Ɓimezle ngi Yesu Kristu ZAŊ mitil di mi 14:23 - Bible en langue guiziga

²³ Yesu a mbiɗaŋ di: «Da mbur ara wuɗiy na, a sipa mingiɓi ɗu. Baha a sa wuɗaŋ, Baha ati ya i sa soko, i sa paka hay ndra wãˀ a hur naŋ.

Ɓimezle ngi Yesu Kristu ZAŊ mitil di mi 14:23 ပူးပေါင်းရင်းမြစ်များ

ZLI VIRZI 1:26

Akẽh so na, Buymisemuŋ a ɓi: «Gukum mbur miɓaˀ i ndra, mibam vu heˀ ati ndra! Anja a wa kilif ngir mubuliyey, ɗiyuwoy mabulam a muŋ waɗ misi a ruwuy, yo ɓa a wa ginewey ati gwat misãmi ngi ɓuhoy ati mislreɓ slreɓey gar malaˀam wenewene a ruwuyo!»

ZLI VIRZI 11:7

Yawwa! Pukum sar, juhuɗukum mingiɓi taŋ wurenna, ɓa mbur a cine ngi cala mata!»

DIMISEY 90:1

Dira dibiɗ ngi Moyis, mijiviɗ ngi Buymisemuŋ. Bumbulvuŋ, diga zlezle, hã ngi set gar na, ka ki li pula vu ndra.

DIMISEY 91:1

Mbur maɗum ti Buymisemuŋ Mimadiɗa na, kite ara hin a susuɗuk ngi Buymisemuŋ misi gidaŋ wãˀa.

EZAYI 57:15

Ya mbur madiɗa, mifineˀ gwatay gar, mandir ngi set, yo slimiɗ ɗu mipala, i ɓi na: «Ya Buymisemuŋ, mua muŋ, ya mipal, ya misi ati mizli muroko ar bonoy, waɗ misi membezleŋ ngi vu taŋ anta mata. I wuɗ i vula siifa da mizli misi membezleŋ ngi vu taŋ anta mata, waɗ da mizli muroko ar bonoyo.

Ɓimezle ngi Yesu Kristu ZAŊ mitil di mi 10:30

Ya ati Baha, ndra purla.»

Ɓimezle ngi Yesu Kristu ZAŊ mitil di mi 14:15

«Da ki ra wuɗikiy na, naɓa ɓimuɗuva ɗuwoyo, kisa jaka taŋ a hirnga.

Ɓimezle ngi Yesu Kristu ZAŊ mitil di mi 14:17

Naŋ i ˀUf mijeŋŋe. Naŋ na, duniya a tiɓaŋ gu ta, asi naŋ anta puraŋ ta, yo a sinaŋ ta. Amma kumo, ki sinakaŋ le, vur naŋ da ati kumo, yo naŋ da a hur kumo ma.

Ɓimezle ngi Yesu Kristu ZAŊ mitil di mi 14:21

«Ɓimuɗuva ɗuwoyo, mbur maja taŋ a hirnga, yo masipa taŋ na, naɓa i mbur muwuɗ ɗu. Mbur muwuɗ ɗu vuna, Baha a sa wuɗaŋ, yo ya kwana, yi sa wuɗaŋ, yi sa bigaŋ vu.»

Ɓimezle ngi Yesu Kristu ZAŊ mitil di mi 14:24

Mbur mawuɗ ya ta na, naŋ anta ja mingiɓi ɗu a hirnga ta. Ɓi kum micinaka avu ya na, i ɓi ngi mongoy ɗu ta, amma i mingiɓi ngi Baha mislino ya.

Ɓimezle ngi Yesu Kristu ZAŊ mitil di mi 15:10

Ɓimuɗuva ɗuwoyo, da ki ra jaka a hirnga na, naɓa kisa ndiram jom ar wuɗavu ɗu, kaɓa ya mija ɓimuɗuva ngi Baha a hirnga, yo ya misi ada jom ar wuɗavu naŋ na ya.

Ɓimezle ngi Yesu Kristu ZAŊ mitil di mi 16:27

Asi Baha ti hirnga naŋ ara wuɗukum, asi ki wuɗikiy le, yo ki tiɓaka le, yi bo ti vu Buymisemuŋ.

