Ɓimezle ngi Yesu Kristu ZAŊ mitil di mi 14:26 - Bible en langue guiziga

²⁶ Mijiniˀis, ˀUf Mipal, Baha masa slinukum di ti slimiɗ ɗu na, a sa dubunukum gwataya pay, yo ɓi ya muɓukum di gar na, a sa so keŋ ar wuluk kumo.

Ɓimezle ngi Yesu Kristu ZAŊ mitil di mi 14:26 ပူးပေါင်းရင်းမြစ်များ

Ɓimezle ngi Yesu Kristu ZAŊ mitil di mi 15:26

Mijiniˀis, ˀUf mijeŋŋe, ya masa slinukum di baɗ avu Baha na, da naŋ misa so le na, i naŋ vuna masa ga sedewo ɗu.

Ɓimezle ngi Yesu Kristu ZAŊ mitil di mi 14:16

Yo yi sa tumbulo Baha ɓa a vulukum Mijiniˀis mekelem masa ndir caˀa ati kum.

ZAŊ MUDUMBUŊ NAŊ 2:27

Amma kumo, ˀUf Kristu muvulukum di na, naŋ da a hur kumo. Kum anta ti may ngi mbur ngi dubunukum gwat ta. Vur mike na, ˀUf Mipala, gwat gar, naŋ madubunukum di na, naŋ jeŋŋe, ko slir anta anga ta. Ndiram jom ati ˀUf Mipala so. Asi mike na, a dubunukum gwat le.

Ɓimezle ngi Yesu Kristu ZAŊ mitil di mi 16:7

Ani wurenna, i ra ɓukum ɓi mikaslsla wãˀ: ya macuh le na, i jiŋ kum. Naŋ kine, da yi cuh ta na, naɓa Mijiniˀis kumo, naŋ anta sa so ng'avu kumo ta. Amma da yi cuh le jak na, i sa slinukum di.

ZAŊ MUDUMBUŊ NAŊ 2:20

Na, kum gar na, ki lumam ˀUf Mipala le tivi Kristu, vurˀe, ki sinaka ɓi mikaslsla le.

KORENTIHEY MUDUMBUŊ 6:19

Dumvu kum i hay ngi ˀUf Mipal misi a hur kumo, i Buymisemuŋ muvulukum di, i ngi kum ta na, ki sinaka ta kwa?

SLRA 2:33

Buymisemuŋ a ga Yesu le ɗongor tir vay hazum naŋ. ˀUf naŋ Mipal, naŋ miɓa ɓi naŋ ɗaˀ le tuwa, a lumo di le tivi Cine, naŋ kwana a slino di le nga hirnga ndra. Kum mapuraka ati kum macinaka wurenna na, i nah.

EFESEY 1:17

Anja Buymisemuŋ, ngi Buy ndra Yesu Kristu, Cine misi ti dudoko, a vulukum ˀUf misi sinmijileŋ, manjikukum Buymisemuŋ, hã ɓa ki sinakaŋ kuy kuy wãˀa.

ROMAHAY 15:13

Anja Buymisemuŋ magukum ɓa ki njaham hiri njah na, a nihikum mevele ti mumul ati zuy ar kum mitiɓam na, ɓa njaha hiri kum na, a gi haɗa ti gidaŋ ngi ˀUf Mipal.

SLRA 2:4

ˀUf Mipal a naha taŋ le gar, a zlaka a ɓam ti mi mekelemey, kaɓa ˀUf Mipal vuna muvula taŋ di ɓa a ɓam di.

Ɓimezle ngi Yesu Kristu ZAŊ mitil di mi 2:22

Vurˀe, a dirba Yesu mislikiɗ ti wuzla mumucahay na, mizli ngi seˀehey a wulkaka ɓi naŋ miɓa na, a tiɓaka ɓimutoho ati ɓi Yesu miɓa tuwa.

EZAYI 54:13

Ziri ɗik mizilehey gar a sa tiram gawla nga ya Bumbulvuŋ, yo a sa ndiram zuy zuy wãˀ.

SLRA 13:2

Ngi hin numuŋ ada na, taŋ ara dilkam a mbuŋ Bumbulvuŋ, yo ara gam dalyam, ˀUf Mipal a ɓi na: «Wikiy vu ti Sawul ati Barnabasa, hĩˀĩ vur slra ya mawuɗ i vula taŋ di.»

