Ɓimezle ngi Yesu Kristu ZAŊ mitil di mi 14:2 - Bible en langue guiziga

² Li ada haɗa a hay Baha, ya muɓukum: ‹I ra ru nga ɗiyukum li kum masa ndiram ara› na, vurˀeŋ.

Ɓimezle ngi Yesu Kristu ZAŊ mitil di mi 14:2 ပူးပေါင်းရင်းမြစ်များ

Ɓimezle ngi Yesu Kristu LUK mitil di mi 14:22

Zik neˀ na, gawla tuwa a mawa, a ɓaŋ: «Kumani, yi ga gwat ka miɓa tuwa le, amma li ada aruŋ.»

Ɓimezle ngi Yesu Kristu ZAŊ mitil di mi 13:33

Ziri ɗuwoy, y'anta zik ati kumo haɗa mata. Ki sa ram ti sipikiy, amma ɓi ya miɓa da Yudehey na, wurenna yi ɓukum di da kum aya muduba: ‹Li ya maru ng'ara na, kum anta ram gu ta.›

Ɓimezle ngi Yesu Kristu ZAŊ mitil di mi 13:36

Simoŋ Piyer a ɓa Yesu: «Ki ru nga maka Buy?» Yesu mbiɗaŋ di: «Li ya maru ng'ara na, k'anta sipiy gu wurenna ta, amma nga mbuŋ na, kisa sipiy ɓula.»

Ɓimezle ngi Yesu Kristu ZAŊ mitil di mi 14:28

Ki cinaka le, yi ɓukum: ‹I ra cuh le, yo i sa mo ng'avu kum.› Da kum ada wuɗikiy zleˀe na, anja ani ki mumulom le ti ru ɗu ng'avi Baha na, vur Baha i madiɗa fineˀ ya.

Ɓimezle ngi Yesu Kristu ZAŊ mitil di mi 16:4

Amma ya muɓukum ɓi hana na, da pas naŋ misa gi le na, ɓa kisa wulkaka keŋ, yi ɓukum di le zleˀe. «Yi ɓukum ɓi nah zle angi zlivirzi naŋ ta na, vur y'ada zleˀe ati kumo.

Ɓimezle ngi Yesu Kristu ZAŊ mitil di mi 17:24

Baha, mizli ka muvuliy taŋ na, yi wuɗ ɓa taŋ kwana, a ndiram ati ya ar li ya misi anga na ya, ɓa a singilaka dudok ka muvuliy di na, asi ki wuɗ ya le zle ti duniya mizli virzi t'aruŋ.

SLRA 9:16

Asi mike na, ya ti hirnga ɗu, gwat naŋ masa si bonoy vurˀe gar asi slimiɗ ɗu na, i sa bigaŋ di.»

KORENTIHEY MUCUW NAŊ 5:1

Naŋ kine, i sinaka le, da guɗuk ndra ngi ruwuy, ndra misi anga hana, a puw le avra na, hay ndra ada a muŋ, hay mandir hã ngi sete, i mizli mindiraka ta, i Buymisemuŋ.

TESALONIKEY MUDUMBUŊ NAŊ 5:9

Asi Buymisemuŋ a wina ndra ɓa a zuɓ himaˀ angi ndra ta, amma ɓa a laha ndra tisi Buy ndra Yesu Kristu.

Ɗerewol TIT 1:2

ɓa a njaham hiri njah ar siifa ngi sete, Buymisemuŋ magi slir ta, miɓa ɗaˀ le zleˀe dumbuŋ angi gwatay gar na.

HEBEREY 11:10

Asi mike na, Abraham a kutuk di i walahay, virzi naŋ muɗuvaka na, naŋ gidaŋ gidaŋ, miwi naŋ ati mindir naŋ, i Buymisemuŋ vuna.

HEBEREY 13:14

Vur walahay ndra madiɗa, ndra misi anga a ruwuy aka na, naŋ anta ndir hã ngi set ta, amma i ra sipam walahay masa ndilo ndra tumbuŋ.

HEBEREY 6:20

Yesu a ci le vur ndra ar li nah dumbuŋ ar ndra si, a ci ngi wãˀ hã ngi sete, asi a tiri masay madiɗa a mbuŋ Buymisemuŋ le kaɓa Melkisedek.»

HEBEREY 9:8

Ti guɗuk mudumbuŋ misi ada aruŋ na, ˀUf Mipal a biga na, jiviɗ ngi ci ng'ar li mipal wãˀa, a wun t'aruŋ.

ƁIMUNJUYO 1:5

Waɗ tivu Yesu Kristu, mbur migi sedewo mikaslsla, modogom mislikiɗ dumbuŋ ti wuzla mumucahay, yo Buy miwi buy madiɗa ngi ruwuyoy. Kristu ara wuɗ ndra, a tuɓo ndra le tivu mungra ndraˀahaya ti pumbus naŋ.

ƁIMUNJUYO 21:2

Keɗ na, walahay madiɗa mipal, Zeruzalem nawaya, ara po sar paɗ a muŋ ti ciki Buymisemuŋ. A juw vu le kaɓa ngwas miɗiya vu naŋ le ngi kutuko zil naŋ ngi sliˀi.

ƁIMUNJUYO 3:12

Mbur mulum bugawla le na, i sa tiri di ɓamtal angi hay ngi Buymisemuŋ ɗu, anta sa bi ti raˀa mata ndiɗaˀ wãˀ. Yo i sa toho slimiɗ ngi Buymisemuŋ ɗu ati slimiɗ ngi walahay madiɗa ngi Buymisemuŋ ɗu a hirnga naŋ. Walahay nah vuna, i Zeruzalem nawaya mapo sar paɗ ti muŋ ti ciki Buymisemuŋ. Yo i sa toho slimiɗ ɗu nawaya a hirnga naŋ ma.

ƁIMUNJUYO 3:21

Mbur mulum bugawla le na, i sa vulaŋ jiviɗ ɓa a cifi aciki ɗu angi li zumabuy ɗu, kaɓa ya mulum bugawla, ya mura cifi aciki Baha, ar janga nga naŋ buy na ya.