Ɓimezle ngi Yesu Kristu ZAŊ mitil di mi 6:56

Mbur mazum meficek ngi vu ɗu, yo masi pumbus ɗu na, naŋ da jom ati ya, yo ya kwana, y'ada jom ati naŋ ya.

Ɓimezle ngi Yesu Kristu ZAŊ mitil di mi 8:51

Gisiŋ gisiŋ, yi ɓukum na: Da mbur a ja mingiɓi ɗu le a hirnga na, anta sa muc ta ndiɗaˀ wãˀ.»

Ɓimezle ngi Yesu Kristu ZAŊ mitil di mi 8:52

Dar Yudehey a ɓakaŋ: «I sinaka le wurenna muduba, setene ada a hirnga ɗike! Abraham a muc le, yo mijiviɗey kwana, a micam le. Na, ka ki ɓi ani: ‹Da mbur a ja mingiɓi ɗu le a hirnga na, anta sa muc pam le ta.›

KORENTIHEY MUCUW NAŊ 6:16

Hay ngi Buymisemuŋ ati kuliheye, a jumom arleˀe mbri mbrike? Asi ndra, ndr'i hay ngi Bumbulvuŋ misi ti siifa, kaɓa Buymisemuŋ vuna miɓi: «I sa cifi ti hay ɗu a wuzla taŋ, yo i sa liˀi a wuzla taŋ. I sa tiri Buymisemuŋ taŋ, yo taŋ a sa tiram mizli ɗuwoy.»

EFESEY 3:17

Anja a ga ɓa Kristu a cifi a hur kumo tisi tiɓi kum na, ɓa ki diram virzi hǝɗ hǝɗ wãˀ, yo zlak kuy kuy ar wuɗavu ngi Kristu.

ZAŊ MUDUMBUŊ NAŊ 2:24

Ngi kumo na, anja ɓi kum micinaka zle angi zlivirzi naŋ na, a ndir a mevel kumo. Da ɓi kum micinaka zle angi zlivirzi naŋ na, naŋ da a mevel kumo na, naɓa kumo kwana, kum jom ati Mangal waɗ ati Cine.

ZAŊ MUDUMBUŊ NAŊ 2:5

Amma mbur maja mingiɓi ngi Buymisemuŋ a hirnga na, naɓa wuɗa Buymisemuŋ migisiŋ gisiŋ, naŋ da a hur naŋ, ndra masinaka, ndr'ada jom ati naŋ na ava.

ZAŊ MUDUMBUŊ NAŊ 4:4

Kumo so na, ziri ɗuwoy, kum i mizli ngi Buymisemuŋhoy, ki paka hirnga le da mijiviɗ misi slir tayna, asi ˀUf misi a hur kumo, naŋ gidaŋ haɗa fineˀ misi ar duniya.

ZAŊ MUDUMBUŊ NAŊ 5:3

Wuɗa Buymisemuŋ na, sey da i ra jaka ɓimuɗuva naŋ a hirnga. Ɓimuɗuva naŋ na, i gwat ngi jijir ti jijir ta.

ZAŊ MUCUW NAŊ 1:6

Pura ɗi, wuɗavu na, n'ani: anja i ram ar jiviɗ ngi ɓimuɗuva ngi Buymisemuŋ. Ɓimuɗuva, kum micinaka zle ar zlivirzi naŋ, ɓa ki ram angi jiviɗ naŋ na, i nah.

ƁIMUNJUYO 21:22

Amma i pur hay ngi Bumbulvuŋ ar walahay madiɗa ta wãˀ si. Asi hay naŋ i Bumbulvuŋ, Buymisemuŋ, misi gidaŋ wãˀ waɗ tumuŋ vuna si.

ƁIMUNJUYO 21:3

Waɗ i cin ˀay kaɓa ngi mbur paɗ tir janga ngi buyo, ara ɓi ti gidaŋ: «Puraka, hay ngi Buymisemuŋ n'ani, naŋ a wuzla mizli, a sa cifi ati taŋ. Taŋ a sa tiram mizli naŋhay, yo naŋ a sa tiri Buymisemuŋ misi ati taŋ.

ƁIMUNJUYO 22:3

Anta sa nisam vu a diga mata. Li cifi ngi zumabuy ngi Buymisemuŋ ati ngi tumuŋ a sa ndir angi walahay madiɗa, joˀ gawla naŋhay a sa dilkam a mbuŋ naŋ.