PIYER MUDUMBUŊ NAŊ 1:12

Mijiviɗeye, ɓi taŋ matilam di mi, Buymisemuŋ minjika taŋ di na, vur taŋ tehhe a muŋ ta, amma vur kum. Wurenna mizli matilam mi ti Ɓimezle na, a tulukum di le muduba ti gidaŋ ngi ˀUf Mipal muso paɗ ti muŋ. Yo ko modro ngi Buymisemuŋhoy kwana, a wuɗam sli wala naŋ le ya.

ZAŊ MUDUMBUŊ NAŊ 5:7

Migi sedewohoyo, taŋ makir:

Ɗerewol TIT 3:5

a laha ndra le, anta asi i gam gwat mijeŋŋe le ti haŋ ndra ta, amma asi naŋ mapura ndra ˀircece tewle. A laha ndra ti taŋ mubunam ndra, ɓa ngi ya ndra sar mucuw naŋ, yo waɗ tisi ˀUf Mipal matiri ti ndra mizli nawayahay na.

Ɓimezle ngi Yesu Kristu LUK mitil di mi 24:49

Yo i sa slinukum ti gwat Baha miɓa ɗaˀ le da zleˀe tuwa. Amma kumo so na, cifam angi walahaya, hã tapas gidaŋ ngi muŋ misa po sar le ar kum.»

ZUDE 1:20

Amma kumo na, ngama ɗuwoy, a ram nga mbuŋ nga mbuŋ ar tiɓi. Diram dibiɗ ti gidaŋ ngi ˀUf Mipal.

HEBEREY 9:8

Ti guɗuk mudumbuŋ misi ada aruŋ na, ˀUf Mipal a biga na, jiviɗ ngi ci ng'ar li mipal wãˀa, a wun t'aruŋ.

HEBEREY 3:7

Vurˀe, ˀUf Mipal a ɓi na: «Dana, da kum micinam ˀay ngi Buymisemuŋ le na,

TESALONIKEY MUDUMBUŊ NAŊ 4:8

Asi mike na, da mbur a hiziga ɓi misenna le avra na, a hizig di i ɓi ngi mbur ta, amma a hizig di i Buymisemuŋ mavulukum ˀUf naŋ Mipal na.

KORENTIHEY MUDUMBUŊ 12:3

Vurˀe, i ɓukum na, da mburo, naŋ ti ˀUf ngi Buymisemuŋ na, ɓa a ɓi: «Yesu i minisa le» na, a ɓi ta. Yo da mburo, naŋ anta ti ˀUf Mipal ta na, ɓa a ɓi: «Yesu i Buy» na, a ɓi ta.

PIYER MUCUW NAŊ 1:21

Asi mike na, ɓimutoho Buymisemuŋ minjika da mijiviɗey miɓaka gar na, ko ɓi pal magi asi wuɗ ngi mbur na anta ndiɗaˀ wãˀ. Amma mizli miɓam ar deɗe ngi Buymisemuŋ na, i ˀUf Mipal muvula taŋ di.

Ɓimezle ngi Yesu Kristu LUK mitil di mi 11:13

Da kum mizli malambaˀhay, ki sinaka vula gwat mezlehey le da ziri kumoyo na, naɓa Cine kum mise amuŋ, a sa vula ˀUf naŋ na, da mizli macufuɗakaŋ na ta jak kwa?»

DIMISEY 51:11

Mbiɗi duba avu mungra ɗuwoyo malambaˀ ɗuwoy gar na, puya taŋ avra.

ROMAHAY 15:16

ɓa a tiri ti ya gawla ngi Yesu Kristu avu mizli Yude tahay. I vula vu ɗu le ngi gi slra ngi tila mi ti Ɓimezle ngi Buymisemuŋ, ɓa mizli Yude tahay, a tiram gwat ngi mikuli a mbuŋ Buymisemuŋ macira hiri da Buymisemuŋ, mikuli ˀUf Mipal muvula le da Buymisemuŋ wãˀ.

Ɓimezle ngi Yesu Kristu LUK mitil di mi 1:41

Ti Elizabet micina Mariya mijaŋ haŋ na, mangal a wus a kwacaya, joˀ Elizabet a nih ti ˀUf Mipal.

