Ɓimezle ngi Yesu Kristu ZAŊ mitil di mi 15:18 - Bible en langue guiziga

¹⁸ «Da duniya ara gi mesene ti kum na, sinaka sin le, naɓa a gi mesene le ti ya dumbuŋ.

Ɓimezle ngi Yesu Kristu ZAŊ mitil di mi 15:18 ပူးပေါင်းရင်းမြစ်များ

BUYOY MUDUMBUŊ NAŊ 22:8

Akap, buy Israyel a mbiɗaŋ di: «Mbur mekelem ada aka, anja zliv i cufuɗaka Bumbulvuŋ ava gu, amma ya i wuɗ ɓi naŋ ta, asi naŋ anta ɓi ɓi mezle masa gi ar ya ta, amma sey ɓi malambaˀ tewle: i Mise, mangal ngi Imla.» Dar Zozafat a ɓa Akapa: «Kay, ka buyo anja ki ɓi kanah ta.»

MIKUCUWULOY 29:27

Mbur magi gwat ɗalla ta na, mizli mijeŋŋehey a puraka kuy avu hiri ta wãˀ, mbur masipi jiviɗ micirre na kwana, misi moˀorehey a purakaŋ kuy avu hiri ta wãˀ aya.

EZAYI 49:7

Ka, mizli maburɗukuw, mizli mahirsukuw, ka beke ngi misi moˀorehey, Bumbulvuŋ mimbiɗi hirnga ngi mizli, Buymisemuŋ mipal wãˀ ngi Israyele, a ɓuw na: «Da buy madiɗahay misa purukuw le na, a sa slikiɗam ti ka, yo yarmahay kwana, a sa hurukom a mbuŋ ɗike. A sa gaka kanah na, ngi ɗuva hirnga da ya Bumbulvuŋ miteŋteŋ, da ya Buymisemuŋ Mipal ngi Israyel muwunuw na.»

EZAYI 53:3

I mbur mizli mihirsakaŋ le, mupulakaŋ le fuku, i mbur ngi bonoy, misirik le ti vu ngi ji, naŋ kaɓa mbur ngi ɗuf hiri ng'ar naŋ mata, kanah, i mbur mihirsa le, ko i slufakaŋ kaɓa i mbur mata.

EZAYI 66:5

Kum mizli majijikam ti mingiɓi nga ya Bumbulvuŋ na, cinaka mingiɓi, ya maɓukum di ani: Sukum kumoy mahirsukum, yo maɓulukum avra vur ya na, a ɓam ani: «Anja ya Bumbulvuŋ i biga dudok ɗu, yo anja ɓa a puraka zluzluɓ kumo kini.» Na masa pam mesem i taŋ vuna jaka.

ZAKARI 11:8

Akẽh na, i susuymo mijigin mimakireye ar kiya purla. A dirba nah, i ɓusa ɓi taŋ mata, yo taŋ kwana, t'anta purikiy kuy avu hiri mata ya.

Matiye 10:22

Mizli gar a sa hirsukum asi ya. Amma da mbur micici le zlak hã avu kiɗa mi naŋ na, a sa lih.

Matiye 24:9

Dar mizli a sa vulukum ng'ar bonoy, a sa kuɗukum vagay vagay. Mizli duniyahay gar a sa gam mesene ti kum asi slimiɗ ɗu.

Matiye 5:11

Da mizli ara zukum, da ara supukum nder nder, da a roko slam slir lambaˀ lambaˀ a hirnga kum asi ya na, yawwa, mumulom.

Mark 13:13

Mizli gar a sa gam ti kum mesene asi slimiɗ ɗu. Amma mbur micici le zlak hã avu kiɗa mi naŋ na, a sa lih.»

Ɓimezle ngi Yesu Kristu LUK mitil di mi 6:22

«Da mizli ara gam mesene ti kum, ara ɓulukum avra, ara zukum, yo ara vusoko slimiɗ kumo, asi Mangal ngi mbur na, yawwa kum mumulom!

Ɓimezle ngi Yesu Kristu ZAŊ mitil di mi 16:1

«Yi ɓukum ɓi hana gar na, ɓa ki cam ar mungra ta.

Ɓimezle ngi Yesu Kristu ZAŊ mitil di mi 16:33

Yi ɓukum ɓi hana, ɓa kum mujom ati ya na, ki ndiram zuy zuy. Ki sa sam bonoy ar duniya hana, amma ki zluwunam ta, yi pa hirnga le da duniya!»

Ɓimezle ngi Yesu Kristu ZAŊ mitil di mi 3:20

Naŋ kine, ko wa gar magi gwat malambaˀ na, a hirsa li minjahha, a ngum so ng'ara ta, a zluwun vur gwat ngi gi naŋ malambaˀhay tuwa masa njikam.

Ɓimezle ngi Yesu Kristu ZAŊ mitil di mi 7:7

Duniya a tiri mesene kum gu ta, amma ya, a tiri mesene ɗu gu, asi ya maɓa njah njah, gwat ngi gi naŋhay i malambaˀhay na.

SLRA 14:22

A tusoko didak da mitiɓiheye, a vulaka taŋ gidaŋ ɓa a cicam zlak ar tiɓi, a ɓam: «Sey i cohom tir bonoy haɗi far, ɓa i sa cam ar Zumabuy ngi Buymisemuŋ.»

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.

Ɗerewol ZAK 4:4

Gwat sulomehey lambaˀ! Ji ngama ti duniya, i gi mesene ti Buymisemuŋ na, ki sinaka takwa? Mbur mawuɗ ji ngama ti duniya na, kite ara gi mesene ti Buymisemuŋ.

ZAŊ MUDUMBUŊ NAŊ 3:1

Puraka, Cine ndra muwuɗ ndra na ɗi. Wuɗavu naŋ na, naŋ haɗi, hã a zilam ndra ziri ngi Buymisemuŋhoy. Ndr'i ziri naŋhay gisiŋ. Puraka, duniya masina ndra gu ta na, asi a si na Buymisemuŋ ta.

ZAŊ MUDUMBUŊ NAŊ 3:13

Sukum ɗuwoy, da duniya ara hirsukum na, anja ɓi nah a zumukum hirnga ta.

ZAŊ MUDUMBUŊ NAŊ 3:3

Yo ko wa gar minjih hiri le njah angi naŋ na, naŋ manja dili, kaɓa Kristu, naŋ manja dili na ya.