Ɓimezle ngi Yesu Kristu ZAŊ mitil di mi 14:9 - Bible en langue guiziga

⁹ Yesu a ɓaŋ: «Yi zik le haɗa ati kumo, dambalaka ki siniy t'aruŋ kwa Filip? Mbur mupuriy le na, naɓa a pura Baha le si. Ki ɓi: ‹Buga ndra Bunuko› na, mbri mbrike?

Ɓimezle ngi Yesu Kristu ZAŊ mitil di mi 14:9 ပူးပေါင်းရင်းမြစ်များ

ZLI VIRZI 26:9

Abimelek a zila Izaka, a ɓaŋ na: «Dambalaka i ngwas ɗik gisiŋ gisiŋ ma na, ki ɓi: ‹I sukum ɗu› na vur mike?» Izak a mbiɗaŋ di: «Yi ɓa kahana, asi i zluwun vur taŋ ma kiɗikiy vagay aseˀe.»

ZEREMI 2:23

Ki zlaka avu mi ɓa ki ɓam: «Ndr'anta ti dili ta, yo ndr'anta sipaka Baˀala ta» naka? Inga puraka gwat ngi gi kum ar sozo na kwaɗay, sinaka gwat kum migaka na ayɗi. Ki bam vu ati zlogomo njawal maru ti kil ngiŋ ngiŋ lambaˀ!

Mark 9:19

Yesu zla a ɓa taŋ: «Kayya, kum mizli misi hirnga gidaŋhay! I sa ndir ati kumo hã ti vunaka? I sa ɓusukum hã ti vunaka? Sikiy ti mangal vuna.»

Ɓimezle ngi Yesu Kristu LUK mitil di mi 12:56

Kum miɓi mi cuw cuwoy, gwatay magam a ruwuy ati magam ar birngiŋ ngi muŋ na, ki slaka wala taŋ gu ɓula. Na, gwatay magam wurenna na, ki slaka wala taŋ gu ta mbrike?

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 10:30

Ya ati Baha, ndra purla.»

Ɓimezle ngi Yesu Kristu ZAŊ mitil di mi 12:45

Yo mbur mapuriy na, a pur di i mbur mislino ya.

Ɓimezle ngi Yesu Kristu ZAŊ mitil di mi 14:20

Tapasa, kisa sinaka, ya jom ati Baha, kumo, kum jom ati ya, yo ya kwana jom ati kum aya.

Ɓimezle ngi Yesu Kristu ZAŊ mitil di mi 14:7

Da ki sinikiy ya le na, kisa sinaka Baha ya. Zle wurenna, ki sinakaŋ le, ki purakaŋ le si.»

Ɓimezle ngi Yesu Kristu ZAŊ mitil di mi 8:19

Dar a ɓakaŋ: «Bunuk vuna naŋ amaka?» Yesu a mbiɗa taŋ di: «Ki sinikiy ya ta, yo ki sinaka Baha ta ma. Da ki sinikiy le zleˀe na, anja ani, ki sinaka Baha le zleˀe ya.»

KORENTIHEY MUDUMBUŊ 15:12

Da i ra tilam mi: «Kristu a slikiɗ le ti wuzla mumucahaya» na, mizli mekelemey a wuzla kum a ɓam: «Mumucahay a slikiɗam ta» na, mbri mbri ma ka?

FILIPIHEY 2:6

Kristu, naŋ zlezle ti kpak ngi Buymisemuŋ vuna si. Amma naŋ, a pura kaɓa, ɓa a ndiram rak rak ati Buymisemuŋ na, i gwat ngi ji ti gidaŋ ta.

KOLOSOY 1:15

Kristu i foto ngi Buymisemuŋ mizli mapuraka gu ta na, i modogom ar gwatay Buymisemuŋ miga taŋ gar.

HEBEREY 1:3

Mangal nah na, i wucuɗ ngi dudok ngi Buymisemuŋ, Buymisemuŋ, naŋ kahana kahana na, a bugo di le wãˀ. Yo majaha gwatay gar na, i naŋ ti mingiɓi naŋ migidaŋ. A dirba naŋ mubuna mungra ngi mizli avra na, a cifi a muŋ tir vay hazum ngi Buymisemuŋ migidaŋ wãˀa.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.