Ɓimezle ngi Yesu Kristu ZAŊ mitil di mi 15:1 - Bible en langue guiziga

¹ «Yesu a ɓa mizli ngi seˀeheye: «yi gudubun migisiŋ gisiŋ naŋ, yo Baha i muhuf naŋ.

Ɓimezle ngi Yesu Kristu ZAŊ mitil di mi 15:1 ပူးပေါင်းရင်းမြစ်များ

DIMIS MIMEZLE 7:12

Mikiɗa may ɗu, sawa, bukum, i ra hinam ar walahayay.

EZAYI 4:2

Ti hin nah, Bumbulvuŋ a sa vul ɗongor ati dudok da mizli, yo hirwuy a sa ga ɓa mizli Israyeley mindiram ti siifa na, hiri cira taŋ, yo a zilam slimiɗe.

EZAYI 60:21

Naŋ kanah, mizli ɗikey gar taŋ, a sa tiram mizli mijeŋŋehey, taŋ a sa zumaka hirwuyo da taŋ ngi wãˀ, kaɓa mazumam hay. Taŋ na, i ya miga taŋ hĩˀĩ ti haŋ ɗu, ɓa ngi biga dudok ɗu, a sa ndiram kaɓa widisey ar jarne.

EZAYI 61:3

ɓa i tuwuɗa loppol a hirnga mizli mutuwa Siyoŋhoyo. Haˀaw, i sa tuwuɗa taŋ di i loppol gisiŋ, i pa taŋ fucu a hirnga ta, i sa pa taŋ urdi mimezle haɗa ngi vula mumul, i urdi ngi tuwa vagay ta, i sa vula taŋ zana ngi muguzlum, ar deɗe ngi ndurɓo hiri taŋ. Hana gar na, ɓa mizli a sa zilaka taŋ ‹Widis ngi ɗuva hirnga da Buymisemuŋ, yo guva ngi Bumbulvuŋ, mihĩˀĩ ngi biga dudok naŋ›.

ZEREMI 12:10

Mijiginey hiɗim hiɗim, a guzuvuraka guva ngi gudubun ɗu le, a kurpaka guva le kirap kirap. Guva ɗu mimezle tuwa, a tiram di wuzlaɓuh mikirɗak kirɗak cay.

ZEREMI 2:21

Yi hirvukum le zleˀe kaɓa kum i gudubun hirngahay, kaɓa widis mimezlehey wãˀa. Ki mbiɗam a mihiri ɗu, plaˀplaˀ gudubun manja sin, mayi malambaˀ mbri mbri maka?

EZEKIYEL 19:10

Munuko, a bam vu ati gudubun mihirva le kaˀ a mi yam. A ra yi, a ɗiɗi le tukuf tukuf, asi yam mihaɗa tuwaŋ.

Ɗerewol OZE 10:1

Israyele zleˀe, naŋ kaɓa gudubun mafuyuk, mayi zinga haɗa zleˀe. Yi naŋ masik nga mbuŋ na, naŋ kwana, ara ska li gi mikuli naŋhaya nga mbuŋ aya. Hirwuy naŋ matiri mezle nga mbuŋ na, naŋ kwana, ara ga wuya da ɗugur kuliheye nga mbuŋ ya.

ZAKARI 3:8

Yesuwa, ka masay madiɗa, ka ati cil ɗikey mujoa mbuŋ ɗik na, cinam: asi kum i mizli ngi bigi gwat avu mizli, ani i wuɗ i so ti gawla ɗu, mikwanay ɗu.

Matiye 15:13

Yesu a mbiɗa taŋ di: «Widis gar, da i Cine ɗu misi a muŋ mihirva ta na, a sa muɗaka avra.

Matiye 20:1

«Asi mike na, Zumabuy ngi muŋ a bam vu ati ɓi ngi buy ngi hay mibi ngi miprik prik nga hila migi slrahay ng'ar guva naŋ.

Matiye 21:33

«Cinam, y'ani wukum ɓi mekelem ani weˀ ti wi: Mbur ada, a gi guva ngi gudubun, a cup zluɓ gun hirnga naŋ, a li vigiɗ ngi ɗuco yi naŋ waɗ a ndir hay madiɗa ngi jigina guva. A pula guva tuwa asi haŋ ngi migi slrahay, a cuh nga mulak.

Mark 12:1

Joˀ Yesu a zla a wa taŋ ɓi ti wiˀ, a ɓa taŋ na: «Mbur ada, a gi guva ngi gudubun, a guno hirnga naŋ ti zluɓ, a li vigiɗ ɓa ngi sa ɗuco yi naŋ anga, yo a ndir hay madiɗa ngi jigin naŋ. Dar a pula guva asi haŋ ngi migi slrahay, joˀ naŋ aru nga mulak.

Ɓimezle ngi Yesu Kristu LUK mitil di mi 13:6

Dar Yesu a wa taŋ ɓi miweˀ ti wi ani: «Mbur ada, naŋ ti ˀuruf naŋ mihirva kaˀ a hur guva naŋ ngi gudubun. Aru, da a lum yi naŋ kwani, amma ko a lum ta.

Ɓimezle ngi Yesu Kristu ZAŊ mitil di mi 1:17

Buymisemuŋ a vulo ɓimujuwa tisi haŋ ngi Moyis. Amma gimezle ati ɓi mikaslsla na, i lumaka tisi haŋ ngi Yesu Kristu.

Ɓimezle ngi Yesu Kristu ZAŊ mitil di mi 1:9

Mingiɓi i li minjahha migisiŋ gisiŋ. A so a ruwuyo, ɓa a ga li njahha da mbur gar.

Ɓimezle ngi Yesu Kristu ZAŊ mitil di mi 15:2

Mihaŋ mikaˀ avu ya mayi ta gar na, a sa nguma avra. Amma mihaŋ mayi gar na, a sa kilaha, ɓa a yi haɗa ti vendeke ma.

Ɓimezle ngi Yesu Kristu ZAŊ mitil di mi 6:32

Amma Yesu a ɓa taŋ: «Gisiŋ gisiŋ, yi ɓukum na: muvulukum ɗaf ngi muŋ na, i Moyis ta, amma i Baha mavulukum ɗaf migisiŋ gisiŋ maso paɗ ti muŋ.

Ɓimezle ngi Yesu Kristu ZAŊ mitil di mi 6:55

Asi meficek ngi vu ɗu i ɗaf migisiŋ gisiŋ naŋ, yo pumbus ɗu i gwat ngi si migisiŋ gisiŋ naŋ.

ROMAHAY 11:17

Mizli Yudeheye, taŋ kaɓa tutumbur Buymisemuŋ mihirva ti hirvi. Mihaŋ naŋ mekelemeye, a kilahaka taŋ le avra. Ka, mbur Yude ta na, ka kaɓa mihaŋ ngi tutumbur ngi ɓuh mujuɓukuw ti juɓ angi li taŋ, ɓa ki cir tisi slaslalak ngi widis mihirvaka ti hirvi tuwa.

KORENTIHEY MUDUMBUŊ 3:9

Asi ndr'i migi slra ngi Buymisemuŋhoy jom ati naŋ. Kum i guva Buymisemuŋ mahuvaŋ, hay naŋ mandiraŋ.

ZAŊ MUDUMBUŊ NAŊ 2:8

Amma kwana, i tuhukum di i ɓimuɗuva nawaya na si. Kaslsla naŋ, a njik tisi Yesu waɗ tisi kumo ma, asi luvuŋ ara cuh, yo li minjahha migisiŋ gisiŋ ara pusluɗu.