Ɓimezle ngi Yesu Kristu ZAŊ mitil di mi 14:20 - Bible en langue guiziga

²⁰ Tapasa, kisa sinaka, ya jom ati Baha, kumo, kum jom ati ya, yo ya kwana jom ati kum aya.

Ɓimezle ngi Yesu Kristu ZAŊ mitil di mi 14:20 ပူးပေါင်းရင်းမြစ်များ

Ɓimezle ngi Yesu Kristu ZAŊ mitil di mi 10:38

Amma da ya magi na, i nah na, ko da ki tiɓikiy ta tekeɗe kwana, tiɓaka gwat ngi gi ɗu na, kanah na, kisa puraka, yo kisa sinaka, Baha naŋ jom ati ya, kaɓa ya mujom ati naŋ na.»

Ɓimezle ngi Yesu Kristu ZAŊ mitil di mi 14:10

Ya, ya jom ati Baha, yo Baha kwana, naŋ jom ati ya na, ki tiɓa t'aruŋ kwa? Mingiɓi ya maɓukum di na, i ɓukum di ngi mongoy ɗu ta. I Baha misi jom ati ya na maga slra nga naŋ jaka.

Ɓimezle ngi Yesu Kristu ZAŊ mitil di mi 14:11

Ya maɓi: ‹Ya jom ati Baha, Baha kwana, naŋ jom ati ya› na, tiɓaka sini. Yo da ki tiɓaka mingiɓi ɗu ta tekeɗe kwana, tiɓam, asi slra ya maga taŋ hanayna tekeɗe sini.

Ɓimezle ngi Yesu Kristu ZAŊ mitil di mi 16:23

Naŋ kine, tapasa, kum anta sa cufuɗam ɓi neˀ avu ya mata. Gisiŋ gisiŋ, yi ɓukum na: da ki ra cufuɗam gwat avu Baha ti slimiɗ ɗu na, a sa vulukum di.

Ɓimezle ngi Yesu Kristu ZAŊ mitil di mi 16:26

Tapasa, ɓa yi ɓukum: i sa tumbulo Baha vur kum na, i ɓukum ta. Ki sa cufuɗaka Baha ti slimiɗ ɗu.

Ɓimezle ngi Yesu Kristu ZAŊ mitil di mi 17:11

Zle dana, y'anta ar duniya mata, taŋ a ndiram ar duniya ɓula, amma ya i ra ru ng'avi ka. Baha mipal, jigina taŋ ti gidaŋ ngi slimiɗ ɗik ka miciy di na, ɓa a tiram purla kaɓa ndra mupurla ati ka na ya.

Ɓimezle ngi Yesu Kristu ZAŊ mitil di mi 17:26

Yi biga taŋ slimiɗ ɗike le. I sa biga taŋ di ava ma, ɓa wuɗavu ɗik, ka mawuɗiy na, a ndir a hur taŋ, yo ya kwana a hur taŋ ma.»

Ɓimezle ngi Yesu Kristu ZAŊ mitil di mi 17:7

Wurenna a sinaka le, gwat ka muvuliy di gar na, a so ti vu ka.

Ɓimezle ngi Yesu Kristu ZAŊ mitil di mi 6:56

Mbur mazum meficek ngi vu ɗu, yo masi pumbus ɗu na, naŋ da jom ati ya, yo ya kwana, y'ada jom ati naŋ ya.

ROMAHAY 16:7

Jaka haŋ da Andronikus ati Zuniyas, muy ɗuwoy, yo ndra bumoˀ ati taŋ zleˀe angi dangaya. Mislin ngi Kristuhoy a sinaka taŋ le kuy kuy, yo taŋ i misikristuhoy dumbuŋ angi ya.

ROMAHAY 8:1

Wurenna, mizli mujumom le ati Yesu Kristu na, Buymisemuŋ anta ga taŋ kiita mata.

KORENTIHEY MUDUMBUŊ 1:30

Kum misi jom ati Yesu Kristu na aseˀeŋ, naŋ a tiri le i sin ndra mijileŋ muso ti vu Buymisemuŋ, miɗiy ndra jeŋŋe a mbuŋ Bumbulvuŋ, mitiri ti ndra mizli nga naŋhay, yo mucuko ndra tir mungra ndrahay.

KORENTIHEY MUCUW NAŊ 12:2

Mbur ada, i misikristu, i si na le. A gi le ni vi kuruˀ nga mufaɗa. A zuɓakaŋ faw ng'ar muŋ mimakir naŋ. Aru le ti dumvu naŋ vuna gisiŋ kwa? Malla aru manja dumvu kwa? I si na ta. Misina i Buymisemuŋ pal naŋ.

KORENTIHEY MUCUW NAŊ 13:5

Kum vuna, puraka mevel kumo ti haŋ kum tehhe a muŋ. Kum mitiɓam na, kum ada sipaka kwa mbrike na, bigaka so. Malla Yesu Kristu naŋ da a hur kumo na, ki sinaka ta kwa? Sey da ɓi ngi Kristu kum mitiɓaka na, ki ndilaka bigi naŋ ta far.

KORENTIHEY MUCUW NAŊ 5:17

Yo ma na, da mbur mujum le ati Kristu na, a tiri mbur nawaya le. Gwat magala a cuh le, puraka, gwat nawaya naŋ da.

KORENTIHEY MUCUW NAŊ 5:19

Na zle i Buymisemuŋvuna miɗiya ɓi ar wala ngi mizli ati naŋ tehhe a muŋ, asi taŋ mujom ati Kristu. A wulka mungra taŋ ta, a vula ndra slra ngi ɗiya ɓi, ɓa i tilam di mi.

GALATAY 2:20

Ya ti siifa ɓula, amma i ya mata, i Kristu misi a hur ɗu. Asi ya misi ti siifa wurenna na, i ndir di ti tiɓa Mangal ngi Buymisemuŋ muwuɗ ya, naŋ muvula hirnga naŋ asi ya.

EFESEY 2:10

Na, miga ndra i Buymisemuŋ, a ga ndra ɓa i gam gwat mezlehey ar ndra mujom ati Yesu Kristu. Buymisemuŋ a ɗiya gwat mezle tayna le daf dumbuŋ ɓa i gaka taŋ.

KOLOSOY 1:19

Asi Buymisemuŋ a hĩyã le, ɓa naŋ vuna wãˀ, a ndir jom ati Mangal naŋ.

KOLOSOY 1:27

Buymisemuŋ a wuɗ ɓa mizli naŋhay a sinaka ɓi muɗum nah na, i ɓi madiɗa, yo naŋ ti dudok haɗa a wuzla mizli duniyahaya. Mbiɗeˀvra: Kristu a wuzla kum, kum minjah hiri asi dudok naŋ na vurˀeŋ.

KOLOSOY 2:9

Asi Buymisemuŋ wãˀa, a tiri dumvu, naŋ da jom ati Kristu.

ZAŊ MUDUMBUŊ NAŊ 4:12

Mbur mupura Buymisemuŋ ɗaˀ anta ndiɗaˀ wãˀ. Amma da i ra wuɗam vu ar wala ndra na, Buymisemuŋ naŋ da jom ati ndra, yo naɓa wuɗavu naŋ, naŋ njah wãˀ a hur ndra.