Ɓimezle ngi Yesu Kristu ZAŊ mitil di mi 15:21 - Bible en langue guiziga

²¹ Amma a sa gukum gwat hana gar na, asi slimiɗ ɗu, asi a sinaka mbur mislino ya ta.

Ɓimezle ngi Yesu Kristu ZAŊ mitil di mi 15:21 ပူးပေါင်းရင်းမြစ်များ

DIMISEY 69:7

Bumbulvuŋ, Buymisemuŋ, misi gidaŋ wãˀ, mizli manjaham hiri asi ka na, anja i pa taŋ mesem ta. Buymisemuŋ ngi Israyel, mizli miteŋteŋ ɗikeye, anja i so taŋ ti futuru ta!

EZAYI 66:5

Kum mizli majijikam ti mingiɓi nga ya Bumbulvuŋ na, cinaka mingiɓi, ya maɓukum di ani: Sukum kumoy mahirsukum, yo maɓulukum avra vur ya na, a ɓam ani: «Anja ya Bumbulvuŋ i biga dudok ɗu, yo anja ɓa a puraka zluzluɓ kumo kini.» Na masa pam mesem i taŋ vuna jaka.

Matiye 10:18

A sa ram ti kum nga mbuŋ buy miwi lihey waɗ nga mbuŋ buy madiɗahay asi ɓi ɗu. Ki sa gam sedewo ɗu a mbuŋ taŋ waɗ a mbuŋ mizli Yude tahaya.

Matiye 10:22

Mizli gar a sa hirsukum asi ya. Amma da mbur micici le zlak hã avu kiɗa mi naŋ na, a sa lih.

Matiye 10:39

Mbur mawuɗ laha siifa naŋ na, a sa zizaŋ. Amma mbur miziza siifa naŋ le asi ya na, a sa luuma a muŋ.

Matiye 24:9

Dar mizli a sa vulukum ng'ar bonoy, a sa kuɗukum vagay vagay. Mizli duniyahay gar a sa gam mesene ti kum asi slimiɗ ɗu.

Matiye 5:11

Da mizli ara zukum, da ara supukum nder nder, da a roko slam slir lambaˀ lambaˀ a hirnga kum asi ya na, yawwa, mumulom.

Mark 13:13

Mizli gar a sa gam ti kum mesene asi slimiɗ ɗu. Amma mbur micici le zlak hã avu kiɗa mi naŋ na, a sa lih.»

Ɓimezle ngi Yesu Kristu LUK mitil di mi 21:12

Amma dumbuŋ angi gwat tayna na, a sa jukum, a sa supukum nder nder, a sa vulukum ɓa a gukum kiita ar hay ngi dira dibiɗey, a sa cukum angi dangay. A sa ram ti kum a mbuŋ buy madiɗahay, yo a mbuŋ madiɗa ngi ruwuyoy, asi slimiɗ ɗu.

Ɓimezle ngi Yesu Kristu LUK mitil di mi 21:17

Mizli gar a sa gam mesene ti kum asi slimiɗ ɗu.

Ɓimezle ngi Yesu Kristu LUK mitil di mi 6:22

«Da mizli ara gam mesene ti kum, ara ɓulukum avra, ara zukum, yo ara vusoko slimiɗ kumo, asi Mangal ngi mbur na, yawwa kum mumulom!

Ɓimezle ngi Yesu Kristu ZAŊ mitil di mi 15:24

Slra tayna, ya miga taŋ a wuzla taŋ na, da i slra misi mbur miga taŋ ɗaˀ zleˀe ta na, anja mungra anta avu taŋ ta. Amma wurenna, a puraka le ngbaŋ, na kwana, ara gam mesene ti ndra ati Baha ɓula na si.

Ɓimezle ngi Yesu Kristu ZAŊ mitil di mi 16:3

A sa gam kahana, asi a sinaka Baha ta, ko a sinikiy ya ta ma.

Ɓimezle ngi Yesu Kristu ZAŊ mitil di mi 17:25

Baha mijeŋŋe, duniya a sinuw ta, amma ya i sinuw le. Taŋ hanayna, a sinaka le, i ka mislino ya.

Ɓimezle ngi Yesu Kristu ZAŊ mitil di mi 8:19

Dar a ɓakaŋ: «Bunuk vuna naŋ amaka?» Yesu a mbiɗa taŋ di: «Ki sinikiy ya ta, yo ki sinaka Baha ta ma. Da ki sinikiy le zleˀe na, anja ani, ki sinaka Baha le zleˀe ya.»

