIKEY MUDUMBUŊ NAŊ 3:5

Manja cine ɓi kumo na, yi ɓusa gu mata, ya mislina Timote ɓa ra cino ndra ɓi kumo na vurˀeŋ. Ki roko ti tiɓi kum aruŋ ta kwa? I ra zluwun, yi wa na, mitikinavu a tikinukum le. Naɓa slra ndra migiram di kupuyah wãˀ na, a zizi le ngataraŋ.

HEBEREY 10:39

Ndra, ndr'i mizli mamam nga durba, ɓa nga zizi na ta. Amma ndr'i mizli matiɓam ngi laha musuɗuk ndrahay.

ZAŊ MUDUMBUŊ NAŊ 2:6

Mbur mawa kaɓa naŋ jom ati Buymisemuŋ na, sey naŋ vuna a sipi jiviɗ mupurla ka Yesu misipa na ya.

ZAŊ MUCUW NAŊ 1:9

Ko wa gar macici zlak ar dubun ngi Kristu ta, amma maru kileŋ fineˀ nah ma na, naŋ manja Buymisemuŋ a hur naŋ. Mbur macici zlak ar dubun ngi Kristu na, naŋ ati Cine waɗ ati Mangala.