Matiye 3:11

«Ya i cukum ar yam na, ɓa a sin ki mbiɗaka mevele le. Amma mbur masa sawa a dirba ɗu na, naŋ a sacukum ar ˀUf Mipal waɗ ar vu. Naŋ gidaŋ fineˀ ya, ko tarak naŋ kwana, yi ndila ngi cuk naŋ ta.

HEBEREY 2:4

Yo ma na, Buymisemuŋ a jina ɓi nah le ti gwatay naŋ mibiga taŋ, ti gwat migam ɗaˀtahay, naŋ miga taŋ, ti cekenehey wal wal haɗi, waɗ ti gwat ˀUf Mipal mavula, naŋ mawuɗka da mizli ka naŋ muwuɗu.

TIMOTE MUCUW NAŊ 1:14

Gwat mezlehey mupulukuw taŋ asi haŋ ɗik na, ja taŋ ti jini ngi ˀUf Mipal misi a hur ndra na.

EFESEY 4:30

Buymisemuŋ a ɗuvukum ˀUf naŋ le avu dumvu kumo ka lammba, ndra masinaka hin a sa ndilawa, Buymisemuŋ a sa laha ndra wãˀ na, ava. Anja ki gakaŋ gwat ngi ndurɓo hiri ta.

ROMAHAY 14:17

Asi Zumabuy ngi Buymisemuŋ, i ɓi ngi gwat ngi zum malla gwat ngi si ta. Amma i gi gwat mijeŋŋe, ɓi ngi zuy, yo i ɓi ngi mumul, ˀUf Mipal mavula.

ROMAHAY 5:5

Njaha hiri na, anta gi gilaw da mbur ta, asi Buymisemuŋ a po wuɗavu naŋ le a mevel ndraˀahaya tisi ˀUf Mipal, naŋ muvula ndra di.

SLRA 20:28

Jiginaka hirnga kumo, yo jiginaka ginewey, ˀUf Mipal mucufukum ɓa ki jiginaka taŋ na. Cikil ngi misikristuhoy, naŋ mimbiɗa hirnga naŋ ti pumbus naŋ na, jiginakaŋ.

SLRA 11:16

Dar i wulka mingiɓi ngi Buy Yesu keŋ, a ɓi: ‹Zaŋ a ci mizli ar yam tewle, amma kumo, kisa lumam ci ar yam ti ˀUf Mipal.›

SLRA 1:8

Amma kumo, kisa lumam gidaŋ, i ˀUf Mipal masa sawa ar kum. Dar kisa tiram sedewo ɗuwoy a Zeruzalem, angi hirwuy Yude gar, a Samari waɗ hã asi hirwuy mira kiɗo mi.»

Ɓimezle ngi Yesu Kristu ZAŊ mitil di mi 20:22

A dirba naŋ miɓi kahana na, a ˀufo ˀuf ar taŋ, a ɓa taŋ: «Tuɓaka ˀUf Mipal.

Ɓimezle ngi Yesu Kristu ZAŊ mitil di mi 6:45

Mijiviɗey a tohoko zleˀe, a ɓam na: Taŋ gar a sa dubunam avu Buymisemuŋ. Ko wa gar micin mingiɓi ngi Baha le, mitiɓa ɓi nah le na, a so ng'avi ya.

Mark 13:11

Ti taŋ masa ram ti kum, ɓa a vulukum asi haŋ ngi mizli na, anja didaka muɗukum daf ar ɓi kum masa ɓama ta. Amma ɓi kum masa lumam ar pas nah na, ɓakaŋ, asi i kum masa ɓam ta, amma i Uf Mipal masa ɓi.

Matiye 1:20

Ti naŋ mawuluk kanah na, modro ngi Bumbulvuŋ a bigaŋ vu ar musuwun, a ɓaŋ: «Zozef, dideˀ ngi Davit, ki zluwun ta, zuɓa ngwas ɗik Mariya ngi hay ɗiki, asi naŋ migi hur na, i slra ngi ˀUf Mipal.