Ɓimezle ngi Yesu Kristu ZAŊ mitil di mi 8:54

Yesu a mbiɗa taŋ di: «Da i ya maga dudok da hirnga ɗu tehhe a muŋ zleˀe na, naɓa dudok ɗu a bigi gwat neˀ ta. Magiy dudok i Baha, i naŋ kum maɓam i Buymisemuŋ kumo na.

Ɓimezle ngi Yesu Kristu ZAŊ mitil di mi 8:55

Kumo, ki sinakaŋ ɗaˀ ta, amma ya i sinaŋ le. Da yi ɓi le i sinaŋ ta na, ɓa yi tiri misi slir le ka kum vuna ya. Amma yi sinaŋ le, i ra ja mingiɓi naŋ a hirnga.

SLRA 17:23

Da ya mira liˀi a jiviɗ ngir walahay kumoy gar na, yi ɗuva hiri ndrehhe ar kulihey kum madilkam a mbuŋ taŋ, yo yi lum li gi mikuli mekelem ada na, a tohoko ava: ‹Da kuli manja sin.› Kuli kum madilkam ava, manja si na slimiɗ naŋ nah, ya muso na, a tulukum mi ti ɓi naŋ vuna.

SLRA 26:9

«Ya ti hirnga ɗu, yi cik vu le zleˀe haɗi ngi hirya slimiɗ ngi Yesu ngi Nazarete ti wer mbeˀ mbeˀ haɗi.

SLRA 3:17

«Sukum ɗuwoy, yi si na le, dambalaka kum ati mizli madiɗa kumoy gar na, ki gam tir manja sin naŋ.

SLRA 4:17

Amma ɓa ɓi naŋ a njih nga mbuŋ a wuzla mizli mata na, sey i gaka taŋ zluwun, ɓa zle dana, ko waka gar, a ɓi ɓi ti slimiɗ ngi Yesu mata.»

SLRA 5:41

Dar misliney a bam ti mbuŋ mingila wuyoyo, a mumulom haɗi, asi Buymisemuŋ a pura taŋ a ndilaka le, ɓa a sam bonoy asi slimiɗ ngi Yesu.

SLRA 9:14

Yo aka kwana, masay madiɗahaya, a pulakaŋ jiviɗ le ɓa mizli mazilaka slimiɗ ɗik gar na, a juwa taŋ ti celelu.»

SLRA 9:16

Asi mike na, ya ti hirnga ɗu, gwat naŋ masa si bonoy vurˀe gar asi slimiɗ ɗu na, i sa bigaŋ di.»

ROMAHAY 1:28

Yo taŋ mungumam si na Buymisemuŋ ta na, Buymisemuŋ a pula taŋ mbak angi lesl taŋ manja sli wala na vurˀe, a gam gwat mizlir ngi gi zleˀe ta.

KORENTIHEY MUDUMBUŊ 15:34

Pulaka gi biyã biyãˀa gisiŋ wãˀ, yo pulaka gi mungra. Asi mizli mekelemey a wuzla kumo, a sinaka Buymisemuŋ ta. Ya maɓa na, ɓa a gukum mesem.

KORENTIHEY MUDUMBUŊ 2:8

A wuzla buy ngi duniya hanayna, ko pal misinaŋ, anta. Asi da a sinakaŋ le zleˀe na, anja a diraka Buy misi ti dudoko ta.

TESALONIKEY MUCUW NAŊ 1:8

A sa sawa a wuzla vu matiɓi njilim njilim. Ti nah na, mizli mangumam tiɓa Ɓimezle ngi Buy ndra Yesu ta gar na, a sa kuta taŋ.

ZAŊ MUDUMBUŊ NAŊ 3:1

Puraka, Cine ndra muwuɗ ndra na ɗi. Wuɗavu naŋ na, naŋ haɗi, hã a zilam ndra ziri ngi Buymisemuŋhoy. Ndr'i ziri naŋhay gisiŋ. Puraka, duniya masina ndra gu ta na, asi a si na Buymisemuŋ ta.

ZAŊ MIMAKIR NAŊ 1:7

Asi zuɓa mulak taŋ na, naŋ vur slimiɗ ngi Kristu. A lumam gwat neˀ avu mizli duniyahaya ta.

ƁIMUNJUYO 2:3

Kˀada ki ɓus ɓi, ki si bonoy le asi ya, amma ko ki gi vagas ta.