Ɓimezle ngi Yesu Kristu ZAŊ mitil di mi 15:24 - Bible en langue guiziga

²⁴ Slra tayna, ya miga taŋ a wuzla taŋ na, da i slra misi mbur miga taŋ ɗaˀ zleˀe ta na, anja mungra anta avu taŋ ta. Amma wurenna, a puraka le ngbaŋ, na kwana, ara gam mesene ti ndra ati Baha ɓula na si.

Ɓimezle ngi Yesu Kristu ZAŊ mitil di mi 15:24 ပူးပေါင်းရင်းမြစ်များ

DIMISEY 81:15

anja ani i tikaˀay le zlezle da mesene taŋhaya, yo anja i kiɗa mizli maguzuvuraka taŋ na le.

BI NGI ISRAYELEY 20:5

Ko ki huruk huruk a mbuŋ gwat misi ka tayna ta, yo ki gi gwat asi taŋ ta ma, asi Bumbulvuŋ Buymisemuŋ ɗik i ya, yi Buymisemuŋ mawuɗ vu suloŋ suloŋ. Da mbur ara gi mesene ti ya na, i sa kuta ti bonoy, zle avu naŋ hã dideˀ dideˀ makir malla mufaɗa.

MIKUCUWULOY 8:36

Amma mbur magiy gwat ngi ji mevel na, a hiryi di i vu naŋ tehhe a muŋ, mizli mahirsikiy gar na, a wuɗam di i mucu.

Matiye 11:5

Dangaray ara puram, jegwerey ara ram, misi kukulahay a ɗiyam le, midigizlahay ara cinam, mumucahay ara slikiɗam, yo ara tilam mi ti Ɓimezle da misi murgahaya.

Matiye 21:32

Asi mike na, Zaŋ a so avu kumo, a bugukum jiviɗ mijeŋŋe na, ki tiɓaka ɓi naŋ ta, amma i micikila buutuhoy ati ngwas sulomehey mitiɓaka ɓi naŋ jaka. Ko ti kum mupuraka kanah kwana, ki mbiɗaka mevel kumo ɓa ki tiɓaka ɓi naŋ ta na si.

Matiye 9:33

Yesu muɓula setene ɓak si na, mbur tuwa a zla a ɓi ɓi. Ɓi nah a zuma hirnga da zigiduwo teˀe, a ɓam: «Ko i puram gwat kahana angi hirwuy Israyele ɗaˀ ta wãˀ!»

Mark 2:12

Mbur a slikiɗi. Ar nah si na, a zuɓa cacala naŋ, a bi a mihiri ngi mizli gar, hã a zuma taŋ hirnga teˀ da mizli gar, a gaka dudok da Buymisemuŋ, a ɓam: «Ko i puram gwat kahana ɗaˀ ta wãˀ!»

Ɓimezle ngi Yesu Kristu LUK mitil di mi 24:19

A ɓa taŋ: «I gwat mihey migam ska?» A mbiɗakaŋ di: «Gwat migi avu Yesu mbur Nazarete! Naŋ i mijiviɗ migidaŋ ngi gi slra ati ngi ɓi ɓi a mbuŋ Buymisemuŋ waɗ a mbuŋ mizli gar.

Ɓimezle ngi Yesu Kristu ZAŊ mitil di mi 10:32

Dar Yesu a ɓa taŋ: «Yi bugukum slra mezlehey le haɗa, ya miga taŋ ti gidaŋ ngi Baha. Na, ki wuɗo kuyupikiy na, asi slra wana a wuzla taŋ ka?»

Ɓimezle ngi Yesu Kristu ZAŊ mitil di mi 10:37

Da ya magi na, i slra ngi Baha ta na, kum ndiram manja ki tiɓaka ɓi ɗu!

Ɓimezle ngi Yesu Kristu ZAŊ mitil di mi 12:10

Zle ti nah na, masay madiɗahay a juwaka le a mevel taŋ ɓa a kiɗaka Lazara vagaya ya.

Ɓimezle ngi Yesu Kristu ZAŊ mitil di mi 12:45

Yo mbur mapuriy na, a pur di i mbur mislino ya.

Ɓimezle ngi Yesu Kristu ZAŊ mitil di mi 14:9

Yesu a ɓaŋ: «Yi zik le haɗa ati kumo, dambalaka ki siniy t'aruŋ kwa Filip? Mbur mupuriy le na, naɓa a pura Baha le si. Ki ɓi: ‹Buga ndra Bunuko› na, mbri mbrike?

Ɓimezle ngi Yesu Kristu ZAŊ mitil di mi 15:21

Amma a sa gukum gwat hana gar na, asi slimiɗ ɗu, asi a sinaka mbur mislino ya ta.