HEBEREY 10:15

ˀUf Mipal kwana, a ɓa ndra di le njah, asi dumbuŋ na, a ɓi:

Ɓimezle ngi Yesu Kristu ZAŊ mitil di mi 12:16

Dumbuŋ na, mizli ngi seˀehey a slaka wala nah zleˀe ta. Amma ti Yesu mulum dudok na, a wulkam keŋ ar Ɓimutoho miɓi zleˀe vurˀeŋ, waɗ ar gwat taŋ migakaŋ di na, i nah vuna si.

Mark 12:36

Davit vuna, ˀUf Mipal a njikaŋ di, a ɓi: ‹Buymisemuŋ a ɓa Buy ɗu na: Cifi tir vay hazum ɗu, ɓa hã i hina mesene ɗikey asi sar ɗiki.›

ƁIMUNJUYO 2:11

Mbur misi ti slimiɗ macin na, anja a cine ɓi ˀUf Mipal maɓa da cikil ngi misikristuhoyo. Mbur mulum bugawla le na, anta sa si bonoy ti muc mucuw naŋ mata wãˀ. Ndir teŋteŋ gbaˀ avu mucu, i sa vuluw loppol ngi siifa.»

EFESEY 1:13

Ar kum mujom ati naŋ na, ki cinaka ɓi mikaslsla, Ɓimezle maluhukum na le ma, yo ki tiɓakaŋ le, joˀ Buymisemuŋ a ɗuvukum lammba ngi ˀUf Mipal, naŋ miɓa ɗaˀ le tuwa.

KORENTIHEY MUCUW NAŊ 6:6

I bigaka, ndr'i migi slra ngi Buymisemuŋhoy na, ti joˀ ndra mezleŋ, ti si na gwat, ti ɓusa ɓi, ti gimezle, tisi ˀUf Mipal waɗ ti wuɗavu ndra ti kwacay purla,

SLRA 20:35

Buy Yesu ti hirnga naŋ a ɓi: ‹Mbur mavul gwata, a mumul fine mbur mavulakaŋ gwat ti vulo.› Ɓa i wulkaka mingiɓi hana, yo ɓa i jinaka hĩhĩyahaya na, sey ti gi slra gǝr gǝr kahana, yi bugukum di le ar gwat gar.»

SLRA 15:8

Buymisemuŋ, misina mevel ngi mizli, a ga sedewo naŋ le, ti naŋ mislino taŋ ˀUf naŋ Mipala, kaɓa naŋ mislino ndra di na ya.

SLRA 7:51

«Kayya, kum mizli misi hirnga gidaŋhay, mevel kum ati slimiɗ kumoy a digislam le ngi cine ɓi ngi Buymisemuŋ! Ki ra slam hima ndrehhe avu ˀUf Mipala! Kum kaɓa dideˀ kumoy vuna si.

SLRA 1:4

Ngi pas numuŋ ada na, ara zumam ɗaf bumoˀ, a ɓa taŋ, anja ɓa a pulaka Zerusaleme ta, amma ɓa a kutukoko gwat Cine miɓa taŋ di di ɗaˀ tuwa. A ɓa taŋ: «I gwat kum micinaka, ya muɓukum di ti balam ɗu tuwaŋ.

SLRA 1:2

hã ndila hin taŋ muzuɓaka nga muŋ. Dumbuŋ ti taŋ muzuɓaka nga muŋ t'aruŋ na, mizli naŋ muwuna taŋ ɓa a tiram mislin naŋhay na, a biga taŋ mingiɓi naŋ le ti ˀUf Mipal.

Ɓimezle ngi Yesu Kristu ZAŊ mitil di mi 7:39

Yesu a ɓi di i ɓi ngi ˀUf ngi Buymisemuŋ, mizli matiɓakaŋ masa lumakaŋ. Asi ti di nah na, ˀUf anta aruŋ, asi Yesu a lum dudok zleˀe t'aruŋ.

Ɓimezle ngi Yesu Kristu LUK mitil di mi 3:22

ˀUf Mipal a po sar ar Yesu ti dumvu ka gonok. Yo ˀay a cino paɗ a muŋ, a ɓi: «Ki Mangal ɗu ya mawuɗow haɗa, i ra mumul vur ka haɗi.»

