Ɓimezle ngi Yesu Kristu ZAŊ mitil di mi 15:16 - Bible en langue guiziga

¹⁶ I kum miwinikiy ta, amma i ya muwunukum. Yi slinukum ɓa ki ram, ki ra yam zingaˀa, zingaˀ mazik haɗa. Naŋ kine, gwat gar kum misa cufuɗam le avu Baha ti slimiɗ ɗu na, a sa vulukum di.

Ɓimezle ngi Yesu Kristu ZAŊ mitil di mi 15:16 ပူးပေါင်းရင်းမြစ်များ

ZLI VIRZI 18:18

Anja sey Abraham a ɗuv sukwi madiɗa taˀa, sukwi migidaŋ. Sukwi ngi mizli ngisi ruwuyoy gar a sa lumam ɗuwula mi ti seˀeŋ.

DIMISEY 145:4

Gwat ka miga na, mizli masa ya ka taŋ, a sa ɓaka ɓi nah nga mbuŋ nga mbuŋ, a sa tilam mi ti ɓi ngi gwat madiɗahay, ka miga taŋ.

DIMISEY 71:18

Aw Buymisemuŋ ɗu, wurenna i gi gal le, yo ya hol tullo. Gar ti nah kwana, anja ki puliy fuk ta: dar i sa til mi ti ɓi ngi slra ngi gidaŋ ɗike da mizli migwene hanayna, yo wirwir ɗike, i sa til di mi da ziri masa ya ka taŋ nga mbuŋ.

MIKUCUWULOY 11:30

Widis ngi siifa, i migir ngi mbur mijeŋŋe, mbur misi sinmijileŋ, mizli taŋ asi haŋ naŋ.

EZAYI 27:6

Ti mbuŋ na, mizli ngi Zakopoy a sa pam dimbasl, Israyel a sa hil mufuyuk, a sa ɗiɗi pircici, a sa nahaka ruwuyo ti yi taŋ.

MISE 5:7

Akẽh na, Israyeley mindirama, a sa tiram a wuzla sukwi mihaɗa, kaɓa mobor a wuzla gwat misahmi ngi ɓuhoy, kaɓa zinga ngi mobor a wuzla tumuŋ gezleŋ taˀ. Da naŋ mira cuh gar na, a ja gwata, a ngira, amma ko mbur malaha ginewe gu ti vaˀa anta.

Matiye 21:22

Gwat kum masa cufuɗam gar ar dira dibiɗ ti tiɓi na, kisa lumakaŋ.»

Matiye 7:7

«Cufuɗam gwat, a sa vulukum. Sipam gwat, kisa lumam. Tilam mi ngi hay, a sa wunukum mizlingre.

Ɓimezle ngi Yesu Kristu LUK mitil di mi 6:13

Li naŋ muwun na, a zilo mizli ngi seˀeheye, a wini kuruˀ nga cuw a wuzla taŋ, a ca taŋ slimiɗe misliney:

Ɓimezle ngi Yesu Kristu ZAŊ mitil di mi 13:18

Ya maɓi na, vur kum gar ta ɓula, yi si na mizli ya muwuna taŋ na le. Amma anja gwat Ɓimutoho miɓa na, a gi muduba: ‹Mbur ndra mazumam ɗaf cuwa na, a mbiɗi hirnga le avu ya.›

Ɓimezle ngi Yesu Kristu ZAŊ mitil di mi 15:19

Da kum i ngi duniyahay zleˀe na, anja duniya a wuɗ kum le, asi kum inga naŋhay. Amma kum i ngi duniyahay ta, i ya mupukum sek pal avu duniya, puraka duniya magi mesene ti kum na aseˀeŋ.

Ɓimezle ngi Yesu Kristu ZAŊ mitil di mi 15:5

Yi gudubun, kum i mihaŋhay. Mbur mandir jom ati ya, ya kwana jom ati naŋ na, a sa yi locok locok haɗa. Mbele ya ta na, kum anta gam gwat ko neˀ gu ta.

Ɓimezle ngi Yesu Kristu ZAŊ mitil di mi 6:70

Yesu a mbiɗa taŋ di: «Muwunukum, kum mukuruˀ nga cuwoy na, i ya ta kwa? Amma mbur pal a wuzla kum i Satan!»

SLRA 1:24

Dar a zlaka diradibiɗ, a ɓam: «Bumbulvuuŋ, ka misina mevel ngi mizli gar. Biga ndra mbur ka muwuna a wuzla mizli mucuw hanayna,

SLRA 1:8

Amma kumo, kisa lumam gidaŋ, i ˀUf Mipal masa sawa ar kum. Dar kisa tiram sedewo ɗuwoy a Zeruzalem, angi hirwuy Yude gar, a Samari waɗ hã asi hirwuy mira kiɗo mi.»

SLRA 10:41

da mizli gar ta ɓula, amma sey da migi sedewo naŋhay Buymisemuŋ muwuna taŋ zleˀe daf dumbuŋ, da ndra mizli muzumam gwat ati misam gwat bumoˀ, a dirba naŋ mislikiɗ ti wuzla mumucahay na.

SLRA 22:14

Ananiyas a ɓiy: ‹Buymisemuŋ ngi dideˀ ndrahay a muɗuw le ceɗ, ɓa ki si na gwat naŋ mawuɗo, ɓa ki pura mbur mijeŋŋe na, ɓa ki cine ˀay nga naŋ maɓuw ti balam naŋ.

SLRA 9:15

Amma Buy Yesu a ɓaŋ: «Aru, asi mbur nah na, i ya muwunaŋ ɓa ngi biga slimiɗ ɗu avu sukwi mekelemey ati buy madiɗa taŋhay waɗ avu Israyeley.