Ɓimezle ngi Yesu Kristu ZAŊ mitil di mi 15:22

Da yi so zleˀe ta, yo da yi ɓa taŋ ɗaˀ le zleˀe ta na, anja mungra anta avu taŋ ta. Amma wurenna, mungra taŋ anta pul teˀe ta.

Ɓimezle ngi Yesu Kristu ZAŊ mitil di mi 15:23

Mbur magi mesene ti ya na, a gi di i mesene ti Baha.

Ɓimezle ngi Yesu Kristu ZAŊ mitil di mi 16:9

Mizli ngi duniyahay a zluɓaka le avu ɓi ngi mungra na, asi t'anta tiɓikiy ta.

Ɓimezle ngi Yesu Kristu ZAŊ mitil di mi 3:2

A so luuma Yesu ngi duvuɗ, a ɓaŋ: «Kumani, i sinaka le, Buymisemuŋ a slino ka ɓa ki dubuna ndra gwat, asi cekene ka maga na, ko mbur maga gu kanah anta, sey da Buymisemuŋ naŋ da ati naŋ far.»

Ɓimezle ngi Yesu Kristu ZAŊ mitil di mi 5:36

Na, sedewo ya maga na, naŋ fineˀ ngi Zaŋ, i slrahay Baha muvuliy taŋ ɓa i ga taŋ. I ra ga taŋ. Maga sedewo ɗu, i Baha mislino ya na, i naŋ.

Ɓimezle ngi Yesu Kristu ZAŊ mitil di mi 6:36

Amma yi ɓukum di le: ki purikiy le ngbaŋ, ti nah gar kwana, kum anta tiɓaka ta.

Ɓimezle ngi Yesu Kristu ZAŊ mitil di mi 7:31

Mizli haɗa a wuzla zigiduwo, a tiɓakaŋ le, a ɓam: «Ti Mesi misa so le na, a sa gi cekenehey mifineˀ ngi mbur hana miga na kwa?»

Ɓimezle ngi Yesu Kristu ZAŊ mitil di mi 9:32

Mbur a wun hiri ngi mbur miyaka cak i dangar na, i cinam ɓi nah ɗaˀ ta.

Ɓimezle ngi Yesu Kristu ZAŊ mitil di mi 9:41

Yesu a mbiɗa taŋ di: «Da kum i dangaray zleˀe na, anja ani, mungra anta avu kumo ta. Amma wurenna ki ɓam: ‹I ra puram.› Mungra kumo naŋ da ndrehhe na, vurˀe.»

SLRA 10:38

Ki sinaka le, Yesu ngi Nazarete, Buymisemuŋ a vulaŋ gidaŋ ngi ˀUf Mipala le, a liˀi ti gimezle ar lihey gar, a mbulo mizli muroko asi haŋ ngi Satanaya le gar, asi Buymisemuŋ naŋ da ati naŋ.

SLRA 2:22

«Kum Israyeley, cinaka mingiɓi ɗu ani: Yesu ngi Nazarete, i mbur Buymisemuŋ mibiga gidaŋ naŋ le ti naŋ. Buymisemuŋ miga cekenehey, gwat migam ɗa tahay ati gwat ngi zuma hirngahay wuzla kum na, mbele naŋ. Kum ti hirnga kumo, ki sinaka le.

ROMAHAY 1:30

ɓi ɓi malambaˀ ar wala taŋ, gi mesene ti Buymisemuŋ, wuɗa mi, pura vu ka mbur madiɗa, huhumvu, puram jiviɗ ngi gi malambaˀ da mizli, cine mi ta da miyi taŋhay.

Slu cuw 5:9

Ki huruk a mbuŋ kuli tayna ta, yo ki huruk huruk a mbuŋ taŋ ta. Asi Bumbulvuŋ Buymisemuŋ ɗik i ya, yi Bumbulvuŋ mawuɗ vu suloŋ suloŋ. Da mbur a giy mungra le na, i kutaŋ ti bonoy ati ziri naŋhaya, da a hirisikiy le na, i kuta taŋ hã avu dideˀ ngi poprok hã avu dideˀ ngi misintiwaka.

TIMOTE MUCUW NAŊ 3:4

A sa vulam mizli ngi ji, a sa jam mevel haɗa, huhumvu a sa hulfo taŋ, a sa wuɗam gwat macira taŋ hiri, mbak Buymisemuŋ le jak.

Ɗerewol ZAK 4:4

Gwat sulomehey lambaˀ! Ji ngama ti duniya, i gi mesene ti Buymisemuŋ na, ki sinaka takwa? Mbur mawuɗ ji ngama ti duniya na, kite ara gi mesene ti Buymisemuŋ.