Ɓimezle ngi Yesu Kristu ZAŊ mitil di mi 15:11 - Bible en langue guiziga

¹¹ «Ya muɓukum ɓi misenna na, ɓa mumul ɗu a ndir a hur kumo, yo ɓa ki mumulom mumul minjah wãˀ.

Ɓimezle ngi Yesu Kristu ZAŊ mitil di mi 15:11 ပူးပေါင်းရင်းမြစ်များ

EZAYI 53:11

Ya Buymisemuŋ i ɓi na: Naŋ misi bonoy haɗa tuwa na, a sa pura dideˀ naŋhaya, hin ngi siifa naŋ a sa giɗi. Naŋ gawla ɗu, mizli a sa sinakaŋ, naŋ jeŋŋe, akẽh, a sa dubuna gi jeŋŋe da zigiduw haɗa, joˀ naŋ vuna a sa ɓusa jijira malambaˀ taŋ.

EZAYI 62:4

Anta sa zulukuw ‹Walahay mupula le fuk› mata, anta sa ɓaka hirwuy ɗike: ‹Diŋ› mata. Amma a sa zulukuw ‹Micira hiri da ya Buymisemuŋ›, yo a sa zilaka hirwuy ɗike, ‹Ngwas ngi hay zil›. Asi hiri a sa cira Bumbulvuŋ ti ka, yo a sa zuɓaka hirwuy ɗike ngi ngwasa.

ZEREMI 32:41

Masa ciriy hiri da ya, i ya masa mba taŋ ti gi mezle na. Haˀaw, i sa ga ɓa a cifam hǝɗ hǝɗ ngi wãˀ gisiŋ angi hirwuy hana, i sa ga ti mevel ɗu wãˀ, ti membezleŋ ngi vu ɗu wãˀ.»

ZEREMI 33:9

Naŋ kine, Zeruzaleme, i sa zila slimiɗ naŋ ti mumul, a sa tiri avu ya i ɓi ngi dudok, i gwat ngi wuya avu sukwi ngi mizli ngi si ruwuyoy gar. Asi taŋ masa cinaka ya maga mezle da Zuda waɗ da Israyel na. Zlili gar ati ya masa ga ɓa a ndiram ar ndum gar na, hã a sa siˀitam, a sa jijikam kirkir vurˀe.

SOFONI 3:17

Bumbulvuŋ Buymisemuŋ ɗike, naŋ da ati ka. N'ada ti gidaŋ naŋ, ti bugawla naŋ. A ra mumul vur ka, naŋ mawuɗ ka na, ara vuluw siifa nawayaŋ. A ra zluzluɓ, yo ara ji salalay vur ka.»

Ɓimezle ngi Yesu Kristu LUK mitil di mi 15:23

Joko zuŋ sla muzlumbra, slakaŋ, gukum muguzlum.

Ɓimezle ngi Yesu Kristu LUK mitil di mi 15:32

Na sukum ɗik hana, a muc le zleˀe, amma n'ani ti siifa, a zizi le zleˀe, yi sa luuma le a muŋ. A zlir le ɓa i gam muguzlum, i mumulom takwa?›»

Ɓimezle ngi Yesu Kristu LUK mitil di mi 15:5

Da naŋ mulumo di le na, a mumul, a zuɓo di lap a gagalaˀay.

Ɓimezle ngi Yesu Kristu LUK mitil di mi 15:9

Yo da naŋ muluma le na, a cikilo ngama naŋhay ati midigwi naŋhaya, a ɓa taŋ: ‹Mumulukum bummoˀ, asi suloy ɗu mizizi zleˀe tuwa, yi luuma le a muŋ!›

Ɓimezle ngi Yesu Kristu ZAŊ mitil di mi 16:24

Hã wurenna, ki cufuɗam gwat neˀ le ti slimiɗ ɗu ta. Cufuɗam, kisa lumam, hã mumul kum a sa gi i mumul mikaslsla wãˀ.

Ɓimezle ngi Yesu Kristu ZAŊ mitil di mi 16:33

Yi ɓukum ɓi hana, ɓa kum mujom ati ya na, ki ndiram zuy zuy. Ki sa sam bonoy ar duniya hana, amma ki zluwunam ta, yi pa hirnga le da duniya!»

Ɓimezle ngi Yesu Kristu ZAŊ mitil di mi 17:13

Wurenna, i ra ru ng'avi ka. Ya maɓa ɓi hana na, ti ya misi ar duniya aruŋ, ɓa a lumaka mumul ɗu wãˀ a mevel taŋ.

Ɓimezle ngi Yesu Kristu ZAŊ mitil di mi 3:29

Zil ngi ngwasa, i mbur maɗuvaŋ. Amma ngama ngi zile a cici deŋ, a cin ti cin. ˀAy ngi zil maɓi, a gaŋ mumul haɗa. Ya i mumul kanah ya, a ndila le wãˀ.

ROMAHAY 15:13

Anja Buymisemuŋ magukum ɓa ki njaham hiri njah na, a nihikum mevele ti mumul ati zuy ar kum mitiɓam na, ɓa njaha hiri kum na, a gi haɗa ti gidaŋ ngi ˀUf Mipal.

KORENTIHEY MUCUW NAŊ 1:24

I puram di i jiviɗ ngi tukukum ˀay ti ɓi kum matiɓaka na ta, asi ki cicam le zlak gidaŋ gidaŋ anga si. Amma ndra jom ati kum ar mumul kumo, asi ɓi kum mitiɓaka na, kum gidaŋ gidaŋ anga si.

EFESEY 5:18

Ki wam ti mbaazla ta, aru ti mburo ngra zizi. Amma naham ti ˀUf Mipal.

FILIPIHEY 1:25

Yo i tiɓa le gisiŋ gisiŋ, i si na le ma, i sa cifi avu kumo, i sa ndir gweˀ avu kum gar, ɓa ngi jinukum, ki ram nga mbuŋ nga mbuŋ, yo ɓa kum matiɓam na, ki mumulom di.

TESALONIKEY MUDUMBUŊ NAŊ 5:16

Mumulom ndrehhe,

PIYER MUDUMBUŊ NAŊ 1:8

Yesu Kristu, ko da ki purakaŋ ɗaˀ ta tekeɗe kwana, ki ra wuɗakaŋ. Kum anta purakaŋ t'aruŋ, amma ki ra tiɓakaŋ. Vurˀe, ki ra mumulom ti mumul mududok haɗa wãˀ, a funa ngi ɓi avu mi le.

ZAŊ MUDUMBUŊ NAŊ 1:4

Ndra matuhukum ɗerewol hana na, ɓa i mumulom haɗa wãˀ.

ZAŊ MUCUW NAŊ 1:12

Y'ada ti ɓi haɗa ngi tuhukum di, amma yi wuɗ i tuhukum di ti tuh ar ɗerewol waɗ ti yam ngi hilseɓ ta. Asi i ra wuɗ ru ngi hay kumo, ɓa i ra ɓukum ti mi ɗu, ɓa i sa mumulom kuy kuy wãˀ.