ROMAHAY 1:13

Sukum ɗuwoy, i wuɗ ɓa ki sinaka, i juwa ɓi nah le a mevel ɗu is mbeˀ mbeˀ ɓa i ru ngi hay kumo, amma hã wurenna gwat matikiy ada. Yi wuɗ na, anja slra ɗu a yi zinga a wuzla kumo, kaɓa naŋ miyi a wuzla sukwi mekelemey na ya.

ROMAHAY 1:5

Buymisemuŋ migiy mezle na, tisi Yesu Kristu. A tiri ti ya mislin naŋ ɓa sukwi ngi mizli gar a tiɓam, a cinam mi da Buymisemuŋ, a ɗuvaka hirnga da Yesu Kristu.

ROMAHAY 15:4

Dambalaka, ɓi mutohoko zlezle gar na, a tohoko ɓa ngi biga ndra gwata, ɓa i njaham hiri njah, asi ɓusaɓi ati tisla mevel, naŋ mavula ndra di.

ROMAHAY 9:21

Mbur mindira gwata, a gi ti hohoyo kaɓa naŋ muwuɗ le ta kwa? Da a wuɗ le na, a zuɓa hohoy misi purla, a ndir di tutuŋhoy cuw: Pal hana, i tutuŋ mezle, yo pal numuŋ, i tutuŋ ho gar ta kwa?

KORENTIHEY MUDUMBUŊ 10:11

Gwat tayna gar a gam avu taŋ na, ngi biga ndra gwat, yo a tohoko taŋ ti tuh na, ɓa ngi ka ndra mumuyuŋ ngi zay sla a slimiɗe, asi ndra migweˀ avu kiɗa mi ngi hin na.

GALATAY 1:15

Amma Buymisemuŋ ti gimezle naŋ na, a winiy le zle a kwacay maha, yo a ziliy le ti mezle naŋ, a pura le kuy,

EFESEY 2:10

Na, miga ndra i Buymisemuŋ, a ga ndra ɓa i gam gwat mezlehey ar ndra mujom ati Yesu Kristu. Buymisemuŋ a ɗiya gwat mezle tayna le daf dumbuŋ ɓa i gaka taŋ.

KOLOSOY 1:23

Amma so na, kum mitiɓam na, anja ki cicam kuykuy, zlak gidaŋ gidaŋ, anja ki pulaka vu kum, ki kiraham kileŋ avu njaha hiri angi Ɓimezle, kum micinaka na ta. Ɓimezle mitilam di mi da mizli asi gazlavay kurzluˀ gar na, ya Polo, i tiri le yi mbur migi slra nah.

KOLOSOY 1:6

mindil hã a hay kum na. Ɓimezle ara yi zinga, yo ara njih nga mbuŋ nga mbuŋ ar duniya keɗeɗe gar. Naŋ kanah ya, a gi le a wuzla kumo, zle ti hin kum misinaka Buymisemuŋ ara gukum mezle ar ɓi mikaslsla naŋ na,

TIMOTE MUDUMBUŊ NAŊ 2:7

Buymisemuŋ mitiri ti ya bugawla, yo mislin naŋ na vurˀe. A sliniy ng'avi mizli Yudehey ta na, ɓa i dubuna taŋ tiɓi waɗ ɓi mikaslsla. Ya maɓa na, i gisiŋ gisiŋ, i gi di i slir ta.

TIMOTE MUCUW NAŊ 1:11

Buymisemuŋ a tiri ti ya bugawla le, mislin waɗ mudubuna gwat da mizli, ɓa ngi tila mi ti Ɓimezle nah vuna.

TIMOTE MUCUW NAŊ 2:2

Ɓi ka micina avu ya a mbuŋ migi sedewohoy haɗi na, pula asi haŋ ngi mizli miteŋteŋhey. Taŋ vuna kwana, a ndilaka le ngi dubuna da mizli mekelemey aya.

Ɗerewol TIT 1:5

Ya mupuluw a Kret na, ɓa gwatay mindiram manja gi na, ki kiɗa mi ngi ɗiy taŋ, yo ar walahay madiɗa madiɗahay gar na, ki cifi mizli micawwahay ar Cikil ngi misikristuhoyo ti jiviɗ ya muɓuw di na.

HEBEREY 11:4

Abel a ga mikuli mezle da Buymisemuŋ fineˀ ngi Kayẽ na, asi tiɓi. Buymisemuŋ miɓi, Abele, naŋ jeŋŋe, a hĩyã mikuli naŋ migaŋ di na, asi tiɓi. Ko da Abel a muc le tekeɗe kwana, kite ara ɓi ɓi aruŋ na, asi tiɓi.

Ɗerewol ZAK 3:18

Mizli magam gwat mezle ɓa mizli a cifam zuy zuy na, kite a zligam di i hilfa gwat, mazilaka «zuy.»

PIYER MUDUMBUŊ NAŊ 3:15

Amma Kristu, Buy kumo, ɗuvakaŋ hirnga a mevel kumo. Wam vu ndrehhe ngi mbiɗa mingiɓi da mizli macufuɗukum ngi si na wuluk ngi njaha hiri kum na.

PIYER MUDUMBUŊ NAŊ 3:2

Asi a sa puraka gwat ngi gi kum i mezle, i ngi ɗuva hirnga da Buymisemuŋ.

ZAŊ MUDUMBUŊ NAŊ 4:10

Wuɗavu na, n'ani: i ndra muwuɗam Buymisemuŋ ta, i naŋ muwuɗ ndra, a slino Mangal naŋ ngi gi mikuli ngi puya mungra ndrahay avra.

ZAŊ MUDUMBUŊ NAŊ 4:19

Ndra, ndra mawuɗam vu na, asi Buymisemuŋ a wuɗ ndra le dumbuŋ.