Ɓimezle ngi Yesu Kristu LUK mitil di mi 1:67

Zakari, cine ngi Zaŋ, a nih le ti ˀUf Mipal. Joˀ a njiko ɓi ngi mijiviɗey ani da mizli:

Ɓimezle ngi Yesu Kristu LUK mitil di mi 1:35

Modro a mbiɗaŋ di: «ˀUf Mipal a sa so ar ka, gidaŋ ngi Buymisemuŋ Mimadiɗa a sa sirtuw ti susuɗuk naŋ. Vurˀe, mangal masa ya ka na, naŋ pal, yo a sa zilaka Mangal ngi Buymisemuŋ.

Ɓimezle ngi Yesu Kristu LUK mitil di mi 1:15

Asi mike na, a sa tiri mbur madiɗa a mbuŋ Bumbulvuŋ. N'anta sa si mbaazla ta, anta sa si baraasa ta. A sa nih ti ˀUf Mipal zle a kwacay mumuŋ.

Matiye 28:19

A ram ng'avu sukwi ngi mizli gar so, tiram taŋ mizli ngi si yahay: Caka taŋ ar yam ti slimiɗ ngi Cine, ngi Mangal ati ngi ˀUf Mipal.

EZAYI 63:10

Amma taŋ a slikiɗam ɓi, a giraka ˀUf naŋ mipala. Dar naŋ a mbiɗi hirik ng'ar taŋ, a gi taŋ mesene, naŋ vuna tehhe, a gi vurum ti taŋ.

SLRA 28:25

Ti taŋ macohom le na, ko a ngiɓam ˀay ar wala taŋ t'aruŋ. Pol a ɓa taŋ ɓi purla si: «Ɓi ˀUf Mipal, mijiviɗ Ezayi miɓa da dideˀ kumoy na, a gi le kaslsla gisiŋ!

SLRA 16:6

ˀUf Mipal a tika Pol ati Silasa le ngi tila mi ti Ɓimezle a Azi, vurˀe, a ram, a bulaka hirwuy Firigi ati Galata.

SLRA 15:28

Asi mike na, ˀUf Mipal ati ndra vuna, i wulkam na, ndr'anta ɗuvukum jijir mekelem mata. Sey gwat ngi gi cummohoy na si.

SLRA 13:4

Barnabas ati Sawul mupuraka ˀUf Mipal a slina taŋ le ng'ar slra na, a pam sar nga Silisi. A cam palalam, a ram kini ngir ti Sipre.

SLRA 7:55

Amma Etiyen a nih le kɗaf kɗaf ti ˀUf Mipal, a ɗuva hiri taˀ nga muŋ, a pura dudok ngi Buymisemuŋ waɗ Yesu deŋ tir vay hazum ngi Buymisemuŋ vuna.

SLRA 5:3

Dar Piyer a ɓaŋ: «Ananiyas, Satan a tiɓa mevel ɗike wãˀ vur mike? Ki ga slir da ˀUf Mipala, joˀ ki ngic dala ngi guva ngac da ka.

Ɓimezle ngi Yesu Kristu LUK mitil di mi 2:25

Ar hin nah, mbur ada a Zeruzaleme, a zilaka Simeyoŋ. I mbur mijeŋŋe masipa jiviɗ ngi Bumbulvuŋ. A ra kutuko mbur masa laha Israyele, yo ˀUf Mipala, naŋ da angi naŋ.

Matiye 1:18

Taŋ miyaka Yesu Kristu na, ɓi naŋ a zli anihĩ: Mariya, mumuŋ naŋ, i meketeŋ ngi Zozef, amma zle ti taŋ muɗuvam vu t'aruŋ si na, Mariya a gi hur ti gidaŋ ngi ˀUf Mipal.

Ɓimezle ngi Yesu Kristu ZAŊ mitil di mi 1:33

Yi sinaŋ zleˀe t'aruŋ, amma Buymisemuŋ mislino ya ngi ci mizli ar yama, i naŋ miɓiy: ‹Mbur ka masa pura ˀUf Mipal masa po sar, a so cifi a hirnga naŋ na, maci mizli ar ˀUf Mipal vuna, i naŋ.›

Ɓimezle ngi Yesu Kristu ZAŊ mitil di mi 14:25

Ya muɓukum ɓi hana na, zle ti ya misi ati kum aruŋ.